#1  
قديم 03/12/2006, 02:57 PM
زعيــم متألــق
تاريخ التسجيل: 13/08/2006
المكان: أرض الله الواسعه
مشاركات: 1,057
أنا وابني ورجل المرور الشااااطر ......!!

بسم الله الرحمن الرحيم

شوفو القصة هاذي صارت لي وأنتم الحكم وأعطوني آرائكم لما حدث .

الساعة 7 مساء جاني اتصال من زوجتي .

زوجتي : السلام عليكم .
أنا : وعليكم السلام
زوجتي : تعال ابو فهد الحق علي فهد أكل حبوب الظغط حقت الوالدة ..
أنا : يالله انا جاي اللحين ماتدرين كم أكل حبة ؟ >>> أسلوب تهدئة لام فهد العزيزة

زوجتي : مادري طلعت من فمه ثنتين والظاهر بلع ثنتين .

أنا : لا إنشاء الله بسيطة حاولي تخلينه يتقيأ لين أوصل لكم خمس دقائق بس .

غيرت وجهتي واتجهت على البيت وأنا أدعي رب انه يستر على ولدي وواجه ذيك الإشارة واقسم بالله كان لونها أصفر .

لو أنت في مكاني هل ستقف للإشارة ..؟

طبعا عديت الإشارة وأول ماتعديتها صار لونها أحمر . وكان في سيارة مرور منخشة تحت شجرة تصيد اللي يقطعون الإشارة .

مشيت في طريق واتفاجأ بوجود نقطة تفتيش وقفت عنده قال لي رخصة وإستمارة قلت له ياطيب أنا ولدي ماكل حبوب ضغط وماعندي وقت للرخصة والإستمارة وربي ماازود عليك في كلامي .

قال لي : رجل المرور المحترم . علينا التصريفات جيب الرخصة والإستمارة ووقف على جنب واركب الباص ولاتكلمني .

قلت : يالغالي وربي الولد لو نزل عنده الظعط يموت حاولت افهمه اشرح له . عطاني ابتسامة . وقال الأعمار بيد الله يالله عجل علي وقفت السير . طبعا عطيته الرخصة والإستمارة . وقال لي وقف على جنب . >>>>>>>> " ايه هين يبي يوقف "

وحط رجلي من عنده وانطلق للبيت يالله لو تشوفون وشلون العرق يصب من ولدي والجو برااد ماتصدقون . أخذت الولد وزي البرق انقز لمستشفى اليمامة عيادة الأطفال وهم ماقصرو هناك ولله الحمد والمنة سوو للولد غسيل معده وقالو لازم يكون عندنا تحت الملاحظة 24 ساعة .
" اقسم بالله منظر الليات وهم يدخلونها بفمه وبكاء ابني خلاني ابكي حسيت ان نهاية فهوودي قريبة .

اتصلت على زوجتي وقلت لها الولد بخير بس لازم يجلس عندهم 24 ساعه وطمنتها . وجلست ذيك الليلة في المستشفى .

نسيت سالفة الرخصة والإستمارة وماتذكرتها الا بعد ثلاث أسابيع من السالفة وقلت يالله نروح الناصرية ونشوف وش يقولون .

رحت الناصرية ودخلت قسم المرور وقلت لهم السالفة . قال لي ياحبيبي وحضرتك مين علشان تنحاش . قلت انا مانحشت السالفه ومافيها وقلت السالفه . قال اقول التصريفات هاذي قلها لأصغر عيالك . " كذا الأخلاق والا بلاش صح ياأمن الدولة "

المهم جاب لي الرخصة والإستمارة وكان موجود نفس العسكري اللي ماخذها . قالو ماتطلع من عندنا الا مسدد القسايم . " قطع إشارة وهروووب "

أنا مااذكر عندي غير القسايم هاذي . واتفاجاأ بوجود مبلغ في القسائم وقدره خمسة الآف ومئتين ريال .

سالت قلت وش السالفه قالو قسايم عليك زمان قلت ياجماعه انا في حياتي اخذت قسايم قالو سدد والا وضعناك في الحجز قلت لا لازم اعرف وش القسائم .

طلع رجل المرور الحبيب الطيب اللي مامثله عنده رخصتي واستمارتي ويروح لم أخوياه ويقول يالله اكتبوا قسايم على الشخص هذ1 عشان يتأدب ويحترمني ولاينحاش من عندي مرة ثانية .

ويوم رجعنا القسايم طلعت بأسماء عساكر مختلفه وعددهم سبعة عساكر قلت طيب وش الحل .؟ قالو : سدد وخذ استمارتك ورخصتك وبعد قدم شكوى على العسكري .

أمرنا لله سددنا القسايم وطلعنا واشتكينا وصار على السالفة عشرة شهور وأنا اراجع وكل واحد يصرفني وحتى الآن لم يؤخذ لي حق .

ياترى كم من الناس اخذ من المخالفات المرورية ظلما ....؟

ياترى هل يتم محاسبة العسكري على كتابة المخالفات ..... .؟ اللي اعرف اللي يخلص دفتر له اجازه يومين .

ياترى لو وقفت لهم في ذاك اليوم وانخفضت دقات قلب ابني وتوفي ماذا وقتها سيحدث .؟

ياترى هل العسكري الذي كتب لي المخالفات مع زملائة ستكون لهم نقود هذه المخالفات .؟

ياترى لو كان العسكري هو " ابو فهد " وحصل له ماحصل لي ماذا سيعمل .؟

في النهاية " لاحول ولاقوة الا بالله " وحسبي الله عليهم ونعم الوكيل "
اضافة رد مع اقتباس
  #2  
قديم 03/12/2006, 03:24 PM
زعيــم فعــال
تاريخ التسجيل: 05/09/2006
مشاركات: 298
شكراً ياابو فهد
القصه روعه
اضافة رد مع اقتباس
  #3  
قديم 03/12/2006, 03:25 PM
زعيــم متألــق
تاريخ التسجيل: 13/08/2006
المكان: أرض الله الواسعه
مشاركات: 1,057
إقتباس
الرسالة الأصلية كتبت بواسطة مالكه السعوديه
شكراً ياابو فهد
القصه روعه


الله يصلحك بس قاعد اقول انا قصة والا فلم هندي أنا اتحدث عن معاناة
اضافة رد مع اقتباس
  #4  
قديم 03/12/2006, 03:31 PM
زعيــم فعــال
تاريخ التسجيل: 05/09/2006
مشاركات: 298
طيب وش يعني؟
اضافة رد مع اقتباس
  #5  
قديم 03/12/2006, 04:33 PM
زعيــم متألــق
تاريخ التسجيل: 13/08/2006
المكان: أرض الله الواسعه
مشاركات: 1,057
إقتباس
الرسالة الأصلية كتبت بواسطة مالكه السعوديه
طيب وش يعني؟

اللحين جالس اكتب معاناة الله يصلحك ومشكلة صارت لي تقولي القصة حلوه خخخ

اللي يشوفني يقول قاعد يقص قصة ام العنزين والا سندريلا والاقزام السبعة وشو الحلو فيها انا ابي اعرفه بس .

ياشين اللي بس يبي يحط رد ولا قرأ الموضوع وربي يتورط
اضافة رد مع اقتباس
  #6  
قديم 03/12/2006, 04:43 PM
زعيــم مميــز
تاريخ التسجيل: 30/12/2003
المكان: في بيت امها
مشاركات: 2,108
الحمد لله على سلامة ولدك
فهودي
وحسبي الله ونعم الوكيل في ذا الشرطيين
تقبل مروري
اختك عيون الزعيم
اضافة رد مع اقتباس
  #7  
قديم 03/12/2006, 04:55 PM
زعيــم مميــز
تاريخ التسجيل: 06/09/2005
مشاركات: 1,600
الحــمـــد لله عــلــى ســلامـــة فـــهـــودي ...

وان شــاء الله يــكـــون نــعــمــ الولـــــد ...

وحــســبـــي الله على الظــالمــيـــن ...

(( اللهـــمــ اهــلـــكــ الظــالمــيــن بــالظـــالمـــيــن ))


والله يــهــدي الجـــمـــيــع ..

........

الله يــعـــطــيــكــ العــافــيـــة عــلــى قــصـــتــكــ .. ( التي بــهــا عــبــرة ) >> مسوي تـــأثــر
اضافة رد مع اقتباس
  #8  
قديم 03/12/2006, 05:04 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
الحمد لله على سلامة الولد وهذا هو المهم ..

أما من جهة رجال المرور حدث ولا حرج !!

صحيح النظام مطلوب وتطبيقه واجب على الجميع .. لكن والله إن نصف هالعساكر يبي لهم تأهيل من جديد !!!

تصدق ولد عمي لقى عليه مخالفتين في بقيق مع إنه طول حياته ما راح لبقيق ولا شافها ..!!

على العموم لو إنك مأخر نفسك دقيقة واحدة كان ما حصل اللي حصل ..

موفق دوم يا ابو فهد والله يحفظك ويحفظ فهد ..


تحياتي لك ،،،
اضافة رد مع اقتباس
  #9  
قديم 03/12/2006, 05:39 PM
زعيــم متألــق
تاريخ التسجيل: 13/08/2006
المكان: أرض الله الواسعه
مشاركات: 1,057
عيون الزعيم

إقتباس
الحمد لله على سلامة ولدك
فهودي
وحسبي الله ونعم الوكيل في ذا الشرطيين
تقبل مروري

الله يسلمك ومشكور على مرورك


د هدف
إقتباس
وان شــاء الله يــكـــون نــعــمــ الولـــــد ...

من بؤك للسماء بس نجس الله يصلحه مادري من عليه طالع >>> أكيد على خواله يصرف


إقتباس
وحــســبـــي الله على الظــالمــيـــن

المسامح كريم ونلقاه في أعمالنا في يوم لاينفع مال ولا بنين

إقتباس
الله يــعـــطــيــكــ العــافــيـــة عــلــى قــصـــتــكــ .. ( التي بــهــا عــبــرة ) >> مسوي تـــأثــر

الله يعافيك ويخليك لعين ترجيك " دعوة عجوز " مشكور على مرورك


البارق

إقتباس
الحمد لله على سلامة الولد وهذا هو المهم

الله يسلمك ويسمنك

إقتباس
أما من جهة رجال المرور حدث ولا حرج

والله عارفين ان نصهم ماعندك احد وغالبيتهم مخدرات وجاهليين وأميين

إقتباس
صحيح النظام مطلوب وتطبيقه واجب على الجميع .. لكن والله إن نصف هالعساكر يبي لهم تأهيل من جديد

قبل مايتكلمون عن النظام خلهم هم بأنفسهم يعرفون النظام وربي نص رجال المرور مايطبقون النظام .
أما يبي لهم تأهيل وأنت الصادق يبي لهم لجنة تحقيق وتكون صارمة معاهم .

إقتباس
تصدق ولد عمي لقى عليه مخالفتين في بقيق مع إنه طول حياته ما راح لبقيق ولا شافها

قبل ماتصير لي السالفة مااصدق لكن بعد السالفه لا والله اصدق اجل شايب جائ لهم معارض يقولون عليه قسيمة وهو يحلف انه مايعرف يسوق أبد .

إقتباس
على العموم لو إنك مأخر نفسك دقيقة واحدة كان ما حصل اللي حصل

ولاا فكر أخر نفسي ربع ثانية حتى لو كان على موتي أهم ماعلي عيالي وصحتهم .

إقتباس
موفق دوم يا ابو فهد والله يحفظك ويحفظ فهد

آآمين ويخليك يارب مشكور على مرورك الأكثر من رائع .
اضافة رد مع اقتباس
  #10  
قديم 03/12/2006, 05:46 PM
زعيــم نشيــط
تاريخ التسجيل: 01/11/2006
المكان: الرياض
مشاركات: 553
الف الحمد لله على سلامت فهد اول شي
وبعدين بنسبه للمرور لا تلومهم لن من كثر الي يمرون عليهم ماعد يصدقون ولا وبنسبه للمخالفات وما ادراك ما المخالفات اخوي الصغير ياله علمناه السواقه ويوم جينا نطلع له رخصه يقولون عليه مخالفه سواقت تريله بداخل حي سكني عاد انت حلها
اضافة رد مع اقتباس
  #11  
قديم 03/12/2006, 06:42 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
لاحول ولاقوة الا بالله

إقتباس
طلع رجل المرور الحبيب الطيب اللي مامثله عنده رخصتي واستمارتي ويروح لم أخوياه ويقول يالله اكتبوا قسايم على الشخص هذ1 عشان يتأدب ويحترمني ولاينحاش من عندي مرة ثانية .

من جد ناس ماعندها ضمير!!

انت مظلوم تحسب عليه

واهم شي حمد الله على سلامة فهودي
ارفعو الادويه والحبوب لاتخلونه يوصلها

وياما وياما تصير بالمرور بلاااوي!

موبس يحطون مخالفات عليك وانت ماسويت شي
الا يشيلون مخالفات قرابيهم واصحابهم
ويحطونها على الناس كمان!

من جد انا مره انقهرت على سالفتك
الله يعينك
ويردلك حقك ان شاء الله
اضافة رد مع اقتباس
  #12  
قديم 03/12/2006, 06:58 PM
زعيــم نشيــط
تاريخ التسجيل: 28/08/2005
المكان: الظهـــران
مشاركات: 546
هلا والله ابو فهد

الفلوس تروح وتجي المهم سلامت
ابنك

الي هو سميي
ويبشر باحلى هديه مني


ثاني شي

السوالف ذي تصير كثير
انا صاير مع الدوريات
افلام هنديه لين الليل
وانا ماستغرب الي صاير لهم




مره من المرات
اخذت مخالفه خطا
محتواها
انتهى الاستماره
والحبيب مسجل ترايخ ملكيه السياره
على باله تاريخ الانتهاء
ويوم تغالطه يقول شف الباص هناك اذا مو عاجبك


واجي الحق عسكري ثاني
بس والله باهو انخرط يحسبني ناوي عليه

ويوم اعطيته السالفه
قال بسيطه

*************** الزبده هنـــــــــــــــا شو الوقاحه ****************************

قال هات المخالفه وانا امسحهـــــــا
ودق دق يمين ويسار
قال ياخوي انا من المرور
والمخالف ذي من دوريات الامن ( نقطه تفتيش يعني )

ةالظاهر العسكري الي عطاك اياها ماعنده الا اولى ابتدائي

قال ( رح واشتك عليـــــــــــه )
لو انه من المرور ( اخوياه يعني ) وش بيقولي ( بيمسحا طوالي )
اضافة رد مع اقتباس
  #13  
قديم 04/12/2006, 04:02 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
الحمد للة على سلامة طفلك ..

والله ينصرنا على من استغلنا ..
اضافة رد مع اقتباس
  #14  
قديم 04/12/2006, 04:29 AM
زعيــم نشيــط
تاريخ التسجيل: 11/03/2005
مشاركات: 769
الحمدالله على سلاامة الولد
اضافة رد مع اقتباس
  #15  
قديم 04/12/2006, 04:43 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426
إقتباس
الرسالة الأصلية كتبت بواسطة هلالي وشقاوي
الله يصلحك بس قاعد اقول انا قصة والا فلم هندي أنا اتحدث عن معاناة


هههههههههههههه والله انها نكته ذي مالكة هههههههههه

الحمالله على سلاامة الطفل وهاذا الاهم

واذا على القساايم مالك الا تقوول حسبي الله ونعم الوكيل على هالجندي

وان شاءالله انك بتلقااها يووم القياامه حسبي الله عليه مبسووط يمشي على

اخويااه ويقول اكتبوو قساايم لهدرجه يبيعوون ذمتهم لحول ولا قوة الا بالله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:50 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube