شباب الهلال يفترس شباب الليث......؟؟؟ - نادي الهلال السعودي - شبكة الزعيم

كره سهله · #1 23/11/2006, 04:45 PM

السلام عليكم ورحمة الله وبركاته

صراحة يا اخواني الزعماء اللي ماشاف مباراة الهلال مع الشباب لدرجة الشباب اعتقد انه فاته من المتعه الشي الكثير

مو لأن النتيجة كبيره لكن للأستمتاع بفنيات واداء شباب الهلال

صراحة مستوى يبشر بألف خير على مستقبل الكره الهلاليه

صدقوني لا ابالغ اذا قلت لكم ان بعضهم مستواه يأهله يلعب للمنتخب الأول

مو مجامله ولكن هذي الحقيقه

تذكروا هذه الاسماء جيدا جدا

عبدالعزيز الدوسري

سعد الدوسري

عبدالعزيز الكلثم

احمد الفريدي

وهذا الأخير وتذكروا كلامي جيدا سوف يكون النجم الأول بالكره السعوديه اذا ابتعد عن مايؤثر على مستواه

واللي يبي يتأكد يشوف الهدف اللي سجله اليوم هدف لا يسجله الا لاعبين كبار فقط

انطلق بالكره من منتصف الملعب وراوغ ثلاثة لاعبين دفعه واحده ومن ثم اتبعهم بالحارس وسجل الهدف

اتمنى من ادارة الموقع تنزيل اهداف المباراة وشاهدوها واحكموا بأنفسكم

الله يحفظ هالاعبين لاهلهم وللهلال

اتمنى من ادارة الهلال الحرص عليهم اكثر واكثر لأنهم مستقبل الهلال

للمعلوميه المباراة انتهت 5 - 1 للهلال طبعا

وشكرا لكم

سامــــيو 9 حبيبي · #2 23/11/2006, 04:47 PM

يعطيك العافيه

ومبروك

مجنون الطوفان الأزرق · #3 23/11/2006, 04:50 PM

يسعدني أكون ثاني من يرد على مشاركتك

وأولاً : ألف مبروك عالفوز والنتيجة الكبيرة التي تعكس مدى قوة وجبروت قاعدة الزعيم المتينه . . . . . .

ثانياً : ألف مبروك عالنجوم الواعده والصاعده بسرعة الصواريخ ( ماشاء الله عليهم .. عيني عليهم بارده )

ثالثاً : هالشيء ماهو مستغرب على نادي كان وما زال وسوف يظل منبع للنجوم والفن وأهله سائر الدهر . .

معزوفة الأنامل · #4 23/11/2006, 04:52 PM

الله يوفقهم
اهم شئ يستمرون على هذا المستوى ويبتعدون عن مقبرة النجوم ( الغرور)

SOWAH · #5 23/11/2006, 04:52 PM

قبل قليل وفي مباراة دوري شباب الممتاز افترس شباب الزعيم شباب الليث بخماسية جميلة مقابل هدف واحد..............
الف الف مبروك ومسيرة مظفرة للزعيم نحو اللقب

رياضي قديم · #6 23/11/2006, 04:52 PM

يعطيك عافية ومبروك لكل الزعماء
انا كنت متابع المباراة عبر شبكة الزعيم بس للأسف الاخوان هنا قطعو النقل ما ادري ليييييييييش ؟؟

ღهلابوليღ · #7 23/11/2006, 04:53 PM

الف مبروووووووووووووووووك لشباب الزعيــــم

مشعل السلمان · #8 23/11/2006, 04:53 PM

أحبتي أعضاء شبكة الزعيم

قبل قليل أنتهى لقاء شباب الهلال بشباب الشباب

طبعاً كالعاده الزعيم يغربل بالفرق واحد ورى الثاني

أنتهى اللقاء بفوووز شباب الهلال بنتيجة 5_1 والله كبيرة ياهلال

سجل أهداف الهلال الكلثم هدفين واحمد الفريدي هدفين (( حطو تحت الأسم هذا مليون خط ))

وراااقي فلاته هدف >> ولد أخت محمد نور 0

قسم بالله وانا اطالع المباراة قاعد أقول للي جنبي معقوله هذا فريق درجة شباب أجل إذا صار فريق أول وش يسوي !!

والله لعب وطقطقه يحبه قلبك >> كلمة قصيميه هع هع

بس من جد أبداع مابعده أبداع0

أحمد الفريدي >> أحفضو هذا الأسم زين

صانع ألعاب ماهر من طراز ريكلمي وسجل هدف على طريقة بصير سحب أربع لاعبين ومعهم الحارس والله هدف جنان

ليت لو أحد ينزل هذا الهدف أعتقد أنه الهدف الرابع

على العموم مبروووك علينا الفوز جميعاً وعقبال الدوري

وعقبال مايفوز اليوم نجومنا على القادسيه

محبكم مشعل القصيم