|
وش الحل ؟ أبي أحسّن خطي . السلام عليكم ياشباب وش الحل؟ انا خطي بايخ مثل وجهي أبي أحسّن خطي هل فيه كتاب لتعليم الخط؟ عشان أشتريه واتعلم ساعدوني |
امممممممممممممممممم مدري وش اقولك .. لكن هناك في مشائخ خطاطين .. يدربون ع الخط ..<<سمع عنهم بمكة .. اما بالرياض مادري...وفي جده مااعرف... واظن ان هناك دورات مثل اللي عندنا بالجامعه .. <<بيلتحق بها ان شاء الله .. ناهيك عن الكتب اللي بالمكتبات الكبيره ... ونصيحه خاصه .. استخدم اولا ..قلم خط خاص.. 1ملم او 2 ملم اي مقاس اهم شيء يكون مشطوف الرأس... للمعلومية ..اعرف سوداني من راعي اغنام الى مدير مكتب وكله لان عمه شاف خطه راااااااااائع وفنان .. فسوا له اقامه .. وحطه بمكتب والان يمكن له اكثر من خمس سنين معه .. انتهى , , , |
احسن حل الدورات لان الكتب ما تستفيد منها مثل ما تكون في دورة .. لان في الدورة فيه احد يدربك على مسكة القلم الصحيحة .. وحركات اليد .. اما الكتاب لو حاولت يمكن يفيدك بس مهوب مثل الدورة .. الدورة الفائدة فيها اكثر من غيرها .. |
مالك الا تدخل دورة تحسين خط بعدين اذا كان ينقري خلاص مو انت لحالك اللي خطك بايخ اكثر الناس خطوطهم مو حلوة |
أخوي أنا كنت مثل حالتك لكن كثرة الكتابه تعلم .. صحيح خطي الحين حليو لكن لو أقارن بين الحين وأو تقدم بصراحه على العموم حاول تأخذ دوره فيه دورات كثير في الرياض ... تقدر تستفيد منها |
الخط مووهبه .. لكن اتوقع فيه دورات لتحسين الخط بالتوفيق أخووي .. |
جميل ان الواحد يحاول من تحسين اي شيء يصنعه .. فالخط من الممكن ان يكوون موهبه .. لكن من الممكن ان نتقن هذه الموهبة حتى لو لم نكن من اصحابها سابقاً .. مثال اضربه بسيط : اعرف وحده لاتعرف من المطبخ الا اسمه ..يعني الطبخ كان يمثل لها عبء والان من أروع من يطبخ وتفوقت على من كانوا موهوبات ..مع انها في السابق تقول كل شيء ممكن اتقنه الا الطبخ والنفخ!!! ان شاء الله بيتحسن خطك وبتنبسط وانت تكتب .. لانك حاولت واجتهدت .. ولكل مجتهد نصيب .. على فكرة دائماً اللي خطوطهم مافيها جمال مبدعين ومتفوقين .. |
إقتباس:
الخــط للفقير مال وللأمير كمال وللغني جمال |
هلا وغلا هذا المساء .. من ناحية تحسين الخط فابكلمك عن طريقتي اللي انا جربتها وبعدها ولله الحمد خطيs60s واذكرايام المتوسطه والثانوي ياتي الوكيل او المرشد ويدخل الفصل ويقول من افضل واحد يكتب عندكم ... عاد كل الشباب يغزون علي !! .. طبعا احراج همن انا كني مادري اسولف على اللي بجنبي ولا ادري الا الوكيل مناديني تعال :d المهم ماطول عليكم الطريقه هي انني من زمان ايام الابتدائي كان خطي موكويس وبدأت اخذ الدفتر"كشكول طبعا"ومن اوله الى آخره خرابيط وتفنن بالخط واصبحت لما اكون فاضي(وش عنده رجل الاعمال) امسك هالدفتر وابدا بالكتب !! الى ان اصبح خطي ولله الحمد جيد يعني باختصار لما تكون فاضي امسك هالدفتر وتفنن بالكتب وعد على بعض الحروف مره وتكرار... وباذن الله يتحسن والله يوفقك اخوي وعقبال مانراك فاتح محل خطاط :D |
من تجربه شخصيه كنت ارى خط الوالد ما شاء الله عليه واتحسر على خطي وفي يوم سألته عن جمال خطه فقال لي اي جريده اجيبها ابيك تعبيها حبر يعني امسك الجريده وابدأ بالعناوين الكبيره واكتب عليها واكتب اي عنوان او مقال اكرف الجريده كرف وصدقني الممارسه هي الدافع لتحسين الخط هذا اذا مالك نفس تأخذ دوره .. :) |
إذا كنت تبي خطك يكون ممتاز وتتقن أغلب الخطوط مثل النسخ والرقعة والديواني والكوفي ...الخ ...فعليك بالدورات ,,,اما اذا تبيه يمشي الحال فـ مثل ما قالوا الاخوان اكتب فوق الكتابة الي ع الجريدة ....:) |
طيب يمكن وجهك حلوو وبذالك يصير خطك حلوو :D :D :D |
في دورات كثيره اسال وسجل ترى دايم خط الاولاد شين زي خط اخوي الي في سادس كانه خطي في اولا ابتدائي ترى خطك بيتحسن لو دخلت دوره تعلم الخط |
الله يوفقك |
هلا اخوي :D مايحتاج دوره ولا شي قبل ماتكتب اي موضوع تلقى في الصندوق كلمه اسمها نوع الخط :D اختر الخط اللي يناسبك:D واللون :D >>امزح معك :D بس مثل ماقالوا الاخوان الدورات ان شاء الله تفيدك و اغلبها يعلنون عنها بالجرايد :) |
| الوقت المعتمد في المنتدى بتوقيت جرينتش +3.
الوقت الان » 04:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd