مســاء(صباح) الخيــر .. اخــوانــي أخــواتــي رواد المجلس العــــــــام ..
مســاء(صباح) معطر برائحة الورد والجوري ..
أتمنى أنكمـ تكونوا بألف صحه وخير ..
وخاصه بعد التلاعب في النتايج ..


@@ مــدخــل @@

أحبتـــي ..
الكــل يشعر هذي الأيــام بالبــرد .. وفيه منا من يحب الشتاء .. وفيه من يحب الصيف .. وكل(ن) لغرضه ..
أنا من الناس اللي أحب الشتاء لعدة أسباب أحتفظ بها لنفسي ..
وأكثر مايزين الشتاء الكشتات للبر .. والخروج من الدوام يكون في جو معتدل نوعاً ما .. مو مثل الصيف
طبعاً كل الكــلام اللي راح ماله دخل بالموضوع .. بس أنا صرت مثل ياسر الثقفي لاتعطوني وجه


.. مربط الفرس <<

بالأمس وبعد صلاة العشاء .. كان الجو بارد نوعاً ما .. وهذا الشئ يــأثر على عطائي وحركتي .
ويخليني أنثبر في البيت لساعات طوال .. ولــو أن انثباري مايطول ويصيبني الملل وأطلع ..
بس بالأمس قلت لا ماراح أطلع وبسوي تحدي مع نفسي أني ما أطلع في البرد ..


.. الفرصه الأخيره <<مو الضايعه

طبعــاً جلست في البيت . أمام الشاشه الفضيه .. وأقلب في القنوات .. وكل قناة
اسوأ من الثانيه .. لدرجة أنــي بغيت أقول لأخوي جب البلايستشن أكسر وجهكـ ..
بس قلت راح أعطي القنوات آخر فرصه إذا ماشفت برنامج أعجبني راح أتركهم ويا قنواتهم ..

وبينما كنت منهمكاً في تغير القنوات .. وأطيح لي في قناة لفتت أنظاري .. ولفت سمعي مايقول ..
في هذه القناة .. وهي قناة كنوز .. شفت مذيع ومعاه ضيف .. من أشكالهم لبنانيين ..
ولابسين لبس اسود كلهم .. وعليهم قلائد مادققت في علامتها .. وبغيت اتصل احسبه عزاء ..!!

قلت أشوف وش عنده .. المهم انصدمت لما سمعت المذيع يقول فضيلة الشيخ للضيف ..
قت ماشاء الله مشايخ 2006 بدون لحيه .. قلت أشوف وش عند الفضيله ..

وكان الشيخ معاه ورقه وقلم .. وقدامه أكثر من خمسة كتب كلها مفتوحه ..
المهم اتصل شخص .. وقال كيف الحال يا فضيلة الشيخ ومن هالكلام ..

ولا تدرون أخليكم مع السالفه ..

المتصل : السلام عليكم ..

الشيخ والمذيع معاً : وعليكم السلام ..

المتصل : ياشيخ أنا عندي شخص بسأل عنه .!!

الشيخ : تفضل وقول أسمه واسم أمه :p

المتصل : اسماعيل بن مريم

الشيخ : ايوه خلاص .. عايز تسأل عن ايش .. ؟

المتصل : عايز أسال عن صحته وحياته الزوجيه ..!!

الشيخ : اسماعيل يعاني من ألم في المعده .. وصداع شديد .. وأمس كان بالمستشفى صح !!

المتصل : ايوه صح ..

الشيخ : وعنده ألم بالاسنان .. وقبل اسبوع كان شايل اثنين من اسنانه .. صح

المتصل: ايوه صح ..

الشيخ : طيب يامتصل جيب ورقه وقلم واكتب اللي انا اقول لك وخلال خمس ايام خليها يقراها
وراح يكون طيب وراح تتصل علي وتخبرني انه تمام

المتصل : طيب معاي ورقه وقلم ..

الشيخ : اكتب .. ياشافي .. يارحمن .. يامحي القلوب .. يامحي العظام .. اشفي المريض ........الخ ومن هالكلام ..

المتصل: شكرا ياشخ بس ماقلت لي عن حياته الزوجيه .

الشيخ : حياته الزوجيه انا اقول ك انووه هوا متزوج وطلق قبل فتره صح ..

المتصل : صح ..

الشيخ : وكان هوا يبغى زوجته بس زوجته ماتبغاه .. شوف هو خطب وحده ثانيه .. وراح يتزوجها بأمر الله ..
وراح يتوفق في حياته .. وراح ينجب اطفال طيبين وصالحين ..

المتصل: شكرا ياشيخ !!!!!!

الشيخ : قبل ماتقفل .. راح اعطيك ايات يقراها مره وان شاء الله يتزوج الفتاة وينجبون ابناء ..

اولا/ الايه 59 من سورة الاعرف ..
ثانياً : الايه 3 من سورة البروج ..
ثالثا/ الايه 87 من سورة البقره ..
رابعاً / الايه 15 من سورة الكهف ..

وانتهت المكالمه ..


وعلامات الاستفهام تدور حول رأسي ..
وواصل البرنامج الاتصالات وعلى هذا المنوال يسالون عن حياتهم العمليه والزوجيه والدراسيه ويجيب عليهم ..
وبين كل اتصصلا واتصال يحاول الشيخ اثبات بأن هذا لعلم وليس شعوذه .. ويقول هذا العلم من فضل ربي ..

والغريب العجيب في الامر .. ان كل من اتصل يتعجب من كلام الشيخ لانه يكون صحيح كل ماقاله عن المتصل ..
يعني لو انا متصل عليه واقول قل وش آخر موضوع كتبته والله ان يقوله لي ..

طبعاً تابعت البرنامج كله وأنا مؤمن تماماً بأن هذه شعوذه وسحر وتعامل مع الجن ..
وكان بين كل اتصال يوضح ان فيه اشياء يسويها قبل ما يجي البرنامج .. حتى المذيع يقول ودي اتعلم ..

وأنا فقط تابعت البرنامج من باب الفضول كعادتي فقط .. وإلا أعرف تماماً انها شعوذه .. وسحر ..
ويدعي أنه علم.. وانه متمسك بالقران وشافي بالقران ..
والحقيقه فقط يريد ان يوهم المشاهدين انه ليسست شعوذه ..

الامر اللي خلاني أنقز من الضحك .. انووه كان معاي واحد محتار يكمل ماجستير ولا لا !!
عاد قال وش رايك اتصل فيه واقول وش بيصير لي !! <<انا عصبت وبغيت اطب في بطنه ..
قلت هذي شعوذه .. وسحر .. وانت تعرف حكم من أتى ساحر حتى ولم يصدقه ..
قال ايه صح بس بستهبل .. قلت لا يكثر

*******************************************************************************************

المهم اني بعد البرنامج ماجلست وطلعت في البرد لاني عارف اني راح امل اصلا من التلفزيون ..
وخسرت التحدي اللي قلت مع نفسي .. ولفني البرد على وجهي

وفي اليوم الثاني .. تابعت البرنامج نفسه ونفس اللي صار أمس صار اليوم ..
والمشكله أني لما قلت لبعض الشباب صدموني بكلامهم .. قالوا أن فيه شباب سعوديين
يتصلون للأسف .. أنا ماشفت بس هم قالوا .. قلت غريبه شباب إلى الآن الجهل متشبث فيهم !!

عموماً البرنامج أسمه ( صــدق أو لاتصــدق ) في قناة كنوز .. بعد صلاة العشاء بفتره بسطيه ..
وعلى طاري صدق أو لاتصدق .. تذكرت خاطرة المبدع سمو الامير / عبدالرحمن بن مساعد .. رووووعه



مايستفاد من الموضوع /

* كل هذه الخرابيط على اسمها خرابيط وشعوذه وتعامل مع الجن .. يجب ان نحذر منها ..
* الفراغ يجعلك تنبش في التفزيون ويكمن يأثر عليك.. لذلك شف لك كتاب اقرأ فيه احسن ..
*فيه ناس يحبون يطلعون زياده على اللزوم .. ويجربون .. بس كل شي وله حدود !!
<واقصد اللي يقول بسال واستهبل ..

وقبل الختام ..
أسال الله أن يغفر لوالد الأخت / سحر الشرق .. وأن يدخله فسيح جناته ..
ويهمها الصبر والسلوان .. وعظم الله أجرها .. واطلب منكم توحيد التواقيع تعاطفاً مع سحر ..

وفي الختام ..
أعتذر عن الإطاله ..
نسيت أقول لكم . قريباً في الاسواق موضوعي الجديد / السعاده بالفياجرا!!

ولكم مني أرق التحايا ..
ودمتم أأحبتي بكل الود وعبير الورد ..

أخوكم/ كلاسيكو "عادل"

يااااا ساااااتر


والله مصيبه اذا كان فيه ناس من السعوديه يتصلون


يعني البرامج ما اقول 100% سحر

بس اجزم بـ99% انه سحر و شعوذه

و الدليل انه يسئل عن اسم الشخص و اسم امه

ما اقول الا


الله يحمينا من هذي البرامج و القنواات


على طاري البرد


الـsnow عندنا واصل شبرين

غير كذا

درجه الحراره العليا -5



و















سلامـ

احلى صــبــاح لأخـــونــــا كلاســــيكــــو .....

