هذا ما حصل في " تحدي الهرم " بالرياض .. ( تقرير خاص بالفيديو ) السلام عليكم ورحمة الله وبركاته الكثير منكم سمع ماذا حصل في تحدي طعس الهرم الواقع في منطقة العاذرية بالرياض .. ورأينا امام اعيننا جميع انواع التخلف من اعداء النجاح الذين لا يعرفون لمعنى الاحترام شي .. فقط سوى الهمجيه والتصرفات التي يضنون بانها حركات فكاهيه ولا يعلمون بأن النتيجه اساءة لنا كمسلمين ,, واساءة لنا كسعوديين .. انا اتكلم باعلى صوت الى كل من يقرأ هذا الموضوع واخص هذا الكلام لجميع شباب جدة ومكة والذين ماخذين فكره غلط عن شباب الرياض ..: شباب الرياض وبالاعم طبعا المنطقه الوسطى كلهم شباب عندهم نخوه وشهامه ورجال فعلا بمعنى الكلمه وحقون فزعات لا يعني ان الفئه القليله من حثالة المجتمع تعكس صوره واقعية عن شباب الرياض ككل لان اكبر دليل على كلامي هذا هو: استنكار جميع شباب الرياض وكل من حضر السباق من هذه الاعمال الصبيانيه التي اساءة الى سمعتنا احنا يالسعوديين لان كما تعلمون ان هناك خبراء بريطانيون اتوا منظمين لهذا السباق مع شركة رد بول وهناك ايضا لجنة تحكيم اعضاءها من مملكة البحرين وكذلك من الامارات والمتسابقين كذلك هناك شباب متسابقين من الكويت وشباب من قطر .. ونقول لهم بصوت عااااااالي جدا:/ لا تواخدونا بما فعل السفهاء منا .. http://www.jeddahboys.com/maher/Hawqiii1.jpg هذه الصوره تبين اقفال الخط لمدة ثلاث ساعات بدون حركة .. ولعلمكم هذا الخط ذو مسارين اي ( خط رايح - خط جاي ) شوفوا كيف الزحمه الشديه صار الخط كله رايح .. وازيدكم من الشعر بيت ان هذي السيارات هي اللي ما تمشي على الطعوس يعني فيه الوف مؤلفه من سيارات الدفع الرباعي ماشيه على الطعوس. http://www.jeddahboys.com/maher/Hawqiii2.jpg عند الوصول على آذان العشاء .. كان الوضع هادي جدا. http://www.jeddahboys.com/maher/Hawqiii3.jpg صورة لحلبة طعس الهرم.. http://www.jeddahboys.com/maher/Hawqiii4.jpg بصراحه ياشباب كان ودي اصور لكم الوضع كامل .. وكان ودي كمان افاجئكم بأحلى تغطه .. لكن .. ما اقول غير ( قدر الله وماشاء فعل ) للمعلوميه ماقدرت اصور اكثر لاني ما تحركة من مكاني .. لان لو تحركة من مكني مع النمل البشري عرفون وش بيصير.. ! الاعمال التخريبيه: كانت الاعمال التخريبيه متنوعه .. بدأت عند كسر السور المحيط لحلبة السباق ومن هذه الاعمال: ( رمي الحجاره على سيارات المتسابقين وكأنه عدو قادم اليهم - تعطيل السباق بشكل عام - مرور الجمهور لتعطيل السباق امام السيارات - الاعتداء على رجال الامن - الاعتداء على رجال المطافي وسرقة طفاية حريق وتشغيل طفاية اخرى على الجمهور - سرقة الاعلام داخل حلبة السباق وتشويه السباق بصوره عامه - بعد ان الغى السباق هجمت الفئه الضاله لكي تكسر وتخرب الخيام الموضوعه للصحفيين و للشخصيات الهامه - اللي حضر السباق اكيد سمعتم المعلق وهو ينادي على اطفال ضائعين .. تصدقون ياشباب ان السخافه وصلت بهم انو بحكم شبكة الجوال ما تمسك في ذلك الوقت قرروا بانهم يحصل كل واحد على خويه عن طريق النداء >> يوجد طفل ضائع اسمه كذا << والله انهم فعلا اطفال ) واتضح لي ايضاً بان هؤلاء الفئه يريدون عمل سباق عشوائي ويريدون مشاهدة حوادث واكشن مثل ما يفعلون في شوارع التفحيط والعياذ بالله. رجال الامن ,, كبر الله مخداتهم: عندي سؤال واحد مركب اوجهه الى رجال الامن الافاضل الذين اتوا لحماية الشعب السعودي: اينكم عندما رمي الجماهير المتسابقين بالحجاره ؟ اينكم عندما تعرض رجال الامن فوق في اعلى قمة الطعس ؟ اينكم عندما تسرق ممتلكات الحكومه والعبث بها وهي طفايات الحريق ؟ اينكم عندما تسمعون اروع واجمل الالفاظ القبيحه عليكم ؟ انا اؤؤكد ان قلت عدد رجال الامن هو السبب الوحيد لهذا التسيب الامني في هذا السباق. اضف الى ذلك خطة رجال الامن لتقفيل المنطقه تقفبل متنقن كان نسبته: 30% .. سؤال صريح: عندما يكون هناك مباراه بين فريق النصر والهلال .. او بين فريق الاتحاد والاهلي يكون في مواقف الملعب باصات للشغب .. وايضا مشاركة قوات الامن الخاصه الذين هم المعنيون بمكافحة الشغب الجماهيري... اين هم عن طعس الهرم ..؟؟؟؟؟؟؟؟ كل كلامي هذا مثبت داخل مقطع الفيديو المرفق في هذا الموضوع: مقطع الفيديو:/ جماعة الدايل أب من هنا .. حجم المقطع: 4,45 ميقا / بايت. جماعة الدي أس ال من هنا . حجم المقطع: 18 ميقا / بايت. |
والله مهزله !! ياحبيل القصيم s60s فشلونا مع المتسابقين الي من خارج السعوديه من الكويت الامارات وقطر ووو ياخي شف التطعيس عندنا في القصيم كيف بدوون شبك وبدوون .. محد يقوول وخر ولا شي !! الحمد لله اني ماحضرت لكن عندي سؤال اين لجنة التنظيم عن ماحدث ؟ |
nomads |
والله انا اخوي الحمد الله اني كنت مسافر يصراحه من الي سمعت انقهرت وارتفع ظغطي بصراحه ناس همج متخلفين ، لا يعرفون للأحترام أي معنى في أي مكان يوجودن توقع المصائب . |
اهاااا انا اقوول اخويا ليش جاي معصب هذاك اليوم ويسب:razz: اذكر كان يقول فشلووووونا الله يفشلهم :D واشياء من هذا القبيل:d من جد انا مادري اش بيستفيدون لما يسوون كذا....:confused: زعيم الاوطان مشكور... :) |
والله صراحه مشكله و مسخروا الشركه الراعيه و المتسابقين الخليجيين غير كذا مسخروا صورة اهل الرياض و السعوديه بشكل عام مشكله الناس الغير واعيه و الغير مهتمه |
يعطيك العافيه |
للأسف اخوي ان هؤلاء شوهو سمعة شباب الرياض .. والسعوديه بشكل عام .. وهؤلاء فقط جو للتخريب .. والاساءه لكل شخص في طريقهم .. ولكن الوسيله ا لوحيده للحد من افعال هؤلاء الاطفال هي وضع أمن الشغب في كل الاماكن .. والله يصلحهم .. فشلونا .. لك الف شكر .. |
هذولا ناس مرضى يحاولون يثبتون وجودهم بأي طريقه.... |
والله صدق فشلونا واشـــــكركم على المرور |
خـلاص هــونــت .. مــابــي اصــيــر ولــد :d الله يـصـلـحـكـم بـس :) يـعـطـيـك الـعـافـيـه اخــووي عـالـتـغـطـيـه :) |
][ السلام عليكم ][ والله يـا هم مبزرة من جد ,, كل هـ التخريب والحاله هذي وش بيستفيدون منها :confused: :confused: :confused: مـا غير الدلاخه بس .. :razz: ناس طاقين مشوار من دير ثانيه , من الكويت وقطر الإمارات لا وبعد بريطانيـا عشان الحدث وآخرتـ ـ ـها تجي هـ الأشكال وتخرب !! الحين هم مـا يجون عندنا الا قليل ,, ويمكن بس للحج ونجي حنى نطردهم .. :no: الحين بينقولون عنا صورة سيئه << أخس يـا صورة سيئه :D لا وبعد يقولون ليـه ما فيه فعاليات :) |
شعب متخلف مو الكل البعض من هالهمج |
والله صــــادقين راح يخوذون عنا سمعه سيئه واشـــــــكركم على المرور |
يا اخي موضووعك رائـع وانا اقولها بكل صوتي هذي الفئه هي التي تهد المجتمع شاكر ومقدر تحياتي نايفـ .,, |
الوقت المعتمد في المنتدى بتوقيت جرينتش +3.
الوقت الان » 10:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd