عبدالرحمن القحطاني يتمنى الهلال !! ( المصدر موجود)
 

السلام عليكم ..

يقام كل عام في ( شاليهات شاطئ الغروب ) sunset beach عندنا في المنطقة الشرقية دوري مصغر لسداسيات كرة القدم ...

طبعا يحق المشاركة للاعضاء الذين يملكون العضوية الخاصة بدخول ( شاليهات شاطئ الغروب ) مع اضافة ثلاث لاعبين لا يملكون العضوية ..

شاطئ الغروب من الواجهات المميزة وهو من ارقى الشاليهات في المنطقة الشرقية <<< يسوي دعاية لهم :D :D

يشارك في هذه السداسيات بعض اللاعبين المعروفين في المنطقة الشرقية أمثال ( صالح بشير , سياف البيشي , عبدالرحمن القحطاني , يوسف السالم وغيرهم من اللاعبين ) ..

تأهل فريقي البرازيل ( بحكم اننا نرتدي تي شيرتات البرازيل ) الى نصف نهائي البطولة ليقابل فريق ( المحمدية ) الذي يلعب معه اللاعب الرائع عبدالرحمن القحطاني ..

لعبنا المباراة وللأسف خسرنا المواجهة بنتيجة 7 - 2 وكان نصيب القحطاني منها خمسة اهداف وكل هدف احلى من الثاني.. عبدالرحمن ماقصر فينا وجننا في المباراة ... انا عن نفسي تنرفزت كثير من كثر الكباري الي حطها فيني ومن كثر ما تنرفزت اعقته ( اعاقة متعمدة ) وحصلت على اثرها كارت اصفر .. وش اسوي ؟؟ .. قهرني :upset: :upset:

بعد انتهاء المباراة باركنا لهم الفوز وتوجهت للقحطاني لابارك له واعتذر له على ( الكسرة المتعمدة ) وقلت له بالحرف الواحد : يابن الحلال حرام عليك جننتنا ... والله حرام لاعب مثلك عنده كل هاذي المهارات ويلعب في الاتفاق ( مع احترامي للاتفاق ) ... ياخي انتقل للهلال والله حرام تكون في الاتفاق وحرام ما تكون في المنتخب ..

رد علي القحطاني بالحرف ايضا : مين ما يتمنى الهلال ؟؟s13s s13s ... على ايدك .. ( قالها ضاحكا )..

اللاعب ابدى رغبته بالانتقال للهلال وانه يتمنى الهلال ... اتمنى من ادارة الهلال التحرك بسرعة والتعاقد مع عبدالرحمن قبل لا يحط برميل البلاوي العين عليه ..

لاعب صغير في السن ( 23 ) عاما ويملك مخزون مهارات عالي جدا ويملك قدم يسرى قوية جدا وسيفيد الهلال لعشر سنين قادمة ( بأذن الله ) اذا تم التعاقد معه ... واعتقد ان الكثير من الجماهير الهلالية تتفق معي في ابداع عبدالرحمن القحطاني ...

هذا الي صار بالضبط امس يوم الثلاثاء بعد المباراة ..

واسف على الاطالة يا زعماء

7-2 قوية <<=== حض اوفر

اتمنى نجوم السعودية كلهم يكووونون من الهلال

ويجمع ابطال الحواري والدوريات كلها

حتى يكون عندة لكل خانه اكثر من لاعب

ادري يا اخوان ان موب وقته موضوعي بعد المهزلة الاسيوية الي صارت للشلهوب لكن حبيت انقل لكم ما حدث بيني وبين عبدالرحمن القحطاني ... واتمنى من سمو الامير محمد بن فيصل ان يشاهد الموضوع

اول شي فريق عبدالرحمن فاز 6-3 :d

وثاني شي ماجاب الا هدف واحد :d

والله ياانا محجرلك :d :d :d

اتمنى سرعة التعاقد معه لانه يتمنى الهلال وذلك يؤدي الى سهولة المفاوضات معه

والله أنا أتمنى هاللاعب الموهوب القحطاني

والله أنا أتمنى هاللاعب الموهوب القحطاني

والله ياليت إذا هو بحق لعيب كويس وعلى ما أتوقع أنه كذلك مما قريت عنه

فياليت الربع يستعجلون قبل لا تدحدر الأمور يم الغربية

الله يكتب مافيه الخير للزعيم

الله يوفق الادارة ويجبونه الانة الاعب كبير مع صالح بشير

عبد الرحمن القحطاني


اضن انه لاعب راح يفيد الهلال اكيد

مادام التايب ماله مكان هذا وين نحطه