22/11/2006, 08:49 PM
|
| زعيــم مميــز | | تاريخ التسجيل: 06/04/2005
مشاركات: 3,352
| |
حتى رباط الجزمه جتها لعنه ][ السلام عليـكم ][ لاحظوا بديت بـ السلام أول الموضوع , وهذي الطريقه الصيـحه في أول الكلام صح ولا أنـا غلطان .. المهم أحمد شاب في الثانوي وخالد زميله في نفس المدرسه , وهم أصدقاء من زمان أصحـاب وكل يوم دراسي يشوفون بعض , ومع بعض السلام وفي يوم من الأيـام كالعادة تقابلوا عند باب المدرسه لكن جاي خالد وفيه نشاط شوي أحمد : هـ ـلا خالد , ينعن امك وش فيك نشيط اليوم :p خالد : ابـد , بس المنبه ينعن شكله رن قبل الوقت الي حددته له أحمد : شفت منعون الوالدين مدرس الكيمياء يقول بصعب عليكم الإختبارت خالد : من جد قاهرني ذا الأستاذ , لاعون يلعن لاعونه . وعلى هذا الحال جلسوا يسولفون وكل واحد يلعن في شي , حتى رباط الجزمه جتها لعنه * * * سعيد و ناصر أصدقاء وما خلوا مباراة ما حضروها , وكل واحد يـشـجـع الـفريـق الـي يـكـرهـه الـثـانـي و كل المباريـات لازم يكونون في الملعب , والمنصه أحياناً مره من المرات وفي أحدى المباريـات في الدوري المحلي القوي الشريف ;) راح سعيد الملعب , وينتظر خويه عشان يتفرجون ع المطش وانتظر سعيد , والظاهر ناصر تأخر فـ قرر سعيد الإتصال به ... سعيد : يـا خي وينك ينعن شكلك المباراة بتبدأ وانت ما جيت >> يتكلم وهو ناصر : واللـه واحد حدني بالسيارة ونزلت العن شكله , بس شفت وحده قمر فـ حبيبت أسوي نفسي مسامح قدامها , وقعدت اتميلح وأقول ما حصل شي . وصل ناصر الملعب , وتحمسوا للمباراة وتشجيع وحماس وفجأة يستلم لاعب سعيد المفضل الكورة , وينطلق وينفرد بالمرمى و يضيع أخطر هجمه في المباراة , والتي كانت بتخلي فريق سعيد يفوز !! يعصب سعيد ويوقول الله ينعنك أحد يضيع مثل هـ الهجمه لو أجيب جدتي يا منعون الوالدين كان جابتها . * * * للـ أسف هذا حال أغلب شبابنـا , كل شي يلعنه حتى أصغر الأشياء والمشكله يستخدم اللعن في مدح شي و ذم شي غيره , وهو كله لعن !! * * * وفي الأخير :- إن اللعن يعني الطرد والإبعاد من الخير أو من رحمة الله تعالى. وفي حديث للرسول صلى الله عليه وسلم "لعن المؤمن كقتله". متفقٌ عليه _ _ _ _ _ إن لعنت شيئًا لا يستحق اللعن رجعت عليك اللعنة حتى لو كان الملعون ريحًا مسخرة ، فعن عبد الله بن عباس رضي الله عنهما أن رجلاً نازعته الريحُ رداءه على عهد النبي صلى الله عليه وسلم فلعنها، فقال النبي صلى الله عليه وسلم: "لا تلعنها فإنها مأمورة، وإنه من لعن شيئًا ليس له بأهل رجعت اللعنة عليه". _ _ _ _ _ وعن ابن مسعود رضي الله عنه قال: قال رسول الله صلى الله عليه وسلم : "ليس المؤمن بالطعّان ولا اللـّعان ولا الفاحش ولا البذيء" رواه الترمذي وقال: حديث حسن صحيح . * * * كـل الشكر لـ من ساعدني في هذا الموضوع وأخص فيهم العضو VANDY ونقوله مـا قصرت
اخر تعديل كان بواسطة » عـز الهلال في يوم » 22/11/2006 عند الساعة » 09:08 PM |