حوارات ساخنة بالامس : الروقي يهزأ العمدة مشجع العين - نادي الهلال السعودي - شبكة الزعيم

الـ8ـلال · #1 04/12/2006, 12:01 PM

مساء الزعماء .. مساء ما يليق الا بعشاقة ..

مساء الفرح و الفوز و العشق الازرق ..

امس غير ..

طبعا جلست اتفرج على تحليل النقاد في المحطات ، وبنقل لكم اهم التحاليل و اغربها ، منها اللي يضحك و منها حسرة الحاقدين ..

في استديوا الـ art تضحك على سخافات فهد الهريفي و تعجب لكلمات صالح الحمادي ، الهريفي كان منفعل وده يصيح و كان يترجى المخرج يعيد لقطة الهدف الملغي و يقول فيه شي ما لاحظتوه تابعوا رجل الخط كان متقدم عن المدافعين و كان يبيت ( سوء النية ) عندما حس بخطورة الهجمة رفع الراية ، طبعا رد عليه الحمادي قال وانت داخل قلبة و عرفت انه كان مبيت سوء النية و مستقصد يرفع الراية ، الهريفي تلعثم و تراجع عن كلامة و اعتذر ..

الهريفي اعترف بقوة الزعيم و انه يفوق النصر بجميع الخطوط وانه فريق متكامل و استغرب من مدرب النصر انه تارك ياسر بدون مراقبة وابدى اعجابة الشديد بياسر ..

من مقابلة ممدوح بعد المباراة سالة المذيع وقال النصر في الشوط الثاني ما قدم شي و الهلال كان مسيطر على المباراة ، طبعا الداهية اجاب برد غريب و يضحك قال وشلون تبي الفريق يلعب و هو عارف انه راح يظلم ..

في برنامج القرار في القناة الرياضية ابدع الكاتب فهد الروقي و دافع عن حقوق الهلال وكان بالمرصاد لكل متصل و رفع ضغطهم و ضغط الكاتب النصراوي الضيف الاخر عبدالعزيز السويد من جريده شمس ..

سأله مقدم البرنامج ابراهيم الجابر عن رأية بالهدف القضية وقال تسلل واضح ، ولنا ضربة جزاء ملامسة الكرة بيد المدافع الشوط الثاني و ما قلنا شي ، وياما الهلال انظلم في مباريات و لا صارت المهازل هذي اللي شفناها ..

اتصل العمده المشجع العيناوي وقام يبرر لجماهير النصر و معاها حق في تصرفاتها وهي تشوف فريقها ينظلم وانة يشجع النصر من ايام ماجد و الهريفي ، طبعا ابو روقي ما خلاه وقال للجابر ابيه لا يروح ..

الروقي قال للعمدة ان راضي بتصرفات الجماهير النصراوية و تشجع الشغب و هذا مرفوض ، بعدين شوف فريقك اللحين يقصد العين يتذيل قائمة الدوري الاماراتي ياليتك وقفت معاه في محنته ، والا جاي هنا تحتك في الزعيم ، العمدة طاح وجهه و قام يقول انا ما عندي مانع لو طلبني اي نادي سعودي اشجعه وانصح النصراويين ينسون الدوري و يفكرون في العربية ..

الجابر سال العمدة مين الزعيم الحقيقي الهلال ام العين والزعامة بماذا تقاس ، العمده قال السؤال منك او من الروقي واجاب تقاس طبعاً بالبطولات واعترف ان الهلال زعيم ببطولاتة ؛ و لكن الزعيم العيناوي هو الزعيم الان لانة فاز على الزعيم الحقيقي ثلاث مباريات من اصل اربع ..!!
الروقي قال كل مبارياتكم فزتوا فيها بمدينة العين و بضربات جزاء و بمساعدة الحكام ..

السويد على باله بيرد للعمدة كرامتة قال مثل الهلال ما يقود رابطتة حماده المصري العمدة يقود رابطة النصر ، رد علية الروقي و صحح له المعلومة وقال الحقوي هو من يقود رابطة الزعيم وحمادة مشجع معجب ..

اغرب اتصال كان من شخص اسمة ( عماد ) مدري عبدالرحمن بن سعود له ولد اسمه عماد لان الصوت صوت ممدوح استلم الهلال و الروقي وقفل ..

واسف للاطاله و اقول لكم مبروك النقاط الثلاث ..

هلالية من زمن آخر · #2 04/12/2006, 12:04 PM

والله ان امس النصراويين مسوين نكت موب طبيعيه

والعمده ...يقول العين هو الزعيم

!

