نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)

- أرشيف مواضيع منتدى الجمهور الهلالي (http://vb.alhilal.com/f38/)

- - منهو ماهر الطويل ؟ (http://vb.alhilal.com/t34913.html)

هلالي الجوف

26/10/2001 10:03 PM

منهو ماهر الطويل ؟

السلام عليكم

قرأت كثيراً بالصحف المحلية عن إسناد الإدارة الإشراف للعبه كرة السلة للأستاذ : ماهر الطويل .
وفعلا فقد رافق الفريق الى المدينه المنورة ..... حسب ماقرأت .

وعندي سؤال : هل ماهر الطويل هو الممثل المعروف ؟
ام هو مسئول العلاقات العامة بنادي الرياض ؟
أم مجرد تشابه اسماء ؟

ارجو التوضيح لمن لدية الإجابة . وشكرا .

abofaris

26/10/2001 10:13 PM

ياخوي ترى الإدارة ما عندك أحد ومن راح نواف بن محمد وترك السلة وهم بالشين
باللعبة ولا لقوا لها أحد يقبل بإدارتها وهرب اللاعبين وإنسحب الفريق قدام النصر
قالوا نقلبها برنامج ( الكاميرا الخفية ) عساها تجيب مردود مادي وخصوصاً
رمضان على الأبواب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قالوا مالها إلا ( ماهر الطويل ) بطل الكاميرا الخفية ( مبروك علينا )

هلالي الجوف

27/10/2001 10:45 PM

مشكور اخوي ابو فارس على الرد

يعني طلع الممثل المعروف ؟؟

يعطيك الف عافية .

هلالي متعصب

27/10/2001 10:57 PM

يا اخوان ترى ماهر ساكن بحارتنا ويشتغل كاتب في احد المدارس بالروضه وش جابه لكم ووش دخله بالهلال ابغى افهم اعتقد ان هناك لبس ؟؟؟؟

هلالي الجوف

27/10/2001 11:28 PM

شكل ماحد عنده فكرة :( ولا ماحد يبي يعطيني الجواب ؟

يالله ... وش علينا من السلة :) نخليها لأهلها.

نرجع لكرة القدم محبوبتي ومحبوبة الملايين
يارب وفق اعضاء الشرف باجتماعهم الليلة
ادعوا معي .. ان الله يجيب العواقب سليمة .

مشكورين ........... وسلامتكم

الفليسوف الازرق

28/10/2001 12:17 AM

الي عندة خبر

ياليت ياشباب الي عندة خبر يبلغنا عن اخر اخبار اجتماعات الليلة قبل ماننوم وشكرااااا

y2k	28/10/2001 11:20 AM

اسمه : ماهر الطويل المجرشي

وهو من كان يقدم برنامج ( مو معقول ) وبعده التزم والله بوفقه في موقعه الجديد ،

وللمعلومية فهو شقيق لاعبي الشباب مهند و ناجي مجرشي.

هذا للعلم والأحاطة.

هلالي الجوف

28/10/2001 12:06 PM

مشكور الف شكر يا y2k

كان الهدف من سؤالي التوضيح فقط .. تشابهت علي الأسماء.. وحياه الله
الله يوفقه انشالله ويكون بعونه وترجع كرة السلة كما كانت ايام الأمير نواف بن محمد
لأن التركة ثقيلة والحمل أثقل.
وفق الله الجميع لما يحبه ويرضاه .

AbuNawaf

28/10/2001 12:14 PM

هو نفسه........ واللي مامعوش ماينفعوش......

الرجال عنده هالأيام كاش ويدفع لكرة السله .... الله يقويه....

الوقت المعتمد في المنتدى بتوقيت جرينتش +3.
الوقت الان » 04:27 PM.