الايطالي الأفضل .. يارجال ما فيه احسن من الاسباني .. وخر انت وياه الانجليزي وبس - نادي الهلال السعودي - شبكة الزعيم

RoSSoNaiRo · #1 25/11/2006, 12:50 PM

السلام عليكم

أبترك الدبلوماسيه المره ذي

اكيد عرفتوا وش السالفه

واكيد بعض منكم دخل يقول الحمد لله على نعمة العقل

وش يقول ذا

المسأله ومافيها أبي أتكلم عن الي الأعضاء الى كل شوي واحد جاي ويمدح دوريه .

.
واحد يقول الدوري الأسباني ولا غيره .. ياخي متعه وعلى كيف كيفك حركتات والله

..
ويجونك حقين الأيطالي مشوتييييييييين

..
أقول خل عنك بس الأيطالي الأفضل وبلا منازع ..
ياخوي الكلاسيكو الي مزعجينا فيه غطاء عليه الدربي الي بين ميلان وأنتر
دربي يقارن بكلاسيكو

لا والمشكله مباراة الكلاسيكو نار بس الفريق ان الدربي كان اقوى

والادهى والامر انه يقارن مباراه واحده فقط في دوري كامل ..
وغير ذلك يجيك واحد يقول يا رجال انا امس تابعت مباراه في الدوري الايطالي
طلعت فاااااااشله يا بيخ الدوري بيخااااه

وجهة ثانيه تقول..
يا رجال فاتتكم مباراه فياريال واتليتكو ياللي تتابعون
مباراه روما وميلان ..

ويجونك حقين الأنجليزي أقول
يا رجال لاتدور غير الانجليزي متعه صح
لعب مفتوح أربع وعشرين ساعه ما يصكر الا وقت الاذان

ياناااس ياعالم

المسأله ومافيها ان كل دوري وله محبين ..ابعطيكم مثال على انه انا
عندك الكالتشيو عندي درجه أولى ..
مستحيل أتابع مباراه في الدوري الاسبانيا او الانجليزي
وفيه مباره في الدوري الايطالي بنفس الوقت
وهذي عند كل الأعضاء مو شرط الايطالي
لكن انا الحمد لله اشوفالمباريات الحلوه مهما كان الدوري
الا اذا كان الفريق الذي يلعب ميلان اشوفها عشر مرات وبعدين اشوف المباراه الثانيه

كثر منها عشر مرات

الي أبيه منكم يالربع أنكم تعرفون ان كل دوري له محبين ولا يمكن تقنع واحد يتابع الاسباني
وهو فريقه في الايطالي او في الانجليزي والعكس كذالك..

كل دوري له عشاق ومزاياه المتعدده

سلام يالربع بس تكفون لا أحد يجي مدرعم مايدي وش السالفه ويكتب مشكور على الموضوع