|
اللي عنده سمنه وراحت ممكن تدخل ولايهون الخبراء في هالمجال السلام عليكم صباح الخير شباب بصراحه انا اعاني من السمنه.. وداخل نادي تخسيس وكملت اليوم 13يوم.. وخسست 3 كيلو ونص.. وكان معنا واحد بنفس اليوم سجل وغاب من اول يوم.. جاء امس وزنه نقص 12 كيلو..! استغربنا كلنا مو معقوله .. يوم سألناه قال فيه حبوب طبيعيه ميه بالميه اكلها وبدون رياضه وبدون هم ..! وقلنا له عليها تأثيرات سلبيه..؟ قال راعي الصيدليه يحلف يقول طبيعيه وماعليها اي تأثير.. فمدري ياشباب اللي عنده خلفيه عن هالامور يذكرها لنا ولا عليه امر.. تحياتي الغـ كله ـلا |
طيب ورى ماتروح لدكتور وتسأله مو أحسن :) |
رحت صيدليتن كلن يمدح ادويته انا ابي احد مجرب وانا اخوك لاهنت اخووي على المرور والرد |
شوف الحين الصيدلي يبي يستفيد لازم يمدح اللي عنده عشان تأخذه رح لطبيب عام لاقرب مستوصف واسأله ماتاخذ معك دقايق ... |
شف وأنا أخوك تراها مضره بالصحة فلابد من إنك تخفف طبيبي وتسوي رجيم وترى لها ضرر كبير ولو مالها أي ضرر كان أي دكتور صرفها لأي واحد سمين . |
أخوي أنا أشوف ان منها ضرر بسيط على الصحة... لكن ضررها على المنظر العام أكبر,, أنا أعرف واحد مجرب الحبوب الصينية وبعد ما نقص وزنه رجع على حالته الطبيعية بعد ماتوقف عن تناول الحبوب ولكن الفرق هنا.. أن جسمه رجع مع ترهلات واضحة في الوجه والجسم..... نصيحتي لك... خذ الحبوب ولكن لا تضيع الرياضة... لأن جسمك سيصبح مشوها بدون رياضة صدقني.. لا بد من ممارسة الرياضة لشد العضلات والقضاء على الترهلات والدهون...,, تحياتي ............ |
مشكورين اخواني على المرور والرد اخوي المشاغب كذا ولاكذا انا اكيد بستمر على الرياضه وانا ماشي على الرياضه والرجيم وابيها مساعده لي لتخفيف قدر اكبر |
اذا تبي نصيحتي اقبض يدك عن الاكل وخاصة الكبسه وعليك بخل التفاح الفلسطيني ملعقه صغيره مع كاس ماء كامل على الريق لانها تحرق الدهون .. والاستمرار على مزاولة الرياضه اما الحبوب وغيرها من سواليف اهل النوادي اتركها عنك ولا تلتفت اليها :yes: |
مشكور اخوي سهل ماعليك الكبسه لي اسبوع ونص ماقربتها : ( لاهنت يالغالي على المرور والرد |
حبوب النحافة تضر مع الوقت لازم استشارة الطبيب مع التمرينات الرياضية |
انا اعرف الحبوب عمتي تستخدمها وصار وزنها من 80 الى 65 اسمها حبوب (الزنيكال) مضمونه 100% اذا نحفت ادع لي |
اخوي انا مسجل في نادي انقص في اليوم نصف كيلو في الشهر الواحد 15 كيلو باللراحه بلا حبوب و بلا هم |
بصراحه ودي أدخل واشارك بس أنا نحييييييييييييييييييييييييييف مرررررررررررررررررة بس صدقني لو أنا سمييييين كان دخلت وخدمتك بس عليك بالصوم أجر وتخسيس وش تبي بعد |
انا سمين ولكن انصح بالنظام الطبيعي واترك الحبوب لمضارها المستقبلية على الكبد والكلى وانصحك لطبيب التغذية عن هذه الحبوب النادي مهم مع النظام الغذائي بس انه طويل جدا |
لو تمارس الرياضه مع الرجيم أفضلك أما عن الحبوب فسأل أقرب طبيب عنها إقتباس:
بس ممكن أضررها ما تبان الا بعد فتره طويله |
| الوقت المعتمد في المنتدى بتوقيت جرينتش +3.
الوقت الان » 04:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd