#1  
قديم 28/11/2006, 08:29 AM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool ((افتح يا وطني ابوابك نحن الابطال )) (( بربسه كالعاده ))




يالله حي الزعماء كلن باسمه


وصباحكم زعامه وتصدر وجوائز وبطولات ان شاء الله

في البدايه

احب اهنئ جماهير العالمي والقلعه على الانجاز اللي فرحنا وتأهلهم لدور الثمانيه

وخصوصاً القلعه نادي الاهلي



((العالمي ومولودية الجزائر))

والله فرحت بفوز النصر عشان اثنين بس فيصل بن عبدالرحمن وفيصل القحطاني بس

نقاط من المباراة

* النصر داخل متحمس من البدايه ومولودية الجزائر اكثر منه حماس

* المعلق توه بادي يقول التشكيله الا دفاع النصر منلخم والحارس متمصع *

*لاعبين الجزائر بادين حامي حامي ماعندهم يمه ارحميني ولو انهم ما تسرعوا كان شفنا امس درزن بس حظهم ماله سنع

*دفاع النصر ممكن سؤال _ من اللي حالف عليكم ماتخلصون الكوره الا بدبل والمشكله ليت الدبل يظبط ما فيه الا قوة تسطيح

* الحكم المصري امس كن وده يقول فوزو يا مولوديه من جد شفنا ظرب بكوره وظرب بدون كوره كنك قاعد تشوف مباراة الهلال والاتحاد

* لا وكله كوم والبلنتي اللي ماله سنع *كوم والله بلنتي ولا في الخيال يعني واضح ان اللاعب خاش على الكوره بس يله ((قلب السعلو )) صد الكوره وبغت ترتد وتجي هدف

* الارتي قبل المباراه يقولون بتشوفون شين موب صاحي نقل ولا اطلق منه والبلاوي اللي صارت في مباراة الاهلي مهيب صايره
شوي الا الصوره تقطع

* بعدين ماشفنا ولا اعاده للأشياء اللي من صالح النصر
ولو الكوره من صالح الجزائر حتى الاوت يعيدونه ثلاث مرات خير

* المعلق الله يصلحه يسمع بالحياديه مغير *يمدح في الجزائريين ياخي امدح ((نادينا)) شوي من باب (( ارحموا عزيز قوم ذل ))

** اللي يشوف الخوجلي وهو يحب راس ماساميسو يقول ذا ولد عمه
بعد والله ياهو تمغط ذا الخال* وماقصر صد ولا ثلاث اهداف كلها في المرمى

يالله الحمدلله على الفوز النصرواي وعقبال ما يتواجه هو والاهلي على النهائي




طيب لو جا واحد وقال اليوم مباراة الاتحاد وهو يمثل الوطن تعرفون وش باقول

الله يوفق الاتحاد بس والله اقولها من ورى قلبي يعني ماودي يفوزون وان فازوا الحمدلله على كل شي ومصيبه اهون من مصيبه




الشلهوب والجائزه الاسيويه والنصاب جستنيه

بما اني من محبي الكوميديا وحتى لو صارت كوميديا رخيصه

فاني احرص كل يوم اني اقرى المقال حق عدنان جستنيه والله عشان اضحك واحس ان في الدنيا ناس مريضه لا وتكذب عياناً بياناً

مقاله امس يقول ان رئيس الهلال يوم درا * ان سامي موب كفو ياخذ الجائزه قعد يصرف ويقول ان الجائزه ماتهمنا وان لاعبين الهلال اكبر من ذي الجائزه
بس يوم درا ذا المره ان الشلهوب هو اللي بينافس على اللقب واهو افضل المستحقين لها (( طلع رئيس الهلال هو والشلهوب في طائره خاصه لابو ظبي عشان يستلمون الجائزه )) ولو ان فيه احد منافس قوي (( قصده ابو علك ))كان انسحبوا ولا راحو . ا .ن .ت .ه .ى.

ياخي ياقوي عينك يا عدنان يا انك ماتستحي بعد

لو انك تبطل عزف سمسية وتهز كتوفك في بيت رئيسك وتقرا جرايد كان ما توهقت


الحين في كل الجرايد مكتوب ان الاتحاد الاسيوي ارسلوا التذاكر يعني على حسابهم يعني مافيه طياره خاصه ولا تظن انهم بيروحون للشلهوب طياره خاصه

ثانيا اللي بيروح مع الشلهوب موب الرئيس اللي بيروح امين عام النادي

على العموم اهدافك معروفه يا ظلال عادل امام بس لعد تنكت واجد




وطنية الهلاليين وعنصرية النصراويين

امس دخلت المنتدى ولقيت موضوع يعرض فضائح النصراويين وموقفهم من ترشيح الشلهوب وعمهم سامي الجابر

والله ما استغربت ابد وهذا دليل على تخلفهم وعنصريتهم يعني الدعوى مهيب كلمه وطلعت


الدعوى صارت مواطنه وترشيح الاجنبي وتفضيله على ابن البلد

وعلى العكس
اقرى في منتدانا مواضيع تهني النصر والقلعه على اللي سووه والانجاز بتاهلهم خارج اراضيهم وفي ضروف صعبه على انديه عربيه

والله فرحت وحسيت اني كهلالي انسان محترم اعرف واجباتي الوطنيه
لو الدعوى في الدوري كان لعنت خامس النصر والاتحاد لاكن الدعوى وطنيه تمثيلنا بين اندية الوطن العربي

ودليل كلامي وعدنا مباراة الهلال والفقر
<<<<( بدا يخنبق ))
الاحد الجاي




ادعوا معي وارفعوا يديكم في حزة المطر المباركه ذي

يالله انك توفق الزعيم ويسجل 6
يالله انك توفق ياسر ويسجل هدف وسامي هدفين والخراشي هدف والشلهوب هدف والتمياط هدف حتى عزيز ابيه يسجل هدف
واللي يصلحها كلها التايب
يارب
يااااااااا رب

اللهم آمين



معاني الكلمات

متمصع = مصاب بتعقد في عضلات الكتفين والظهر

ماله سنع = اي ليس له داعي

مغير = ما انفك اي ما وقف

الخال = شخص اسمر البشره يمتلك هوندا 91 كحلي

درا = اي علم



يالله فتكوا بعافيه

اخر تعديل كان بواسطة » maanmaan في يوم » 28/11/2006 عند الساعة » 11:16 AM
اضافة رد مع اقتباس
  #2  
قديم 28/11/2006, 08:42 AM
زعيــم نشيــط
تاريخ التسجيل: 06/06/2006
مشاركات: 925
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه

والله مووضوووع روووعه

ويهلك ضحك من الصبحيه

الله يعطيك العافيه

والله يوفق الهلال
اضافة رد مع اقتباس
  #3  
قديم 28/11/2006, 09:11 AM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
هلا والله بصديقي المبربس

عز الله ان بربستك اليوم غير على وزن ((( جدة غير )))


كل بربستك كوم وفتكم بعافية كوم الله يرك ابليسك انت
اضافة رد مع اقتباس
  #4  
قديم 28/11/2006, 09:12 AM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
ههههههههههههههههههههه


ياخي بربستك روووووعه بس شكل ما عندك واسطه حته يثبتون مواضيعك 0انا من المتابعين لبرابيسك كلها لو تلاحظ لبرابيسك تلقالي فيها ردود

يعطيك العافيه ياحلى مبربس
اضافة رد مع اقتباس
  #5  
قديم 28/11/2006, 09:15 AM
الصورة الرمزية الخاصة بـ أنين الشوق
زعيــم فعــال
تاريخ التسجيل: 23/06/2005
المكان: الظهـران
مشاركات: 434
ههههههههههههههههههههههههههاي

الله يعطيك العافية ضحكتنا على هالصبحية شوي

وغيرنا جو معاك

ومشكور على الموضوع اللذيذ

ولاتحرمنا من برابيسك

تقبل تحياتي
اضافة رد مع اقتباس
  #6  
قديم 28/11/2006, 10:50 AM
زعيــم فعــال
تاريخ التسجيل: 20/01/2006
مشاركات: 417
مــشــكــووور اخـــوووي
اضافة رد مع اقتباس
  #7  
قديم 28/11/2006, 11:08 AM
زعيــم مميــز
تاريخ التسجيل: 24/07/2005
مشاركات: 14,960
مــشــكــووور اخـــوووي
اضافة رد مع اقتباس
  #8  
قديم 28/11/2006, 11:16 AM
زعيــم متواصــل
تاريخ التسجيل: 11/04/2006
مشاركات: 51
يا حبي لك و ياحبي لاسلوبك وياليت كل الناس مثلك اذا فريق غير الهلال مثل الوطن ندعي له لانه يرفع اسم وطنك. اما بالنسبه للنصراوين وانهم فضلوا الغريب على لاعب الوطن لا تلومهم تخيل فريقك ما ياخذ بطوله لمده عشر سنوات والفريق الي ينافسك كل سنه اكثر من بطوله والله يجيك شي بعقلك.
اضافة رد مع اقتباس
  #9  
قديم 28/11/2006, 11:18 AM
زعيــم نشيــط
تاريخ التسجيل: 15/09/2005
المكان: الــعاصمة
مشاركات: 634
يعطيك العافية..

بربسة عالمية..

أما(معاني الكلمات) حلووووة ذكرتني بكتاب الأناشيد في الإبتدائي
اضافة رد مع اقتباس
  #10  
قديم 28/11/2006, 11:33 AM
زعيــم مميــز
تاريخ التسجيل: 03/04/2006
المكان: @ روح الزعيم @
مشاركات: 5,682
يعطيك العافية ع الموضوع الجميل

والهم ان شاء الله الزعيم حليفه الفوز يوم الاحد القادم
اضافة رد مع اقتباس
  #11  
قديم 28/11/2006, 01:45 PM
زعيــم مميــز
تاريخ التسجيل: 16/03/2005
المكان: أعيش في دنيتي
مشاركات: 2,394
ههههههههههههههههه

مشكووووووووور أخوي
اضافة رد مع اقتباس
  #12  
قديم 28/11/2006, 02:46 PM
زعيــم فعــال
تاريخ التسجيل: 01/07/2005
مشاركات: 238
مسا الخير عزيزي اول مره اشارك ب الرد عيك يعطيك العافيه يارب الفوزز ب6 وان ماحصل نصها يكفي بس تراهم بيجون متحمسين للفوز وانشاالله بنهزمهم ونصدمهم ويرجعون لترتيبهم القديم ومستواهم وشكرآآآآ
اضافة رد مع اقتباس
  #13  
قديم 28/11/2006, 09:57 PM
زعيــم فعــال
تاريخ التسجيل: 21/09/2005
المكان: الرياض
مشاركات: 324
Cool

هلاليه خطيره

ياهلا والله

صديقي ابو سهم

يالله انك تحييه

خالد تسعات

ياخوك وش السوات \
تصدق لو عندي واسطه قويه مثل واسطة الهليل كان حطوني مشرف

باقي الاخوان ان شاء الله ارد عليكم في وقت اوسع

وآسف على التأخير
اضافة رد مع اقتباس
  #14  
قديم 28/11/2006, 10:06 PM
عضو سابق باللجنه الإعلامية
تاريخ التسجيل: 27/08/2006
المكان: R i Y a D h
مشاركات: 3,029
مشكور على البربسه ولاتحرمنا من بربستك هاذي
اضافة رد مع اقتباس
  #15  
قديم 28/11/2006, 10:23 PM
زعيــم مميــز
تاريخ التسجيل: 23/08/2006
مشاركات: 3,708
ههههههههههههه

موضوع رائع و كلمات رائعه مجنون في الكتابه

الله يعطيك ملـــ1000000 ـــــــيون عاااااااااااااااااااااااافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube