( ** كرنفال هلالي في مباراة النصر ** )
 

السلام عليكم ورمة الله وبركاته ..

في البداية اعتذر عن اسم الموضوع ..

ولكن من حرصي على حظور الجمهور الهلال في مباراة النصر بمظهر خيالي ..

اردت الجميع يدخل الى هذا الموضوع ..

اولا : ايها الجمهور الهلالي في المنطقة الوسطى ( الرياض ) .. ماهي استعداتكم للقاء النصر .. ؟

يجب عليكم كجمهور الاستعداد لهذا اللقاء ..

بتقولولي طيب بنحظر ..

بقلكم لا المهم الحضور (صحيح ) ولكن مافائدة الحظور بدون تشجيع ..

ياشباب نبغى يوم مباراة النصر يكون عرس جماهيري لنا ..

نبغى نشوف المدرج كله ازرق ..

نبغى حماس مع الرابطة ..

نبغى نشوف عند الرابطة شعلات دخانية حمراء او زرقاء ..

نبغى .. نبغى ... نبغى ....

اشياء كثيرة نحتاجها واعتقد لو سنفعلها سيصبح شكل الجمهور الهلالي خيالي في اللقاء..

هل رايتم مباراة الاهلي والرجاء المغربي في جدة ..

هل رايتم ماذا فعلت الجماهير الاهلاوية عند دخول اللاعبين ..

اتمنى من مجلس الجمهور الهلالي الاهتمام بذلك ولايقتصر فعل مجلس الجمهور بالتيشرتات للجمهور ..

نبغى حاجات جديدة ..

وسبق ذكرها ..

اتمنى اتمنى ان يكون شكل الجمهور الهلالي في مباراة النصر خياااااااالي ..

واتمنى التنسيق بين الرابطة ومجلس الجمهور وان تكون متطلبات الرابطة موجودة .. ( من شعلات دخانية وبالونات صوتية .... وغيرها .. ) ..

هذا ماردت قوله ..

واتمنى التفاعل من الجميع ..


اخوكم / جيوفاني الهلال ..

أكيد
واتمنى التفاعل من الجميع

تراه هذه أول مبارة للهلال ضد النصر بأذن الله احضرها

أهم شي الجمهور يحضر للملعب ويملأ المدرجات

وبعد كذا نشجع طوال المباراة

مشكووووور

والله ياليت

بالتوفيق للهلال ان شاء الله

وبالنسبه للجمهور الاخولن اللي بالرابطه ماراح يقصرون

ليش المباراة يوم الاحد

نصير تونا طالعين من الدوام

ما يمدينا الحضور

مشكوورين على مروركم ..

واتمنى التفاعل يكون بشكل اكبر ..

مشكوررررررررررررررررررر
بالتوفيق للهلال ان شاء الله
وأتمنى التفاعل

مشكور اخوي جيوفاني الهلال

بس الشعلات الملونه ممنوعه على ما أظن ؟

لكن البعض يدخله بطريقه ثانيه

و بإذن الله أكون أحد اطراف الموج المتواجدين بالمباراة ضد جارنا النصر

الخبراوي شاكر لك تواجدك ..

طيب اذكر قبل العام جابوها جمهور الهلال في استاد الملك فهد ..

الله يوفقكم يا اهل الرياض

هلا اخوي جيوفاني الهلال.



موضوع جميل ومحمس للجمهور اما الشعلات صحيح إنها دخلت الموسم الماضي ولكن رجال الامن مسكوا اللي ولعها فى الملعب ومافي احد عنده استعداد انه يجيب لنفسه مشكلة من الجمهور.



نتمنى حظور ومؤازرة قوية للزعيم.




تحياتي

اهلا بحقوي

اعتقد ان وضعية ملعب الامير فيصل بن فهد تختلف عن وضعية الملك فهد ..

ملعب الملك فهد العساكر يكونوا تحت اسفل المدرجات بجانب الشبك من جهة الجماهير ..

بعكس الامير فيصل بن فهد العساكر بيكونوا خارج المدرج ..

ومن المستحيل ان ياتي شرطي بين المدرجات ويمسك المشجع او ماشابه ذلك ..

اوك لنختلف على الشعلات ..

مو مهم جلبها ..

ولكن المهم تنظيم الجماهير وتنظيم ( الرابطة ) ويكون الجميع باللون الازرق خصوصا مدرج الرابطة ..

وحظور الجمهور في المقام الاول هو الاهم ..

وشاكر لك تفاعلك يالعندليب ..

بأذن الله الجمهور راح يحضر وراح يشجع الفريق طول المباراة

نبي نكسر خشم المحترف العيناوي الي معتقدين فيه

لازم يكووون فيه اشيئا اكثر من كذااا واتمنى من الاداره الهلاليه وراعي الرسمي ينفذهاااااااا

قلبي يقول لي : ان جمهور النصر بيحضر اكثر من جمهور الهلال !!