للأسف هالنوع من البرامج بدأ يغزو مجتمعاتنا العربية....

إقتباس المتصل: شكرا ياشخ بس ماقلت لي عن حياته الزوجيه .

لوووووووووووووووووووووول

بانتظار موضوعك القادم يالزقرت...

إقتباس مســاء(صباح) الخيــر .. اخــوانــي أخــواتــي رواد المجلس العــــــــام ..

وصباح النور عليك اخي الكلاسيكي ,,

إقتباس أحبتـــي .. الكــل يشعر هذي الأيــام بالبــرد .. وفيه منا من يحب الشتاء .. وفيه من يحب الصيف .. وكل(ن) لغرضه .. أنا من الناس اللي أحب الشتاء لعدة أسباب أحتفظ بها لنفسي .. وأكثر مايزين الشتاء الكشتات للبر .. والخروج من الدوام يكون في جو معتدل نوعاً ما .. مو مثل الصيف طبعاً كل الكــلام اللي راح ماله دخل بالموضوع .. بس أنا صرت مثل ياسر الثقفي لاتعطوني وجه

انا من عشاق الصيف .. ولأسباب احتفظ بها لنفسي

اما كشتات لا توصي راعين البر .. امثالي طبعاً .. انا ناويتلي على العاذريه هاليومين ,,
واللي يبي يكشت معنا حياه ما يرده الى الكيبورد ..

اما عن ياسر .. كل واحد فيكم له اسلوبه الخاص ولو تشابهت الاساليب ,,

إقتباس طبعــاً جلست في البيت . أمام الشاشه الفضيه .. وأقلب في القنوات .. وكل قناة اسوأ من الثانيه .. لدرجة أنــي بغيت أقول لأخوي جب البلايستشن أكسر وجهكـ .. بس قلت راح أعطي القنوات آخر فرصه إذا ماشفت برنامج أعجبني راح أتركهم ويا قنواتهم ..

اما عن القنوات .. على كثرتها لكنها على قلتها ... لو انكم لعبتو بلايستيشن ابرك لكم والله ..

إقتباس قلت أشوف وش عنده .. المهم انصدمت لما سمعت المذيع يقول فضيلة الشيخ للضيف .. قت ماشاء الله مشايخ 2006 بدون لحيه .. قلت أشوف وش عند الفضيله ..

عينك ما تشوف الا النور .. ولا وانا اختك كل المشايخ العرب صاروا كذا حقيقةً بغض النظر عن كون هذا الشيخ من دون لحية ولابس لبس اسود , اغلب المشايخة واللي يطلعون ببرامج الافتاء صاروا كذا , خصوصاً هالمصريين .. ويخب عليهم الدقن بعد ..
ما بعد شفت شيء .. انتم ما دريتوا عن رئيس الافتاء بالأردن اللي احل نزع الحجاب !!i لأن الملكة رانيا قالت أنو مو واجب على المرأه المسلمه الحجاب !! قال ايش قال طاعة ولي الامر !!ii

إقتباس المهم اتصل شخص .. وقال كيف الحال يا فضيلة الشيخ ومن هالكلام ..

يحول ومصدقين انه شيخ !! والله جهل

إقتباس الامر اللي خلاني أنقز من الضحك .. انووه كان معاي واحد محتار يكمل ماجستير ولا لا !! عاد قال وش رايك اتصل فيه واقول وش بيصير لي !! <<انا عصبت وبغيت اطب في بطنه .. قلت هذي شعوذه .. وسحر .. وانت تعرف حكم من أتى ساحر حتى ولم يصدقه .. قال ايه صح بس بستهبل .. قلت لا يكثر

ههههههههـ نصحيه لا تجلس مع رفقاء السوء ..


أخي الكريم ..
لقد استفحل في الامة الجهل !! رغم تطور العلم و الوسائل التي تُفيد الناس وتوجههم للحق والصواب , ولكن ربما هذه الوسائل ذاتها هي التي تبدو كسلاح ذو حدين مثل التيلفزيون والذي اصبح ضرره اكثر من نفعه .
حسبي الله على كل من سولت له نفسه الاضرار بأمتنا على هذا الحد , وامتهان شخصيات دينية فقط للترويج والارباح .
عجباً للصمت الذي يسود مجتمعنا !!
عجباً لهذه الوسائل الإعلامية التي تدعي أن لها قيمة كبيرة ولا تلتفت لهذه الأمور وتناقشتها !
لقد وصلنا في زمن لا نستطيع ان نقول غير ( يا كافي ) ..
واشكرك اخي الكلاسيكي على موضوعك الرائع ..
وهذا وان دل فيدل على غيرتك على دينك وامتك ,,

إقتباس وفي الختام .. أعتذر عن الإطاله .. نسيت أقول لكم . قريباً في الاسواق موضوعي الجديد / السعاده بالفياجرا!!

هي ليست اطالة , وان كانت اطالة فلها مذاقها ومعناها ..
وانا بإنتظار موضوعك ,,


سلآآآآآمز

هلا والله بطلتك اخوي عادل ..
وعصرية مفعمه بالاجواء الطيبة .. <<< جاب جديد..

ماودي اطول واتفلسف .. خصوصا واني .. احس بتعب غير طبيعي ..(من النوم)
تدري عاد في مثل هالايام النوم حاصل على الميدالية الذهبية في الاولمبياد الشتوي..

اما عن برنامج اللي ذكرت ..فليس الوحيد في الساحة ... كثييييييير وفي معظم القنوات ..

مره من ( المراري ) واثناء جولة كجولتك الموقرة..اراد ربك اني اوقع في وحده من هالقنوات .. ( مستحيل اتذكر اسمها ) جايبين هذيك الشابة .. ومتمكيجة ومتكشخه حتى انها مغطية على المذيعة من زود ماهي تعبانه في نفسها ...

المهم .. الناس تدق ويسألون عن العاطفة والمستقبل ومدري وش .. وهي تقولهم اقروا سورة كذا مدري كم مره .. واية كذا يوم السبت مره والاحد مرتين والاثنين ثلاث وهكذا ..

يعني بالعربي يدجلون ع الناس متسترين بالقران ..

الود ودي لو يستقبلون مني اتصال لاهزء ابوها وابو اللي خلفوها ..

لكن هيهات .. تخيل حتى الشات حق القناة مليااااااان رسايل وتاريخ ميلاد ومدري وشو ..


وللاسف من جميع دول العرب يتصلون فيهم .. حتى (سعوديات ) ولا يهونون (السعوديين)


للاسف ضعف الوازع الديني .. فاصبح الناس يتسردحون ويتمردحون من سار الى ساحر ومن مشعوذ لاخر..


لم يبقى الا ان اشكرك اخي عادل .. على موضوعك الرائع والمثير ..

انتهى , , ,

][ السلام عليـكم ][

واللـه هذا حال أغلب القنوات الغير اللبنانيه للأسف
كثيرة برامج السحر والشعوذه عندهم .

الحين حتى الألعاب الموجودة في الملاهي , بعضها تقولك وش بيصير لك
و مين بتتزوج والخ :p يعني مو بس في التلفزيون .

والسعودين الي يتصلون ذولي أقسم بالله يفشلون
هذولا أقل مـا ينقال عنهم , ناقصين أو جاهلين بـ الأحرى .
وش الفايدة نكون دوله مطبقه للـ الشريه الإسلاميه , وفيه هـ الأشكال بينى .
الله لا يبلانا .

* * *
اليوم انـا شكلي بتكي في البيت إذا كنت فاضي
بشوف وش قصته ذ1 البرنامج ;) .

يـــاهلا والله أخوي الكلاسيكي..
والله هالناس مدري كيف بيوقفون قدام ربهم يوم القيامه
يتعاملون مع الشياطين..ويكذبون على الناس..والأخس
من كذا يجاهرون بالمعصيه
بس مدري سمعت أن اللي كذا حتى حرام يسمعونهم او يقرئون لهم
وماتقبل صلاه اللي يشوفونهم اربعين يوم
مره ثانيه لايدفعك فضولك وتشوفهم
والله يعـطيك العافيه خيوو الكلاسيكي..ولايحرمنا من طلتك..

السلام عليكم ورحمة الله وبركاته
والله هذا سحر مليون بالمئة وجميعا نعلم أن السحر حرام واللي يتصلون هولاء ضعيف الوزاع الديني عندهم وأنصحكم تبعدون عن مثل هالبرامج والقنوات ذي لان القائمين عليهم مسحيين أو علمانيون وياليت نتقي الشبهات ومن اتق الشبهات فقد استبراء لدينه وعرضه ودمتم بود وسلامة

لو انا بمحلك اقعد مفصخ بالبرد ولا اطالع هالاشكال الله يسخط بهم بس