][..رعبــــوبة ...من جديد..][ - نادي الهلال السعودي - شبكة الزعيم

رعبوبة الزعيم · #1 29/11/2006, 03:35 PM

هلا من مرهف احساسي..
هلا من خافي الاعماق..
هلا من كل قلبي..
من عروقي..
من شراييني..
هلا من كل شي
في حياتي
ينتثر اشواقي..
هلا من قلبي اللي
دام حبكم داخله..
ما ضاق إلا بالبعد عنكم ..
هلا من خاطر يرسم غلاكم
بدفتر سنيني..

مـساء الخير والطيـبه لأحلى أعضـاء وحشوني..

مـساء زاد عن حـده وزيـد فيني أشـــواقــي..
شخباركم إن شالله بخير يالغاليين ..أنا بخير والحمد لله أزقـح ..
وش مسوين مع البرد والمطر إن شالله دعيتولي

والله برد يكسر العظام

بس أحلى شي بهالبرد النــوم قايم سوقه عندي

نص اليوم نايمه :p ..
بس أهم شي تدفوا زين والبسوا زين علشان مايخشكم برد:p ..

][..البــويات..][..

بنات أو أشبـاه أولاد في صورة بنات شعرهم BOY ينتحلـون شخصيات أولاد غـالباً مايسمون أنفسهم بأسامي
شباب,البعض منهم يسوي علاقه مع بنت مثل علاقات الولد والبنت..
هذي هي مواصفات البويات يمكن صارت شخصيات مشهوره بخليجنا لكن رغم كثرتها تبقى شـاذه بمجـمعنا
سواء بالمدارس أو الكليات أو الجامعات شخصيه يشمئز منها الشخص بمجـرد أنه ينظر لها
شخصيه تختلف كليـاً عن الشخصيات المشهوره بالمسلسلات والأفلام
للأسف هذي الشخصيه من المشـاكل الإجتماعيه اللي نعاني منها كثير ونشــوفها كثير
بس محد بيده يقـدر يغير شي مسـألتها مسأله معقده كثير وهـذا إن دل على شي
فإنه يدل على صغر عقلـها وأنها تعاني من نقص أو خلل فيها أو حتى ماعندهـا شخصيه الله المستعان..

مره من المـرات بالمدرسه كنت بالمقـصف وأنا واقفه سمعت صـوت وحده تقول ((لو سمحتي عصيـر))
مو لي طبـعا للي تبيع

بصوت خشـن مره ولو اني ماشفتها كان ضنيتها ولد بمدرستنا

حتى منضرها مايوحي أنـها بنت شعرها قصير
حييل ومشمره يدينها وحـاطه سلاسل ومدري ايش مثل اللي يحطونه المصارعين

هل هذي بالأسـاس صوتها كذا أنها تصتنع الصوت هذا ؟؟
للأسف هذي بنت لكنها متجرده من كلمة بنت شويه عليها كلمة
عربجيه مـا فيها أنوثه أبد ابعرف بس مايدرون اللي يسون هالشي أن هذا فيه إعتراض على خلق الله
ومايدرون أنهم ملعوونين لأنهم تشبـهوا بالرجـال
يمكن يكون الأهل لهم دخل بالموضوع لما يكون البيت كله أولاد وتكون مسكينه هي البنت الوحيده
بينهم وأهلها ماعلموها أن البنت مو مثل الولد ((من شب على شيئ شـاب عليه)) وكل ماأحد قالهم
يقولون لا بتكبر وتتعلم ومع الأيام تكبر البنت وتصير من هالفئه الشـاذه وشي طبيعي أنها بتاخذ من حركاتهم
إذا كان أكثر وقتـها تقضيه مع اخوانها وحتى يمكن معاملة أهلها لها مثل معاملتهم لأخوانها
بتاخذ منهم حتى لومو بإرادتها ..
وبعـضهم يكون بداية الشي لعب يعني تلبس شمـاغ وثوب قصدها بس للتسليه ويعجبها الوضع ..
هذي من العوامل إللي تخلي البنـات ((بويـات))..
وياليت يكونون بحـالهم والله يتحرشون بالبنات مثل مايتحرشون الشباب بالبنات مثلا تمر بنت
يقولون لها يـاعسل أو ياقمر

واللي تغني ومدري وش تسوي
وإذا حبو بنت كل يـوم أنواع الرسايل وبالمدرسه وراها وراها كنها بدي قـارد
وتغـار إذا كلمت أحد غيرها من البنات حتى الظاهر من صديقات البنت تغـار منهم
وحتى في بعضهم يلبسون بعض ((الدبله))
على أساس أنهم تزوجوا وإذا صار بينهم شي تهاوشوا مثلا تشيل الدبله
وتقول للبنت خلاص روحي طلقتك!!

((اللهم لاتهلكنا بما فعل السفهاء منا))

أنا أنثى غـامضه ولأني غــامضه يصعب الوصول إلى مـا أنتهي
إليـه وينتهي إليه عقلي وقــلبي وكيــاني..
/
\
/
\
نبض ينجلي من قلب إنــسانه
شيئاَ فشيئ..
كــاد أن ينتهي ولكن شــاءت الأقدار أن يبتدئ من جديد
بحب جديد
يــوحي إلي بطـيف جديد وقلب صــالب غــالب أحزان الحياة في يوم من الأيام
ليأســره ذلك الإحســـاس اللذي خيم على قلبي..
ليعــلن الحب على أسوار هذا القلب ويخفق مرتـاً أخــرى
بدقــات تحمل أنغــامـاً مسيقيه بأصوات عــذبه
قــد كان هذا القلب يحـــتضر ويكتب وصيته على جــدار
من أوهـــام كــان يحــسبها أحلامه ..
عشــق القلب مرتـاً أخرى واستــعاد نبضه واحســاسه اللذي فقده
وعــــانق الحياة مرتـاً أخـــرى
/
\
جــــزئ من تفكير عقل فتاه يربط بين الواقع والخــــيال..
هل من الممكن أن يكون.. أم هــو مجرد سراب وجـدران أوهـام
لا يمكن أن يكون إلا بدور الأفلام
/
/
\
سموت بحــبك فوق الآفــاق
وجـــاريت بحبك مالم أجــارهِ بحــب غيرك
قد أصــبحت جنوني ونبض روحي..وسلبت لبي ونبضَ قلمي
بعــد هذا السكون اللذي كــان في وجـــداني ..عشقتك
قلـــي بربك..بعــد هذا كـــله..أحبــــك أم لا أحبــــك..
ســـؤال .. وتركت لك إجــــابته
وقــد تيقنتُ من صدق إجـــابتي اللتي إخـــــترتها..
فأنا لا أحـــبك بل أصبحت أسيـــرتك
بإذن الله لـــن أفقدك
مادام دربي يجـــتمع دائماً مع دربك
وســـأضل أحبك وأحبكـ
/
\
/
\
ليل طـويل قد مضى وليس الدليـل
فـيه سوى قلبي..
/
\
/
\
((حـــقوق القلب محـــفوظه..))
يــــاسعادة سنيني .. ويــنكـ أنت وويني..
رغــــم هذا البعاد اللي بينك وبيـــني
حبنا أكــتـمل في لحظـــه صــادفت يوم
قـــلبك جاني مشــتريني..
..
**
**
والنهـــايه:
أتنفسك..
بــكـل إحساسٍ يحتويني ليأخذني
إلى قلبـك الدافئ جـــداً
لأسير معــك أيما تــذهب بإحساسي
,,
,,
][آخـــرُ صـــدى][
أَحـلى شُرب استسقته في حياتي
** الحـب **
ولازلت أستـسيق منه حــتى
** ممـاتي **

رعبــوبة الزعيم

الهنوووف · #2 29/11/2006, 03:46 PM

هلا بربيعتي اسفرت وانورت >>امارتيه الاخت:p
مدري من يرحب بالثاني انا والا انتي وشخبارتس

مع البرد
من جايبتس هناا شكل السواق حطني وجابك

البويات وماادراك مالبويات

على بالي الصبغ

وقسمن شي يضيق الصدر
ماعاد نعرف الشاب من البنت
بنات من جد عربجيات يخوفوووون بسم الله اصوات ونظاره وقصه شعر ولبس سبورت ومدري كيف
مجرد نظره منهم تخوفني وتطرحني ارضاا:sad:

الحال مايسر وربي:sad:

وصدقتي صارووو بنت مسترجله تحب بنت عاقله يعني انثى
وتصير كانهم بنت وولد

اشياء فضيعه وربي :sad:

ولكن نقول مازال بالدنيا خير

الخاطرة خيال

تسلم اناملكـ

عودة متميزة غاليتي

فاهلا بكـ

الهنوووف

كانت

هنا

ورحلت

مقدر الهلال · #3 29/11/2006, 04:01 PM

حيا الله رعبوبه

لالا اليوم المنتدى مولع بالاعضاء الحلوين

لي عوده يارعبوبه

هلاليه من الرياض · #4 29/11/2006, 04:02 PM

هلا بك يالغاليه

....

ااااه يارعبوبه جبتيها على الجرح قسم بالله عندنا بالجامعه بنات كلمة عربجيه قليله في حقها لبسها لبس رجل قصتها ومشيتها وكلامها حتى نظراتها تخوووف تقعد تقز فيك من فوووق لـ تحت .....

وحده من البنات تقوول ماش اذا شفتهم ودي اتغطى

عـز الهلال · #5 29/11/2006, 04:31 PM

][ السلام عليـكم ][

والله ذا البويـ ـات أو الأصباغ بالأحرى

,, مـا ادري عنهم
الا قليـ ـل , والحمدلله على ذ1 الشي

, مـا ابي اعرف عنهم شي , وان شاء الله
انتم مـ ـا تعرفونه ولا يصير لهم وجود في مملكتنا الحبيبه , صاحبه الصورة الجميله .

* * *
وحتى في بعضهم يلبسون بعض ((الدبله))
على أساس أنهم تزوجوا وإذا صار بينهم شي تهاوشوا مثلا تشيل الدبله
وتقول للبنت خلاص روحي طلقتك!!

الى هـ الدرجه وصلت

يتزوجون بعض وخرابيط ومـا ادريش ؟ّ!
مثل هـ الأشكال ببتزوج اذا كبرت ؟!؟ والله مدري عنهم

مـا أقول الا الحمدلله والشكر

* * *
يـالله سلااااميشو

بروووح مقديشو

Dr.Sara · #6 29/11/2006, 04:59 PM

رعبوبة قلبي ..

مدري ليه احس اني لازم احجز مكان ...

بس لي عودة ,,,,

سلآآآآآآمز

هلالية حرة · #7 29/11/2006, 05:28 PM

هلا والله
وانا اقول المنتدى منوور اثرك موجوده

♫ ROMAntico · #8 29/11/2006, 05:56 PM

هلا والله برعبوبه منوره

إقتباس


	مره من المـرات بالمدرسه كنت بالمقـصف وأنا واقفه سمعت صـوت وحده تقول ((لو سمحتي عصيـر)) مو لي طبـعا للي تبيع بصوت خشـن مره ولو اني ماشفتها كان ضنيتها ولد بمدرستنا

خخخخخخخخخخخخخخخخخخخخخخخخخخخخخخخخخخخخخ

ليتها تعديني شوي أذكر كنت أخلي صقيقاتي يشترون لي

<< الله يستر مافيه صوت من الحياء

والله إني أخاف من هالأشكال هذي :sad:

بس الحمد لله قليل أشوفهـ(ن)

عوااااافي رعبوبه على الموضووع الحلووو

iq1399 · #9 29/11/2006, 06:05 PM

محجوز

الكناري الأزرق · #10 29/11/2006, 11:04 PM

و الله اني مالي خلق ارد ..
لكن حبيت اقول نورتي المنتدى من جديد ..

الكلاسيكي · #11 30/11/2006, 01:44 AM

هـــلاً برعبوبه . نورتي برجعتكـ المجلس ..
ويـــن الناس .. من طول الغيبات جاب الغنايم ..
أحس اليوم غير مدري ليه فيه حركه ورجعوا كثيرين للمنتدى ..
والحمد لله على السلامه .. والمطر عليكم مبارك < اسكت بس احسن .

أما الحديث عن البويات حسبت ميتك . انا الحقيقه ماشفت <على بالك في لبنان ..
بس سمعت الكثير عنهم .. وما اصدق كنت اقول هذا كلام مبالغ فيه .. مو معقوله فتاة تتذكر ..
يعني تلبس ثوب واسع .. وشعرها قصة بوي .. وماتسوي مكياج .. ومشية عربجيه ..
وجزمه كرمكم الله واطيه بقوه.. اشبهه بالزبيريه .. حتى أني سمعت انها ينقال لهالنوعيه ابو الشباب ..

الحمد لله .. الله لا يبلاكم .. وش هالسفاهه والحقاره .. تشبيه مريب .. وغريب .. اسال الله العافيه ..
الله مثل ماكرم الرجل بقوته .. كرم المرأه بأنوثتها ورقتها .. مو بعابطتها وتقليدها الأعمى ..
ومثل ماقلت .. الحديث يطول عن الشي هذا .. وانا اسمع ولم ارى .. والحمد لله والا مدري وش بيصير فيني ..
اسال الله لهم الهدايه .. بس ياليت تسوون مطويات نصايح في المدارس يمكن تحرك قلوبهم وضمايرهم ..

إقتباس


	وحتى في بعضهم يلبسون بعض ((الدبله)) على أساس أنهم تزوجوا وإذا صار بينهم شي تهاوشوا مثلا تشيل الدبله

وراهم ماعزمونا على الزواج

إقتباس


	سموت بحــبك فوق الآفــاق وجـــاريت بحبك مالم أجــارهِ بحــب غيرك قد أصــبحت جنوني ونبض روحي..وسلبت لبي ونبضَ قلمي بعــد هذا السكون اللذي كــان في وجـــداني ..عشقتك قلـــي بربك..بعــد هذا كـــله..أحبــــك أم لا أحبــــك.. ســـؤال .. وتركت لك إجــــابته وقــد تيقنتُ من صدق إجـــابتي اللتي إخـــــترتها.. فأنا لا أحـــبك بل أصبحت أسيـــرتك بإذن الله لـــن أفقدك مادام دربي يجـــتمع دائماً مع دربك وســـأضل أحبك وأحبكـ

ما اجمل الكلمات عندما تنسجها أناملك ..
كلمات رائعه .. كان عنوانها التميز .. وعانقت الابداع ..
مشارع رائعه وصادقه ..

وقبل الختام .. الخمد لله ع السلامه ..
واشكرك على طرح هذا الموضوع الاليم حقيقه في مجتمعنا ..
واشكرك على حسن اختيار الموضوع .. والطرح الجميل ..

وتقبلي أرق التحايا .. ودمتي لنا قلماً مميزاً ..

Dr.Sara · #12 30/11/2006, 09:30 AM

هلا اختي رعبوبة ..

اسفرت وانورت .. وانتي هللي ورحبي فيني تراني جديدة خيتووو...

بويات وما ادراك ما بويات

الله يحفظنا منهم يا رب ..

ناس تخلوا عن نعمة الله اعطاهم اياها !

هناك سؤال يتبادر الى ذهني ... ماهي المشكلة في كونك فتاة مليئة بالأنوثة والحياء ؟!
وتمثلين هذا الجنس الناعم والذي يبدو انه هو نقطة ضعف الرجل ؟!

إذا كنتِ تشعرين بأنه هو ما يلفت النظر أليك , فأنت ذات شخصية غير متزنة بصراحة

,<<<< بدأ تأثير علم النفس

أما يا اخت رعبوبة رأيك في أنه كثرة الاولاد في البيت قد يؤثر على البنت .. فبصراحة نعم قد يؤثر دون ان تشعر ...
ولكن ان تتصنع الرجولة وتبدو حتى في مظهرها كرجل , فهي بالتأكيد قاصدة لهذا الغرض بلا شك .. والإنسان عندما يريد أن يتغير سوف يتغير , فلو شاءت ان تصبح كأخوها سوف تصبح وكلنا نستطيع ان نكون كذلك , لكن لو ارادت الاحتفاظ بمعالم الانوثة والنعومة التي ميزها الله فيها ايضا هي قادرة ..

أختي الكلام في هذا الموضوع يطول ..
لكني اكرر الشكر لك على اتاحة الحديث فيها ..
دمتي متميزة عزيزتي ..

سلآآآآآآمز

لميس الهلالية · #13 30/11/2006, 03:59 PM

أهلين رعبوبة

التشبه ظاهرة عجيبة أجهل أسبابها ! فهي تسلب المرأة خصائصها و تسلب الرجل خصائصه! و تجعل من صاحبها مسخ لا أكثر!
هي موجودة لكن الحمد لله نسبتها قليلة ..يعني في المدرسة تلاقين بس وحدة أو ثنتين.. و في الجامعة النسبة أقل.. و الله يهدينا و يهديهم ..

الخاطرة جميلة والكاتبة أجمل

رعبوبة نورتي من جديد..

تقبلي تحياتي
...........
......
.

عزوز الأزرق · #14 30/11/2006, 04:32 PM

إقتباس


	مـساء الخير والطيـبه لأحلى أعضـاء وحشوني.. مـساء زاد عن حـده وزيـد فيني أشـــواقــي..

مسائك ورد ... وجوري.. مساء دافيء كدفئ جــــــدة غيرة ..

إقتباس


	وإذا حبو بنت كل يـوم أنواع الرسايل وبالمدرسه وراها وراها كنها بدي قـارد وتغـار إذا كلمت أحد غيرها من البنات حتى الظاهر من صديقات البنت تغـار منهم وحتى في بعضهم يلبسون بعض ((الدبله)) على أساس أنهم تزوجوا وإذا صار بينهم شي تهاوشوا مثلا تشيل الدبله وتقول للبنت خلاص روحي طلقتك!!

هههههههههههههههههههههههههههههههه
مانصحك تشتغلين ( مأذون شرعي )

اللهم لك الحمد ع نعمة العقل... وياااااارب لاتبلانا ..

رائيي /:
عندما يكن هناك عاطفة جامحة تحتاج لتفريغها باي طريقة .. حتى وان كانت بطريقة خاطئة ..
ثانيا .. ربما نظرة المجتمع (الخاطئة) الى ان البنت ناقصة فهن متأثرات من هذه النظرة ويفعلن مايفعلن لعلهن يحاولن السعي الى الكمال..كما هي نظرة المجتمع الى الشاب..

إقتباس


	أنا أنثى غـامضه ولأني غــامضه يصعب الوصول إلى مـا أنتهي إليـه وينتهي إليه عقلي وقــلبي وكيــاني..

انت انثى حالمة ولانك حالمة ..يجب ان تصل الى ما يعشق قلبك ويفهم عقلك ويسع كيانك..

كلماتك رائعه .. استمري...

انتهى ’ ’ ’

G o L d E s T · #15 30/11/2006, 04:42 PM

الله يحييس ويعافيس

وش سالفة البنات هاليومين

وحدة تكتب عن تشبه الرجال بالنساء والثانية العكس

بالنسبة للموضوع

انا بصراحة سمعت عن هالموضوع بس ما شفته ولله الحمد

بس بصراحة ما توقعت يكون لهالدرجة زواج وما ادري ايش

ما اقول الا الله يعافينا وكل هالمصايب من الانفتاح على الغرب:sad:

ومشكورة على الموضوع

خير الكلام ما قل ودل <<< قل انك ما تعرف تتكلم