يقول انه حضر ثلاث دورات تحكيميه !!!!! - نادي الهلال السعودي - شبكة الزعيم

كره سهله · #1 04/12/2006, 04:23 PM

[COLOR="Blue"] السلام عليكم ورحمة الله وبركاته

اولا يا اخواني ابارك لكم الثلاث نقاط وهي مايهمنا الان في ظل مطاردة منافسنا على الصداره الشباب

بعد نهاية مباراة امس استوقفني حقيقة ثلاث مواقف

هي فعلا تدل على ان النصراويين بعيدين كل البعد عن حقيقة كرة القدم

فأصبح في نظرهم الأنصاف ان لايفوز الهلال بأي طريقه من الطرق

نعود الى الثلاثة مواقف من النصراويين انفسهم وانتم احكموا بأنفسكم هل همهم البطولات او خسارة الهلال

وصدقوني ان النصراويين يكرهون الهلال اكثر من حبهم لفريقهم

اولا : فهد الهريفي

وهو يمثل اللاعبين النصراويين

قال بعد نهاية المباراة وفي اثناء تحليله للمباراة على قناة اي ار تي

( اريد من المخرج ان يعيد لقطتين مهمتين في المباراة اللقطه الاولى طبعا لقطة الهدف اما اللقطه الثانيه وهي

وهي لقطة سقوط قوارو داخل منطقة الجزاء وقال تعقيبا على هذه اللقطه ان قوارو مثل على الحكم وان الحكم

من المفترض ان يخرج بطاقة صفراء على قوارو لتمثيله على الحكم ) انتهى كلامه

طيب ياهريفي صدقناك لكن وش رايك بسقوط المشعل وتمثيله على الحكم في الشوط الاول الا يستحق بطاقة صفراء

ووش رايك بلاعيكم عبدالرحمن البيشي اللي يمشي ويطيح حتى وهو طالع بعد تغييره بغى يطيح يمكن يبي بلنتي

!!!

وليه ماعلقت ياهريفي على لقطة لمسة اليد في الشوط الثاني من مدافع النصر ماساميسو عندما ارتقى لها تفاريس

برأسه وحاول لعبها في المرمى واذا بيد مساميسو تبعدها لضربة زاويه

ياهريفي لاتنظر للمباراة بعيون صفراء وتدور لقطات على كيفك ترا الجماهير ليست غبيه

سؤال اخير للهريفي

قلت ان الاعلام شحن الجماهير وانه المتسبب الأول بماحصل من خروج الجماهير عن طورها

طيب ياهريفي ليش جمهور الهلال ماخرج عن طوره يوم ترقص امامهم في الملعب

ليش جمهور الهلال ماخرج عن طوره عندما الغي له هدف لخميس العويران اما النصر في المربع الذهبي

تدري وش مشكلتكم انكم فكرتوا في الهلال اكثر من تفكيركم بفريقكم فضاعت عقولكم بين الهلال وبين فريقكم

وصرتوا ماتدرون وش الطبخه !!

ثانيا : عبدالعزيز المريسل

وهو عينه من الاعلام النصراوي

ضحكت امس اشد الضحك على هذا الصحفي وهو ينتقد الحكم على احتسابه الهدف الهلالي الاول

يقول هذا الصحفي ( تابعت تحليل محمد فوده للمباراة وانا استغرب كيف يقول ان الهدف الهلالي الاول صحيح

ويتابع المريسل كلامه ويقول انني حضرت ثلاث دورات تحكيميه ويقول انا ما ادري اللي كانوا يحاضرون لنا ناس

جاهلين بالقانون او ان فوده هو الوحيد الفاهم ويتابع كلامه قائلا ان اللاعب اذا تعمد ارجاع الكره للحارس وكان المهاجم

في موقف تسلل لايحتسب تسلل اما اذا لم يتعمد المدافع ارجاعها للحارس وانما اصطدمت فيه فأنها تحتسب تسلل

وبالتالي هدف ياسر تسلل واضح ) انتهى كلامه

يعني الحين يالمريسل تبي تقنعني ان المسأله تدخل بالنيات !!

اجل على كذا كل شوي الحكم بيوقف اللعب وبيروح يسأل اللاعب انت يوم ترجع الكوره مبيت النيه انك ترجعها او لا؟

يالمريسل عندي لك سؤال بسيط

انت متأكد انك حاضر دورات تحكيم مو دورات في فنون الطبخ ؟

ثالثا : جمهور النصر

وهو بالطبع الفئة الثالثه بعد اللاعب والاعلام

تصدقون اني ارحمكم

والله انكم مساكين

تدرون وش مشكلتكم انكم حطيتوا راسكم برأس الهلال وصدقوني هذا اللي حاسكم

بالعربي الفصيح لاانتم اللي اهتميتوا بفريقكم ولا انتم اللي تركتوا الهلال بحاله

والمثل يقول : من راقب الناس مات هما وغما

ومشكلتكم انكم ماراقبتوا اي ناس راقبتوا الهلال وتحملوا مايجيكم من هم وغم

يعني لامستوى زين ولا اخلاق زينه

شين وقوي عين

ذكرتوني بأيام الحاره !! ابلعب والا ابخرب

والله اللي سويتوه عيب في عيب لكن صدق اللي قال من امن العقوبه اسأء الأدب

وعذرا على الأطاله اخواني ولكم تحيتي

دحيم555 · #2 04/12/2006, 04:44 PM

إقتباس

الرسالة الأصلية كتبت بواسطة كره سهله


	[COLOR="Blue"] ثانيا : عبدالعزيز المريسل يقول هذا الصحفي ( تابعت تحليل محمد فوده للمباراة وانا استغرب كيف يقول ان الهدف الهلالي الاول صحيح ويتابع المريسل كلامه ويقول انني حضرت ثلاث دورات تحكيميه ويقول انا ما ادري اللي كانوا يحاضرون لنا ناس جاهلين بالقانون او ان فوده هو الوحيد الفاهم ويتابع كلامه قائلا ان اللاعب اذا تعمد ارجاع الكره للحارس وكان المهاجم في موقف تسلل لايحتسب تسلل اما اذا لم يتعمد المدافع ارجاعها للحارس وانما اصطدمت فيه فأنها تحتسب تسلل وبالتالي هدف ياسر تسلل واضح ) انتهى كلامه يعني الحين يالمريسل تبي تقنعني ان المسأله تدخل بالنيات !! اجل على كذا كل شوي الحكم بيوقف اللعب وبيروح يسأل اللاعب انت يوم ترجع الكوره مبيت النيه انك ترجعها او لا؟

انت كذا

اجل بالله فيه مدافع بيرجع الكوره للمهاجم قاصدها !!!

عجب عجب يانصر

كره سهله · #3 04/12/2006, 08:26 PM

مشكور اخوي دحيم 555 على مرورك
تشرفت بمرورك