قصيدة قلها لكل من يحسدك - نادي الهلال السعودي - شبكة الزعيم

الزعيم الغيور · #1 26/11/2006, 10:00 PM

بسم الله الرحمن الرحيم
السلام عليكم ورحمة الله وبركاته
في البداية أحب أن اوضح نقطه الكثير منا يعاني منها
سواءً في المدرسة أم الجامعة أم العمل كل على حسب وضعه:
واقصد بصرييييح العبارة ان كل من يبدع في مجاله يلقى بعض من التشجيع
والحوافز لكن لاتلبث إلا أن ترى من يحاولوووون أن يعيقووووك عن الإبداع والتقدم
فإلى هاي الأشكال الغلط أقوووووووووول هذه القصييييدة لأحدى الشعراءعلني حينما
اتذكره فيما بعد اقوله لكم.
القصيدة/

ليت هالعين يوم ضاقت بالحدق ******قبل جدرانها بوجهك تضييق
والله إني فقيــــــت من الأرق ******راحلٍ لامكـــــــان ولاطريق
ماسمعتم الغراب اللي نعــــــق ****** وين مثله على مثلي يفـــيــق
منزلي في الطويــل اللي شهق ****** ومنزله في قاعة الوادي السحيق
قالو الحاقد بدمــــــك شـــرق ****** قلت ماأظنة لمدحــــــي يطــيق
والله ماكنه إلا الشوك في ثوبي علق****** الشوك يوذي بس مايقطع طريق

لكم خالص الحب والوفاء
من محبكم *** الزعيم الغيور***

بريماكس · #2 26/11/2006, 10:09 PM

إقتباس


	والله ماكنه إلا الشوك في ثوبي علق****** الشوك يوذي بس مايقطع طريق

صح لسانك ... قصيده رائعه

هامور البورصه · #3 27/11/2006, 05:32 PM

صح لساانك

ولا عدمنااك يالغاالي

شي طبيعي ان المميز لاازم يكوون محاارب واقرب مثل الهلال عشاانه مميز شوف كيف محااربينه وشكراً

هلالي وشقاوي · #4 27/11/2006, 06:29 PM

وربي جبتها على الجرح وإن كثير كذا كنت اشتغل في شركة كلها مصريين ولبنانيين وانا الوحيد السعودي فيهم . ويوم أبدعت وشافوني أنافس قام واحد منهم ونرفزني بالكلام واسكت ورجع مره ثانية ونرفزني شوفو القهر المشكلة في السعودية وهم أجانب وأسكت بعد كذا قال لي الحرمة هي اللي بتسكت ماترد ومد إيده علي قلت عاد ماباقي الا المصري يمد ايده علي واقوم عليه . قلت أنا طالع برى الشركة تعال تحت عند السيارة المهم ماصدق خبر وجاء وأول ماشفته كان معي اشتراك حق سيارة وانا اقوم ولحطه فيه لين تجرح وجه من بكره راااحو كل الاجانب اللي في الشركة وقالو إني ضربته في الشركة وقدامهم وانه انا الغلطان .

طبعا المدير فصلني وشوتوني برى الشركة كما تشات الكوره من قدم الجمعان ولكم خالص تحياتي .

عـز الهلال · #5 27/11/2006, 07:28 PM

][ السلام عليـكم ][

والله يـا شين من يحسد , ويـا كثرهم بصراحه
وانـا أكره مـا اسمع !! واحــد يحسدني <<<< وش عندك عشان يحسدك ؟

بس أنت تقول قل القصيدة للي يحسدك
يعني لازم أحفظ كل هذا عشان ارد عليـ ـه ؟

ع العمووم تشكر على القصيدة الجميله

الكناري الأزرق · #6 27/11/2006, 07:53 PM

[ السلام عليكم و رحمة الله و بركاتهـ ] ,,

::

صح لسانه قايل هالقصيدة والله انها جت في " الصميم " ..!!

::

الحسد هالايـام صاير زي السلام عليكم !! << اذا كان زي السلام عليكم يعني هو معدوم للاسف هالايـام ,, قل هاااي تلقاها موجودة بكثرة

..!!

::

تخيل الان فيه ناس تجيني بالماسنجر تقولِ [ ايهب على عدد مشاركاتك ] ..!!

::

قسم بالله هالشي يحصل لي بكثرة و اخر شي الـيوم ..!!

::

الله يهديهم ,,

::

شاكر لك على القصيدهـ ,,

::

سلام ,,

::

هلاليه سنعه · #7 29/11/2006, 03:12 AM

صح لسان قايلها
والله يكفينا شر اللي عيونهم فناجيل ومطيرينها على خلق الله

يعطيك العافيه خيووو ..

سندريلا الهلال · #8 29/11/2006, 07:06 AM

حـتى على المــوت لا أخلـو من الحســـــدِ ....

فطبيعة بني البشــر هي الحديث بخصوصيات الاخرين سواء رائعه او غير ذلك .. فهم حتى على المصيبة يحسدون !!!

دع الخلق للخالق .. حتماً وواقعاً ستعيش الرضى ...

ان شاء الله ما فيه أحد منا يحفظ هالأبيات لأننا باءذن الله نكون مغبوطين ولسنا محسودين بحول الله

الله يكفينا شر من يريد بنا المضـرة ...

بالتوفيق لك ...

الزعيم الغيور · #9 03/12/2006, 09:25 PM

السلام عليكم ورحمة الله وبركاته
اللهم طهر ألسنتنا من الكذب وقول الزور
وطهر أعيننا من النظر إلى الحرام
وطهر قلوبنا من النفاق والحسد
اللهم آمين
ومشكورين على الردود

الفيروسه الزرقاء · #10 04/12/2006, 07:36 PM

هلا بـ الزعيم الغيور ..

صن كيو ع هـ القصيده ، ماشاء الله عليك عائلتك الغيور :p وجايب قصيده عن الغيورين

إقتباس


	ليت هالعين يوم ضاقت بالحدق ****قبل جدرانها بوجهك تضييق والله إني فقيــــــت من الأرق **راحلٍ لامكـــــــان ولاطريق ماسمعتم الغراب اللي نعــــــق ** وين مثله على مثلي يفـــيــق منزلي في الطويــل اللي شهق ** ومنزله في قاعة الوادي السحيق قالو الحاقد بدمــــــك شـــرق ** قلت ماأظنة لمدحــــــي يطــيق والله ماكنه إلا الشوك في ثوبي علق**** الشوك يوذي بس مايقطع طريق