نادي الهلال السعودي - شبكة الزعيم - الموقع الرسمي - شي ما شفتوه في استقبال الشلهوب (((بالصور)))...!!!

بسم الله الرحمن الرحيم

السلام عليكم ورحمة الله وبركاته

وبعد:

أحبتي أبناء الزعيم... أولاً أشكر لكم مروركم الكريم لموضوعي المتواضع... والذي لن يتحدث عن الظلم الكبير

الذي وقع على الشلهوب من اتحاد بن همام حسبنا الله عليه ونعم الوكيل.. لأن أخواني الزعماء قد كفوا ووفوا

في هذا الجانب وأشبعوه طرحاً ونقداً...

وإنما سأتحدث عما شاهدته في استقبال الجماهير للنجم الموهوب محمد الشلهوب...

وسأحاول أن يكون الموضوع خفيفاً عليكم إن شاء الله قدر الإمكان ونبتعد قليلاً عن مشاعر الحزن والغضب...

أعلم أن الموضوع متأخر بعض الشيء وأعتذر لذلك... ولكني في الحقيقة لم أنوي كتابة الموضوع إلا بعد

إصرار أخي العزيز العضو هلالي جامعة البترول والذي استمر بالسؤال عن الصور والموضوع حتى مساء البارحة..

لذلك أشكر الأخ هلالي جامعة البترول على تشجيعه لي.. وها أنذا أفي بوعدي له...

لا أحب أن أطيل عليكم بالمقدمة... لذلك سأشرع بالبدء...

http://www.7mml.com/uploads/c7ad179e73.jpg

** كنت متجهزاً للسفر لأمر خاص بي.. وكانت رحلتي غير مباشرة وتتوقف بمطار الرياض... وصلت للرياض الساعة

الثانية عشر والربع ليلاً يوم الأربعاء.. وكانت رحلتي من الرياض الساعة السادسة صباحاً.. لذلك كان في تخطيطي

الذهاب لزيارة بعض الأصدقاء والتسمر معهم لحين موعد الرحلة..

لولا أن الأخ هلالي جامعة البترول ذكرني بوصول الشلهوب الساعة الواحدة صباحاً وأصر علي باستقبال الشلهوب..

تحمست للفكرة.. واتصلت بالشباب واعتذرت منهم وقررت استقبال النجم محمد الشلهوب مع الجمهور الأزرق...:clapping:

** ذهبت إلى بوابة القادمين من الرحلات الدولية ورأيت عدداً كبيراً من الجماهير حاملة الشال الأزرق ولافتات كبيرة

لتشجيع الشلهوب.. s60s

http://www.7mml.com/uploads/2075ae30bd.jpg

** كانت أكبر مشكلة تواجهني هي حقيبتي الثقيلة المحملة بالملابس والكتب الكبيرة جداً جداً..:razz:

http://www.7mml.com/uploads/c68c58aa9a.jpg

لم أعرف أين أضعها؟... فقد كنت أخاف عليها من السرقة حيث فيها أشياء ثقيلة مهمة جداً بالإضافة لجواز سفري :sad:

كلمت لي كم هندي وعرضت عليهم كذا مبلغ عشان يمسكونها عندهم.. ورفضوا لأن وراهم شغل وماهم فاضين

لشنطتي:razz:

تورطت وما دريت وش أسوي!! أصور الحضور وأوقف معهم؟ ولا أجلس مع الشنطة الغبية اللي ماجات أهميتها إلا

ذا اليوم:d

المهم أني قعدت مع الشنطة أشيلها.. وبعض الأحيان أحطها على الكرسي وأرجع لها كل دقيقتين أتفقدها:razz:

لين الله جاب ابن الحلال اللي كان جالس بكرسي بآخر الصف واستامنته الشنطة.. وما قصر بيض الله وجهه:clap:

** كان الجمهور الأزرق متحمساً للغاية.. وكانت معنوياته مرتفعة.. حتى اني جيتهم متحطم ورفعوا معنوياتي بشوفتهمs60s

http://www.7mml.com/uploads/7a0b0d5abf.jpg

http://www.7mml.com/uploads/1e821eb273.jpg

** الساعة الآن بدت تقترب من الواحدة وبدوا الشباب يتجمعون!!

http://www.7mml.com/uploads/1ac0966c1f.jpg

http://www.7mml.com/uploads/4d586a274c.jpg

** شفت مجموعة من الشباب المتحمسين.. وحسب دهائي الشديد... وحسي التحقيقي المستمد من مشاهدتي

لحلقات المحقق كونان:d عرفت أنهم من شبكة الزعيم :clapping:

http://www.7mml.com/uploads/9c58f93d43.jpg

** الساعة الحين واحدة!!! الجماهير بدأت تأخذ مواقعها وبدأت بالأهازيج الجميلة والمتواصلة:

(بتحبوا مين؟) ( حيوا الشلهوب حيوه) (شلهوب شلهوب هوه هوه) (هولي هولي هوليه) وغيرها من الهتافات الجميلة:clapping:

** انفتح الباب فجأة!!!

http://www.7mml.com/uploads/3d925221a2.jpg

وبدأت الجماهير بالهتاف والتشجيع بصوت مثير جداً للترحيب بقدوم الشلهوب..!!

ولكن المفاجأة أن من خرج من البوابة ليس الشلهوب... وإنما عاملة هندية:d :d

عندها استبدل الهتافات بضحكات هستيرية قوية من الجماهير على هذا الموقف المحرج والطريف بنفس الوقت:d

** شاهدت بعض الشباب النشيط يصور بكاميرات خاصة.. فعرفت أنهم من شبكة الزعيم;) فصدتهم بكاميرتي الخاصة:d

طبعاً صورتهم بدون استئذان منهم.. لأنهم صورونا بدون استئذان وواحدة بواحدة:razz:

http://www.7mml.com/uploads/2b0272fc09.jpg

هذا الشخص قمة في الأخلاق والتعامل.. ولكنه ما علمني بيوزره بالمنتدى... لكن مصيري أعرفه :rolleyes:

http://www.7mml.com/uploads/d38a770fb7.jpg

أما هذا الأخ فابتسامته تشهد له بطيبه وتعامله الطيب.. حيث لم يخفي وجهه أو يرفض التصوير كما فعل
غيره... بس الظاهر أنه ما درى اني بنزلها بموضوع ولا ما كان رضى:d

http://www.7mml.com/uploads/55b303f1fa.jpg

هذي الصورة لا تتوقعون انهم يدرون اني أصورهم... لا والله,, أنا صدتهم متلبسين:d
قصدي كانوا يسلمون على بعض وصورتهم فجأة ثم التفتوا علي وضبطت الصورةs60s

** الجماهير تنتظر الشلهوب على أحر من الجمر!!!

http://www.7mml.com/uploads/1c16c19af1.jpg

هذه بوسترات كانت منتشرة بين الحاضرين........ <<<<<< مدري وش اسمها؟ بوسترات ولا أنا غلطان؟:razz:

http://www.7mml.com/uploads/52586aa0af.jpg

** اثنين أو ثلاثة من جمهور النصر يبغى يطلعون في الجرايد والتفزيون:d جابوا معاهم لافتة جميلة:

http://www.7mml.com/uploads/e748ae4b4a.jpg

** لافتة أتت متأخرة ولكنها كانت معبرة جداً... مما أثار الجمهور وبدؤوا بالتصفيق لصاحب اللافتةs60s :

http://www.7mml.com/uploads/4c607adbdc.jpg

** هذي صورة المسؤول عن مدري وش:d مدري هو طيار ولا عسكري ولا سيكرتي؟!!

مدري والله وش سالفته... بس اللي يهمكم هنا انه كان يطالب الحاضرين بالرجوع ورى الحاجز..

وهو اللي أخبرنا ان طائرة الشلهوب تأخرت ومابتوصل إلا الساعة 2...

http://www.7mml.com/uploads/d6e6e89b72.jpg

أوه نسيت أقول لكم :p

هذا المسؤول عصب على الجمهور وقال لهم: (والله لو ماترجعون ورى الحاجز والله ان ما تشوفون الشلهوب أبد)..

أنا يوم سمعت هالكلام حسبته نصراوي وبيقتل الشلهوب عشان ما نشوفه <<<< ياعيني على التفكير:d

لكني تراجعت عن هالتفكير يوم قال لنا انه بيخلي الشلهوب يطلع مع الباب اللي فوق....

المهم الشباب يوم شافوه يعصب عليهم... بدوا يهتفون بصوت واحد ومتواصل:

(( عصبي.. عصبي)):d وصاروا يقولونها كل ما طلع عليهم..

آخر ملاحظة على هالمسؤول: أنه كان يظن أننا جماهير الشباب:d <<<<<<<<< قوية صح؟:d بس والله صحيح...

** الجمهور بدأ يمل الانتظار...!!

http://www.7mml.com/uploads/0e322d4705.jpg

http://www.7mml.com/uploads/276b4f6496.jpg

** بدأ مصوروا الجرائد والشبكات الانترنتية والتلفزيونية بالتقاط الصور للحضور مما أذهب الملل والتعب بعض الشيء..

وكان هناك مصور سوداني قالوا أنه مصور جريدة الجزيرة كان يصور ويلقى التشجيع من الجماهير..

حتى هتفوا بصوت واحد: (( حيوا الجزيرة حيوها)) مرات عديدة.. <<<<<<< مصلحجية.. يبونه يصورهم:d

للأسف أني كنت غافل عن التصوير ومادريت إلا متأخر:sleep:

رحت عند السوداني وقلت له: صورني وبأصورك:razz: وصورته...

http://www.7mml.com/uploads/e8802414cd.jpg

بس حسبي الله عليه... صورته وما صورني :sad: <<<< يستاهل المصلحجي:d

** اقترب وصول الشلهوب... وبدأنا بالاستعداد... أنا من زود الدلاخة عندي وقفت أول واحد:wallbash:

كنت أبغى أصور زين...

المهم أنا كنت خلف العسكري مباشرة.. لأن العسكر مستماسكين ومسوين حلقة تمنع وصول الجمهور للشلهوب..

مالكم بالطويلة يا طوالين العمر <<<<<<<< مسوي شايب :d

المهم فتح الباب للشلهوب وأنا أصور فيديو من الجوال.. من كثر الفلاشات اللي قدامي انعميت ومعاد شفت شي:sad:

أدور الشلهوب وينه مع انه قدامي مباشرة وما بيني وبينه الا العسكري إلا اني ما قدرت أشوفه..:upset:

شوي إلا وبدأ الدف اللي بغى يودي بحياتي... قلت لكم العسكري قدامي والجماهير وراي..

الجمهور يدفوني على العسكري وأنا ووجهي باقي أصور:d

شوي إلا والضرب القوي ببطني... مادري العسكري يضربني بكوعه ولا برشاشه:d حسبي الله عليه حسيت بطني متورم

بعد ما طلعت:razz:

المهم بعد الدف حسيت ان ما بيني وبين الشلهوب الا خطوتين بس... خفت والله أصك في الشلهوب الغالي وزحفت يسار

حتى خرجت من الزحمة...

ثم رجع الشلهوب وأقفلوا الباب عليه ليخرج من الباب العلوي...

وأول ما أقفلوا الباب إلا وعسكري أسمراني ماخذ عقال واحد من الحاضرين ويضرب به الجمهور حتى تفرقوا...

أنا الحمد لله ما جاني شي.. <<<<<<< يكفيك الضرب اللي ببطنك:d

** خرج الشلهوب من الباب الآخر.. ولكن الجمهور العاشق والوفي لحق به إلى الخارج.. وخرجت معهم وأنا شغال أصور:d

يعلم الله ان العدد في الخارج أكبر مما كان بالداخل!!!

أمة لا إله إلا الله كانت في الشارع:clapping:

المهم وأنا قاعد أصور فيديو شفت على يساري مباشرة قناة الأوربت تسوي لقاءات مع الجمهور الأزرق...

قلت يا ولد ما بدهاش...... خل التصوير وصور معهم خلك تصير مشهوووور:razz:

لفيت يسار ووقفت قدام الكاميرا وقلت لي كلمتين وخلصت... صحيح يمكن اللقاء يفشل لكن على الأقل طلعت

مشهور هع:clap:

** رجعت للمطار من جديد.. وكان المطار فاضي مافيه إلا أقل من عشرة.. ولقيت شنطتي الحبيبة لوحدها تبكي

لطول الفراق وتقول لي: وينك؟ قلت لها انثبري بس ماني رايق لك:razz:

المهم أشيل شنطتي وأسير أبغى أي مطعم أتعشى فيه..

المفاجأة أني وأنا أسير أشوف الأستاذ عبدالرحمن البابطين يسير باتجاهي:yes:

ناظرت فيه وتأكدت أنه هو.... قلت لنفسي يا ولد لا تضيع الفرصة..

صرت مشهور يوم طلعت باوربت والحين خلك مع رجال الأعمال.. رح شبكه:d

المهم سلمت عليه وقلت أستاذ عبدالرحمن ممكن صورة؟

رد السلام وقال: إيه تفضل..

مسكت لي واحد من الصالة وعطيته الجوال وقلت له بدون مقدمات: بسرعة صور:clap:

البابطين كان مستعجل لأنه يبغى يروح للبوابة رقم 2 حسب ما سمعت في اتصاله...

بس أنا ناشب له ناشب له:razz:

قلت: ممكن صورة ثانية أستاذ عبدالرحمن.. لأن الصورة الأولى كنت تكلم بالجوال..<<< هاه عرفتوا ليش طلبت من المصور يصور ذيك اللحظة؟:d

المهم البابطين كان قمة في التواضع والأخلاق.. ابتسم وقال: أكيد الصورة الأولى ما تحسب لأني كنت أكلم

بالجوال.. وأنا آسف...

بغيت أقول له وين أصرف أسفك فيه؟ :d بس هونت وقلت للمصور يصور....

وبعد ما انتهينا من التصوير طلبت رقم جواله عشان يتقهوى عندي بالبيت..قال لي: خلها عشاء أزين << ذي من عندي:d

انتهت رحلتنا مع استقبال الشلهوب... وأنا أعتذر لكم الآن لركاكة الأسلوب في الموضوع...

بس حبيت يكون الموضوع سواليف معكم نخرج بها عن جو الحزن والغبن...

واستروا ما واجهتم..,,,,,,

تحياتي

الـمـشـاغـب,,,