«®•°•ღ•° يـااي لوك حلـوو مرة ...يااي شعرة يجـــنن .... «®•°•ღ•° - صفحة رقم 5 - نادي الهلال السعودي - شبكة الزعيم

الهنوووف · #1 29/11/2006, 01:47 PM

احم احم
هاهي الهنوووف تحط رحالها مرتن اخرى بعد غياب دام شهـر عنكم

اجلسي ياهلاليه سنعه مايحتاج بخووور

ترا الكحـة ذابحتني :sad:

تراني بعمي عيونكم بالالوان طاقتني شهوتن اني العب بالالوان

والي عندة شغل لايكلف نفسه ترى الموضوع بايخ

فاهلا بي وسهلا بي والمنتدى نور برجعتي

فمن افتقدني وسال عني امي وابي فله جزيل الشكر

ومن لم يحس بغيابي فانا انصحه بزيارة مستشفى الصحة النفسيه

فالوكاد ان فيه خلل الله يستر دعواتي لك بالشفاء العاجل

عاد حبيت اجي بهاليوم لاعطي دافع معنوي للاعبين

خبرك المباره مع النصر قربت

وابو عبدالله بيشرف

احضرو جعلكم مانيب قايله

يمكن تكون اخر مباره لسامي مع النصر اذا لعب يعني

مايمدي الواحد ياخذ غطه عنكم الا تهجمون بالمواضيع الزينة ورش شعر ومحطات بنزين وشاهي وقهوة وحلقه اخيره

واشعال رماد

الله يهيديك يا SoMe OnE... على بالي اكررها مثل بطتنا طبت في بطن بطتكم

وتعطيني جائزة

لا لا عاد الي ماقدر هالي متربع على الكرسي يجاوب على اسئله المشاهدين ياحركات ياهلالي الظهران

وشدعوه الكل منزل موضوع اليوم استقبال لي ربي يحفظني

حركات اثاريكم منتو سهلين

بس احس ان الجو نايم عندكم نبي حركه وحماس جيبو لنا مواضيع تحمس مسابقات حركات
مسابقات تعتمد على العقل مو على قوقل

وش اخباركم مع هالبرد والمطر وقطرات الندى;)

انا ماتهنيت ياعمري ياانا جتني انفلونزا مع هالبرد وكحتن اعوذ بالله كاني شايب هالايام :sad:
سعودين مايمدي لفحه الهواء تجي الا مسدحين بالبيوت

والمسشتفيات
بديت اتكلم انجليزي احس اني مو بالرياض من هالجو :p يعني من شمس قارصه لهواء يرد الروح ومطر

انا على المقناص قلبي يرفي
بكره ونرجع يم آهلنا منا كيف
بديار لفروق الحبارى اتلفي
جنوب من حزم الجلاميد وطريف
الطير هو غاية غرامي وشفي
اقدره تقدير الاجواد للضيف

ياقليبي بيتقطع انا وحده تبي كشته بر اه بس الاسبوع الي راح ماحصل واذا ماصار هالاسبوع عاد بروح احن على صدى الامس

لازم يكشت فينا قطع قلوبنا بتوقيعة كل ماسولفت مع احد قلنا كشته صدى الامس :sad:
ترى كل شي مجهزته بس انتظر احد يجيب الجيب

قبل لاانسى البسووو زين ترى ان تعبتو بتتعذبون وبتزعجون الناس بكحتكم :sad: ادعو لي بالشفاء العاجل

على البركــة بنوته ولدنا حبي تيماوي فجورة ربي يحفظها

الاسم بيعقد الله يهديك سبقتنا حاجزينه

والحمد لله على رجعه هلالي الماسي ولدنا
والحمد لله شفت موضوع للماسة في حياتي

بس افا ماهقينا انتس سرووق

الكل يروح ويجي الا هالمفقود العنـا مالقيتووه

ماجد اجل انتقلت العدوى بالمواضيع الطويلة

الظاهر بيسون لنا قصاص جماعي

مدخل
يووه البرد جا يالله مشينا على السووووق نشتري ملابس >>>مدري الظاهره اسمع فيها في كل البيوت اول مره يجينا شتاء يعني ماعندنا ملابس شتاء

المهم ماهو موضوعنا رحنا السوق ومع اللف والدوران شوفي
شوفي ذا شعره طوووويل استغفر الله من زينة

اختي ::لا شوفي ذاك استغفر الله من زين شعره لابس اكسسوارات عليه
انا::بلاتس ماشفتي ذاك الي صابغ شعره ومطلع خصل

بنت مهيب انا ولااختي

::ياي اللوك هذا حلــوو

حرام حرام ياخنافس ....ياهل الشعور الطويلة

يامطولين الشوارب

والعين سوداء كحيله
احذر من اهل الدشاره في كل شارع وحاره
.......الخ اسمعوها

http://www.w7m.org/Oct/1160390952.zip

اتوقع الصورة وضحت الحين
شباب ناعم

...
شباب بخصلاتِ شعر متطايرة ...
وإسوارة في المعصم ...
وخطوط ضيقة ... في الذقن ...
والغاية موضة جديدة
وصورة مستهلك من الغرب

...

ماذا بعد كل هذا؟؟؟
رجولة مسلوبة ...
للأسف أصبحوا وأمسوا ...
في صالونات الحلاقة ...
يطلبون التجديد في نحر الرجولة ...
ورمي الشماغ ...
والمراد ...
لفت الانتباه ...
لفت انتباه من ؟؟؟
بتأكيد بنت حواء

...
فهل يعقل تعجب بهذه الأشكال ؟؟؟
الموضة للأسف أصبحت لبعض المراهقين ... وبعض من تجاوز هذه المرحلة ...
بنطلون جنز ... وعبارات ركيكة ...
وقصة شعر مريبة
وألفاظ
ممزوجة بالإنجليزية ...
وكل ما يفعلونه ...
بعد ذلك ...
الوقوف في الأسواق ... والمنتزهات العائلية
...
لكي يستعرضوا ... بما يحملونهُ من جمال ... عفواً أقصد من تفاهات ...
وكل أملهم يتجسد
بأن يروا ...
فتاة تقول بالعامي
ياي لوك حلو مرة ... ياي سحرني ... ياي هذا اللي أبي التفاهة ...
وصلت للخروج عن الإطار في الملبس والكلام ...
فأصبحنا لا نفرق ... بين النساء والرجال..؟؟

من أكثر ما لفت نظري عند تجولي بالأسواق أو بالشوارع ظاهرة تربية الشباب لشعوره
حتى تصل إلى أكتافهم و البعض إلى ما تحت الأكتاف و بعضهم يقوم بربطها و البعض
يسدلها ليتمخطر بها كالفتاة ناهيك عن لبس الجينز الضيق الذي يفصّل تقاسيم الجسم مع
فتح أزارير الصدر ليظهر المعلوم
م و مما يزيد الأمر سوءا أن كل شاب يتباهى بطول شعرهو يتسابق مع أصدقائه على طول الشعر و كم من فتاة أستطاع أن يوقعها بالإعجاب بمظهرهالجذاب.

وللعلم بأن بعض الشباب يضعون قليل من المكياج على وجوههم ليبدون أكثرتألقا و إشراقا .

تكمن المشكله في إقتناع الشباب بأن ما يقومون به هو منالتحضر و التقدم
عاد الي يقهرك اذا جا واحد وقالكـ اقتداء بالرسووول صلى الله عليه وسلم هنا عاد لازم تضحك شوووي
أي اقتداء وانت الصلاه الله بالخير زين اذا دليت طريق المسجد والدخان والشيشه مايفارقك
وشعرك الى الكتف
وثوبكـ نصف متــر وهالسلسه على رقبتكـ والثووب يسحب معاك كانه فستان عرووس
وزود عن ذا التميلح عن البنات ياااي ومابقي بنت مارقمتها

هو تقليد اعمــى يعني مافيه كلام او تشبة بالنساء ووالاقتداء بالرسول صلى الله عليه وسلم هذا اندر شيء او من باب التجمل

يعني الفئه الاولى الي اتوقع انها تقليد الي تلاقيه لابس جنز والخصر نازل واساور الوان واشكال وخرابيط وقرابيع وفيه قصـه الماارينز الظاهر هذولا جنود امريكان

لاو وطايحين فيه هالحركه استغفر الله الي كانك شايف واحد افريقي والا بنت سوودانيه( الجداي ل

تشبيه بليغ
ودي اعرف وش الجمال فيه هالحركه
انا ماتوقعت ان فيه ناس تسويها
بس اكتشتفت ان فيه ومعنا هنا بعد

والا الي يصير كشخه وش كبرها فوق راسه مدري وشلون متحمل يدوربها بكل مكان احس فيها ثقل

بالله فيه جمال هالستايل ..؟؟

والنوع الثاني الي ثوبة ضيــق ومشبتة تعالواشوفوا الشباب كيف يمشون·· حتى المشية تطوروا فيها (مشية العنز سمعت يعني

)، يالله انفخ عليه
بيطير لك·· ودك تعطيه كف يعدله علشان يعرف يمشي مثل الناس

وتلاقيه مايع ماصل ناعم منزل شعره على كتوفه وحاط الشماغ وبعضهم مايحطونه علشان يوري البنات الي امثاله طبعاا ان شعره طويل من قده الحمد لله بس (الي بالصور هذا الي يعقدني ويجيب لي المرض والسكر والضغط وع ماحب هالاشكال بس بيني وبينكم ارحمهم )

انا الصايع انا المايع انا الخايف انا الضايع

انا الي نازل قدري انا انا الخكري
انا ماحد قدي انا كل البشر ضدي
ولو اصل عمر جدي ابابقى ياعرب خكري

اسمعوها هنا بس ناقصه:sad:
http://www.w7m.org/Oct/1160390952.zip

والنوع الاخير من باب التجمل فما اقدر العب على نفسي وعليكم واقول ان مافيه شباب يطلعون مماليح بالشعر الطويل
بس بحدود يعني طول بحدود مو واصل للظهر وين احنا فيه

بس الغالبيه شيوون لان بصراحه مهنا اهتمام يجيك متكلف وحاط الجل وطالع كانه هندي

من جد صرنا نتفشل بالاسواق مانعرف السعودي من الاجنبي
انا والا احد الي معاي :: صديق فيه الوان من هذا
هو ::اي اختي شوفيها هناك
يمه سعوودي

وفيه النوع الي بعد الاخير
الي هو يصير من باب الرجولـة مثل الفرسان

وفيه مثل شباب الامارات معروف ان شعورهم طويله وش ملحهم يعني الثوب واسع ولابس الشماغ مدري العمامه ذيك هنا مانقدر تقول
انهم متشبهين بالغرب مع ان الي بالصورة شعره طويل نوعا مايعني لو اقصر افضل
ومو كل شباب الامارات اقصد الي مايع وماصل مو هم الي اقصدهم

يعني ماخلو شي للبنات

حتى قصه الفراولة تقول لي وحده انه شايفه ولد شعره فراوله

والي يرقص بشعره وحده تقول شايفه ولد يرقص بشعره بالبر هذاك الاسبوع

هل
من الحضاره أن يتمخطر الشاب بشعره بلباس أشبه ما يكون بلباس المرأه ليلفت نظرالفتيات هل التقدم يعني الاخلال بمقومات الرجل ..؟؟

ونرجع ونقول مو كل من طول شعره يعتبر من هالفئـة المقصووده

وانما نرجع للسبب يعني شوف شكلة النهائي اذا لقيت الاسواره معلقه على يديه او ثوبة ضيق فهذا الي نقصده انه من تقليد للغرب
ولكن بالمقابل يوجد من طول شعره بسبب السنــة او بسبب الجمال ورجال وماعليه كلام
انا اعرف واحد من اقاربي شعرة طويل بس هالشي معروف من زمان يعني تطويله لشعره كان من اكثر من 5 سنين والولد رجال واخلاق ووشهم حكيم بتصرفاته
و لم يستطع أحد بالعائله أن يلومه على تطويل شعره لمعرفتهم بشخصه و رجولته . الأمر يتوقف على الهدف من وراء تطويل الشعر و كيفية إستغلاله

الصراحـة من خلال فرفرتي بالمنتديات لاحظت ان الغرض منـه هالظاهره هي المساوه بين الرجل والمراه
يعني الي نسوفه البنات بدو يخلعو الحجاب او تساهلوو واصبحو مسترجلات والشباب على النقيض شباب ناعم شعره طويل الميك اب اساور خصلات شعر ملونه ومدري وشو يعني مافي فرق بين الشكل الخارجي للجنسين اشياء من جد تضحك وتبكي من قلب يعني هذولا شباب المسلمين عموما وشباب السعوديه
شبابنا مفرووض يفهمون انهم واجهه للاسلام يعني اذا شبابنا كذا مانلوم البلدان الثانيه اذا شباب بلاد الحرمين كذا اجل وش نقول عن الباقين الله يهدي الجميع
وللتنبيــة يعني الي ماعنده الا عباره الرسول كان شعره طوويل يالتك مثل ظفر الرسول وابوس على راسك بس

با لنسبه للشعرالرسول واصحابه لا يطولون شعورهم بهذه الطريقه الحاليه ولكن يتركون شى اسمه ذؤابه وهي خصلات تنبت في اعلى الراس يتركونها تطول واحيا نا يضفرونها ويلبسون العمامه فوقها فتعطيهم وسامه ورجوله وهيئه حسنه

ام هولاء الذين نراهم الان فهم شباب مسلم بهيئه شباب الغرب الكفار والعياذ بالله متشبهين با لنساء

فياليت ننتبه ماودي احرم شي واحلله بس فيه شي اسمه مرجلة ومظهر شخصي يعني فيه شباب شعورهم استغفر الله لااهتمام بس مع الخيل شقرا يعني طولو شعورهم معهم

ولكن ودي ننتبه قد توصل انها درجه العن من رحمه الله اذا كان تشبـة ببالنساء

وقد تصل الى (من تشبة بقوم فهو منهم )

ولكن تبقى للاغلبيــة
اسهل طريقة لتعبير عن الذات وعدم الثقة بنفس
وبناء شخصيه بطريقة اسهل امام المجتمع

لكي يحصل على أعجاب الاخرين له.
عاد ترى البنات اردى من حال الشباب والتشبه بالشباب
بس اشوى طايحين بهالقصات فراولة وشمس وحركات وكيرلي يعني لازم شعر طويل

بس ماتطرقت لهم بما ان الموضوع خاص للشباب

وعاد بعد هالكلام ودي اشوف ارائكم حلقي اوجعني من كثر الكلام
الشعر الطويل للرجل هل هو انتقاص لرجولته ؟
واذا جا واحد يخطبتس وشعره طويل وش موقفتس وانت بعد اذا جا لاختك وش موقفك منه ....؟؟؟

تراني مانسقت الموووضوووع قد شفتو وحده تعبانه تلبس اكسسوارات

(قفلــة هنوووفية)

اختياري وليس كتابتي

سألني ... من أحب أكثر ...!!
ومن في صوته أتأثــر ..!
ومن هو فــارس أحلامي ..؟
ولميـن أتعذب وأسهر ..!

بغيت أجاوب عيونه ..
وأقول بكل صراحه وحب ..!
اني فيه مفتونه...!
وأنه ساكن أهدابي ..
وأول وآخر أحبابي ..

صرخ بي وقال لي .. قولي ...!!
كفــايه لعب باعصابي ..!

سرحت .. وقلت له .. تصور ..!
اهو اسمه .....!!
مثل اسمك ..!
ورسمه .. يشبه لرسمك ..
وله نفس ابتساماتك ..
ونظرة عينه مثلاتك ..
لأني كلما طالعتك ..!!
أهيــم بليـــل نظراتك

..!

وتقريباً .......... مثل طولك !
وصوته ... فيه من صوتك ..
يداعب مسمعي .. وأرحل ..
فدنيا مـــالها آخر .........!!

ويستعمل ... نفس .. عطرك ..!
والمسبــــاح ...
والســاعه ...!

وسألته .. في خجل .. ظاهر

...!
عرفت الحين....؟!

وصار يتلعثم المسكيــن ..
وقال لي للأسف .. لحظه .. تخيلت اني المقصود

..!
بس اليوم .. بالصدفه ....!
غيرت العطر ..
وحطيت بداله !
دهن عود .......!!

وصلى الله وسلم على نبينا محمد