لان في مباراة ( الكلاسيكو السعودي ) الهلال والاتحاد في الريااض

حتى الواجهـه ( لم تمتلـئ ) << :D :D ههههه .. والله من جـد كان في فراااغاات كثييره رغم ان المباراه في الرياض وعلى الملعب ( الصغير ) ملعب الملز .

فما بـالكم بمـباراه ( المتصـدر ) مـع صـاحب المـركز الثـامن مـدري التـاسع :D

امنيتي اشوف الملعب ملياان زي جمهور الشرقيه وجمهور حاائل ..

يعطيكم الف علفية واتمنى التوفيق للزعيم

:thumbup:

انشالله يستجيب الجمهور ونفوز باذن الله

ومبروووك تعادل تشلسي. بهذلهم كريستيانو رونالدو!!!!!!!!!!!!

يعطيك العافيه

اهلين هلالي في جدة ..

لا ان شاء الله الجمهور راح يحظر يبيض الوجه ..

اما بخصوص مباراة الاتحاد توقعت الحظور يكون اكبر بس خلاص المباراة راحت وفزنا ونفكر في المستقبل احسن ..

ومشكوور حبيبي على مرورك ..

ان شاءالله ان جمهور الرياض راح يحضر بكثافة ويساند زعيم آسياء الأول,,

يعطيك الف الف الف عافيه اخوي رايك سديد وجميل بس المباراه بالملعب الي يسد
نفسك ولاهو يرد الصوت مثل استاد الملك فهد بس الشكوى لله
متى يصحي الاتحاد السعودي

~¤ô¦¦§¦¦ô¤~قـالوا عـلامـك رافع الـراس ونـشوفـك متعالـي ! ! ! قلـت العفو كلنا بشر بـس أنا $$هـلالـي$$ ~¤ô¦¦§¦¦ô¤~

وش أحسن لك : تدخل الاختبار و منت دارس .. و لا ينفرد بك سامي و أنت الحارس ؟؟

مــره قـمـر ؛؛؛ ومــره بــدر ؛؛؛ ودائمـا" هــلالـ؛؛؛ ا

أهم شي يكون الحضور كبير
لأن جماهير الاتحاد{وانتم بكرامه} بتتحد مع الفقر (يبون يشوفون الهلال يخسر غصب لكن نجوم السماء أقرب لهم)
والنصراويين{أعيد واكرر وانتم بكرامه} يبون يسوون فيها أكثر جمهور


عشان كذا ياليت كل الزعماء يحضرون
نبغى نرج الملعب رج


وشكرا على الموضوع

مشكوووووووووووور
وما قصرت
على الفكرة الجميلة

مايرضون النص راويين المسؤولين عن الملاعب

جمهوووووووور الزعيم لاتبخلووووووون بحضوركم

يعطيك العافية

وترا يا جمهور الرياض ترانا مرررة مقصرين بحق الهلال

أتوقع أن علينا اثبات حضورنا الأحد القادم بإذن الله ليكون الفوز هلالياً كبيرا ان شاء الله

( لا ننسى ان نقول ان شاء الله )

يعطيك العافية

وترا يا جمهور الرياض ترانا مرررة مقصرين بحق الهلال

أتوقع أن علينا اثبات حضورنا الأحد القادم بإذن الله ليكون الفوز هلالياً كبيرا ان شاء الله

( لا ننسى ان نقول ان شاء الله )

يعطيك الف عافيه :rolleyes:

الله يعافيك ..
ومشكور على مرورك ..

اهلين اخووي ..

لا ان شاء الله الحظور بيكون مشرف ..

بس مافائدة الحظور بدون تفاعل .. ؟

الله يوفق الزعيم

ان شاء الله بنحضر لو انها اخرالليل ولجل الزعيم كل شي يهون

إنشاء الله راح تكون هناك مؤازره قويه بإذن الله

ان شاء الله يارب ..

وشكرا لك على مرورك وتفاعلك ..

الجميع يتمنى ان الجماهير تمتلي

لا تنسون ياشباب ان سامي بيحضر المباراة

مشكور اخوي على الموضوع

والله انا اتمني تمتلى المدرجات الهلاليه بالجماهير والله يالييييييت في مكان للبنات كان اول وحده :)

ما يحتاج تدعيهم

الجمهور الهلال معروف في المباريات الجماهيرية

واتمنى التنسيق بين الرابطة ومجلس الجمهور وان تكون متطلبات الرابطة موجودة .. ( من شعلات دخانية وبالونات صوتية .... وغيرها .. ) ..


من ناحية شعلات دخانيه ماولله يخلونك الجنود لو تحب نجوم الظهر :nono:

اما البالونات الصوتيه ابشر بينفخونها معاك :thumbup:

مشكور اخوي جيوفاني الهلال على الحماس الرائع

وان شاء الله يكون الفوز من نصيب الزعيم

بسحب على الجامعه عشان احضر وبالتوفيق...........