نادي الهلال السعودي - شبكة الزعيم - الموقع الرسمي - ((افتح يا وطني ابوابك نحن الابطال )) (( بربسه كالعاده ))

http://vb.alhilal.com/news/Untitled-13.gif

يالله حي الزعماء كلن باسمه

وصباحكم زعامه وتصدر وجوائز وبطولات ان شاء الله

في البدايه

احب اهنئ جماهير العالمي والقلعه على الانجاز اللي فرحنا وتأهلهم لدور الثمانيه

وخصوصاً القلعه نادي الاهلي

((العالمي ومولودية الجزائر))

والله فرحت بفوز النصر عشان اثنين بس فيصل بن عبدالرحمن وفيصل القحطاني بس

نقاط من المباراة

* النصر داخل متحمس من البدايه ومولودية الجزائر اكثر منه حماس

* المعلق توه بادي يقول التشكيله الا دفاع النصر منلخم والحارس متمصع *

*لاعبين الجزائر بادين حامي حامي ماعندهم يمه ارحميني ولو انهم ما تسرعوا كان شفنا امس درزن بس حظهم ماله سنع

*دفاع النصر ممكن سؤال _ من اللي حالف عليكم ماتخلصون الكوره الا بدبل :D والمشكله ليت الدبل يظبط ما فيه الا قوة تسطيح

* الحكم المصري امس كن وده يقول فوزو يا مولوديه من جد شفنا ظرب بكوره وظرب بدون كوره كنك قاعد تشوف مباراة الهلال والاتحاد:D

* لا وكله كوم والبلنتي اللي ماله سنع *كوم :eek: والله بلنتي ولا في الخيال يعني واضح ان اللاعب خاش على الكوره بس يله ((قلب السعلو:D )) صد الكوره وبغت ترتد وتجي هدف

* الارتي قبل المباراه يقولون بتشوفون شين موب صاحي نقل ولا اطلق منه والبلاوي اللي صارت في مباراة الاهلي مهيب صايره
شوي الا الصوره تقطع:D

* بعدين ماشفنا ولا اعاده للأشياء اللي من صالح النصر
ولو الكوره من صالح الجزائر حتى الاوت يعيدونه ثلاث مرات خير

* المعلق الله يصلحه يسمع بالحياديه مغير *يمدح في الجزائريين ياخي امدح ((نادينا)) شوي من باب (( ارحموا عزيز قوم ذل ))

** اللي يشوف الخوجلي وهو يحب راس ماساميسو يقول ذا ولد عمه :D
بعد والله ياهو تمغط ذا الخال* وماقصر صد ولا ثلاث اهداف كلها في المرمى

يالله الحمدلله على الفوز النصرواي وعقبال ما يتواجه هو والاهلي على النهائي

طيب لو جا واحد وقال اليوم مباراة الاتحاد وهو يمثل الوطن تعرفون وش باقول

الله يوفق الاتحاد بس والله اقولها من ورى قلبي يعني ماودي يفوزون وان فازوا الحمدلله على كل شي ومصيبه اهون من مصيبه:D

الشلهوب والجائزه الاسيويه والنصاب جستنيه

بما اني من محبي الكوميديا وحتى لو صارت كوميديا رخيصه

فاني احرص كل يوم اني اقرى المقال حق عدنان جستنيه والله عشان اضحك واحس ان في الدنيا ناس مريضه لا وتكذب عياناً بياناً

مقاله امس يقول ان رئيس الهلال يوم درا * ان سامي موب كفو ياخذ الجائزه قعد يصرف ويقول ان الجائزه ماتهمنا وان لاعبين الهلال اكبر من ذي الجائزه
بس يوم درا ذا المره ان الشلهوب هو اللي بينافس على اللقب واهو افضل المستحقين لها (( طلع رئيس الهلال هو والشلهوب في طائره خاصه لابو ظبي عشان يستلمون الجائزه )) ولو ان فيه احد منافس قوي (( قصده ابو علك ))كان انسحبوا ولا راحو . ا .ن .ت .ه .ى.

ياخي ياقوي عينك يا عدنان يا انك ماتستحي بعد :D

لو انك تبطل عزف سمسية وتهز كتوفك في بيت رئيسك وتقرا جرايد كان ما توهقت

الحين في كل الجرايد مكتوب ان الاتحاد الاسيوي ارسلوا التذاكر يعني على حسابهم يعني مافيه طياره خاصه ولا تظن انهم بيروحون للشلهوب طياره خاصه

ثانيا اللي بيروح مع الشلهوب موب الرئيس اللي بيروح امين عام النادي

على العموم اهدافك معروفه يا ظلال عادل امام بس لعد تنكت واجد

وطنية الهلاليين وعنصرية النصراويين

امس دخلت المنتدى ولقيت موضوع يعرض فضائح النصراويين وموقفهم من ترشيح الشلهوب وعمهم سامي الجابر

والله ما استغربت ابد وهذا دليل على تخلفهم وعنصريتهم يعني الدعوى مهيب كلمه وطلعت

الدعوى صارت مواطنه وترشيح الاجنبي وتفضيله على ابن البلد

وعلى العكس
اقرى في منتدانا مواضيع تهني النصر والقلعه على اللي سووه والانجاز بتاهلهم خارج اراضيهم وفي ضروف صعبه على انديه عربيه

والله فرحت وحسيت اني كهلالي انسان محترم اعرف واجباتي الوطنيه
لو الدعوى في الدوري كان لعنت خامس النصر والاتحاد لاكن الدعوى وطنيه تمثيلنا بين اندية الوطن العربي

ودليل كلامي وعدنا مباراة الهلال والفقر
<<<<( بدا يخنبق :D ))
الاحد الجاي

ادعوا معي وارفعوا يديكم في حزة المطر المباركه ذي

يالله انك توفق الزعيم ويسجل 6
يالله انك توفق ياسر ويسجل هدف وسامي هدفين والخراشي هدف والشلهوب هدف والتمياط هدف حتى عزيز ابيه يسجل هدف
واللي يصلحها كلها التايب
يارب
يااااااااا رب

اللهم آمين

معاني الكلمات

متمصع = مصاب بتعقد في عضلات الكتفين والظهر

ماله سنع = اي ليس له داعي

مغير = ما انفك اي ما وقف

الخال = شخص اسمر البشره يمتلك هوندا 91 كحلي

درا = اي علم

يالله فتكوا بعافيه