هع يستهبل الاخ

مشجع الميلان · #3 04/12/2006, 12:32 PM

الروقي كان مبدع وسكتهم كلهم...

الذئب الهلالي999 · #4 04/12/2006, 12:52 PM

الروقي
بطــــــــــــــــــــل

آآآهات هلااالي · #5 04/12/2006, 12:59 PM

قافلة الزعيم تسير والكلاب أعزكم الله تنبح

lqlaq · #6 04/12/2006, 01:03 PM

وفيه هلالي اسمه ابو هياء اتصل ورد على الوقح اللى كان معهم من جريدة الرياضي اعزكم الله يوم انه قال ان فيه لاعبين فى الهلال كلهم عضلات ولا فيهم مخ واستشهد بخالدعزيز وعمر الغامدي ورد وقاله فى النصر لاعبين مثل البيشي لا عضلات ولا مخ وميوعة فى الملعب والله ياهو كش وجهه

الوا111في الهلا111لي · #7 04/12/2006, 01:20 PM

السلام عليكم ورحمة الله وبركاته ...........

ما اطول عليكم ........

اللي شاف برنامج القرار كاملا ...........

المتصل عمااااااد

هو ممدووح بن عبدالرحمن الضاطوووووووووووووووووووووور

وقال كلااام ما ينقال عن الهلال

نادي الهلال نادي تحكيم وما الى ذلك

عموما كلام تعودناه من الفقراويه الحالميين ببطوله من 10 سنوات على التوالي

وجيت ابرد حرتي بذا الضاطووووور اتصلت مليون مرة وشبكت معاااي وحده

وكلمني واحد بالاستديو وقالي وش اسمك قلت ابو نواف قال طيب قل اي شيي الا

اللي اتصلوو قبل شوي قلت ابغى ابديي رايي بالمتصلين سكر السماعه بوجهي

هذا الدليل انه ممدوووحوه

وبعدين اتصل واحد باسم عبدالعزيز وتتوقعون مين

هو ؟ طلع المزيني (رقيه ) هههههههههه

يالله يتكلم

واتمنى واحد من الاعضاء يحط يوم اتصل عممااد ( ممدوح ) على برنامج القرار

واتمنى من الاتحاد السعودي يضعوون حد لهذه الهزله الاخره من ممدوحوه

بالنسبه للممدوح حتى النصراووين ما يطيقونه ويعايروونه بالضاطوووووور

.................................................

هلالي***1*** · #8 04/12/2006, 01:23 PM

IqIaq
هههههههههههههههههههههههههههههههههههههههههههههههههههههه

ماشفتها ... حساااااااااااااااااااااااافه

mendieta16 · #9 04/12/2006, 01:23 PM

يمكن اغلبنا شاف المصخره الي صارت ببرنامج القرار . والاستهبال الي سواه اخونا في الله عماد ( ممدوح).. لهالدرجه يستغفل المشاهدين ! او لهالدرجه خايف من كلامه ومايقدر يقوله بأسمه الحقيقي !

اذا صرت على حق وواثق من نفسك تكلم باسمك ولا تتخبى خلف اسماء مستعاره زي يوم عماد في البر .

الجرأه تنقصهم .. او ع الاقل ياليته غير صوته شوي عشان ماينكفش .

تحياتي للاخ عماد

زعيم رياضي · #10 04/12/2006, 01:24 PM

أما ميوعه والله إنه صادق أبو هياء ( حتى طلال المشعل صار يتميع ويطيح قبل يحتك في اللاعبين هههههههههههههههههههههههههههههههههههه ) والله حالـــــــــــــــــــــــه

هامور البورصه · #11 04/12/2006, 01:28 PM

والله العمده هاذا تعب نفسه على الافااضي وماافيه انساان عااقل مايلووم جمهور النصر امباارح

او لااعبين النصر او ادارين النصر حاطين الملعب مهزله لااكن هم يدروون انهم اذا غلطوو محد رااح

يعااقبهم عشاان كذا هم يتمادون فالغلط

والله يعطييك العاافيه على المعلوماات الحلووه وشكراً لك

White Blue · #12 04/12/2006, 01:31 PM

ههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههه

الزعيم 2010 · #13 04/12/2006, 01:32 PM

الروقي كان مبدع وسكتهم كلهم...

ابـومهنـا · #14 04/12/2006, 01:34 PM

لآيهموونكم يـآششبـآب هما خذ الهلال ثلآث نقـآط يقعدون يفحطون على وجيههم

حكيم بنوهلال · #15 04/12/2006, 01:38 PM

الروقي كان مبدع وسكتهم كلهم...