بسم الله الرحمن الرحيم
هذه قصة حدثت لأحد زملائي وهي قصة زواجه
طبعا محمد معروف عند الشباب بالضحك والمزح فطلعه للبر بدون ابو حميد ولاشي جلسه في الاستراحه بدونه ولاشي كل شي بدونه ولاشي
الولد طيب وخلوق وحبوب وكل من عرفه حب الانسان هذا
كان محمد يشتغل عند أحد رجال الأعمال السعودين المشهورين المهم اعجب بمحمد وقال له وش رأيك تتزوج ...؟
محمد قال والله أنا مخطط من زمان وقريبا ان شاالله قال التاجر وش رايك أزوجك بنتي ...؟
تورط محمد وقال : يابن الحلال الكلمة اللي تستحي منها ابدا فيها قال له ياابو فلان بنتك وانت ونعم والف نعم لكن انا راتبي عندك أنت 3500 ريال وانت عارف الوضع المادي بالنسبة لي مايناسب بنتك لانها أكيد تبي الكشخه وتبي اثاث وماركات عالميه وأنا من قبل يوم ترسلني أجيب ساعتها كانت الساعه احد عشر الف ريال يعني مثل راااتبي ثلاث مرااات ........ وتبي وتبي ... الخ
وأنا انسان حدي الحراج وجائ
قال له التاجر أنا أبي رجال ماابي بنتي تتزوج أي واحد لانه عنده فلوس .. وأنا شاري رجال
جاء محمد وكلم أهله عن الموضوع قالوا توكل على الله وقل لهم المهر خمسين الف وتسكن في شقه معك يعني محمد يفرض شروط .
توكلوا على الله وتملك محمد على بنت التاجر هذا أول ماكلمها بالتلفون محمد تفاجأ البنت تقوله ترى أبي أثاث من تركيا وترى أبي الموكيت من ايران وترى ابي وابي وابي ... قال محمد اي والله الورطه ماتدري هاذي ان غرفة النوم اللي مزبطها بكستاني في منفوحة الهم قال لها ابشري ياعيوني تامرين امر وانشاالله شهر العسل كله في روما أو باريس ولاتهون ماليزيا يمدحون الموز فيها
كلم محمد التاجر وقال له صار كذا وكذا قال التاجر أنا شاري رجال وانت تملكت وانت تعرف تتصرف لكن أنا اقول البنت زوجتك وأنت ربها وعلمها ودرسها وانا معك ضدها " البنت ذابحه ابوها ويبي يفتك منها "
المهم تزوجها محمد وبعد ماركب السيارة اتجه للشقه قالت له يوم وصلها قالت له المدام وش عندك هنا قال نبي الشقه " نبي ننزل بعض الاغراض وإنتي تغيرين لبسك عشان نبي نروح فندق الفهد كروان ومن الفندق للمطار ومن المطار لماليزيا لمدة اسبوعين بعدها باريس ثلاث أسابيع المهم مشى عليها الكلام هذا ونزلت معه ودخلوا الشقه والا وش تشوف امحق أثاث نصه من حراج ابن قاسم ونص الثاني من الاثاث المستعمل الله يخليه لنا اسكتت البنت وماتكلمت المهم غيرت لبسها وقالت انا جاهزه قال لها مع الاسف يقولون ان الفندق صار فيه مشكلة أمنية ومانقدر نروح فجهزي أغراضك علشان بكره الصبح نروح أهلك ومن عند اهلك نروح للمطار زعلت شوي وقالت طيب بدون نفس صار الصباح ركب مع الاغراض في سيارته وراح بيت اهلها ودعوها ومسك الخط قالت يامحمد مو من هنا المطار قال لا فيه مطار ثاني جديد افتحوه شكلك قرويه من زمان ماسافرتي بطياره صدقت البنت قالت يمكن والله ويمسك فيها خط الدمام عرفت البنت انهبلت وعرفت انه يلعب عليها وبحركه قامت تهاوشه وتنفخ عليه يانصاب ياكذاب انا قرويه يالبدوي ياللي فيك وفيك وهي معصبه ومنفعله التفت عليها محمد وقال له والله إنك تجننين وتهبلين يوم إنك عصبتي لو إني عارف كان من زمان خليتك تعصبين شوفي وجهك في المراية وربي يسحر وياخذ العقل عصبت عليه زياده قالت ايه اللعب علي قال لا انا ماللعب عليك صحيح والله على بالي هيفاء وهبي راكبة معي عصبي بعد على ياويلي عليك تهبلين وهي كل ماطال اللسانها قال ايه بعد عصبي قفلت معها واسكتت المهم وصل الدمام ابو حميد وقال لها وشرايك ناخذ فندق أو شاليه فندق عند محمد يعني شقه وشاليه يعني خيمه على البحر قالت له أول يوم نبي فندق وبكره نروح الشاليه قال لها من عيوني انا كم عندي وحده اذا عصبت يزود جمالها واذا رضت سحرتني بعيونها والله ويروح فيها لشقه ايجارها 90 ريال في اليوم قالت وش هذا قال لها الفندق قالت اقول رجعني لاهلي والله ماابي اعيش معك انت حيوان انت فيك وانت فيك قال لها يالله عصبت تبي تذبحني بعصبيتها ماني قايل لك انك اذا عصبتي تزيدين جمال ودلال ....... الخ
وجلس معها على الحال مدة شهر طلع ريحتها من جد بعد الدمام راح فيه لروضة التنهات وخيم فيها هناك بعد ماوصنا نزبط له العزبه ومن بر لبر ومن ديرة لديرة " امحق شهر عسل " المهم كان ميزة محمد يعرف يمتص غضبها بالتغزل وكان خفة دمه لها دور كبير في تحمل البنت له بعد مارجع محمد للرياض نزل البنت عند بيت اهلها وجاء الاستراحه هاه اخبار المدام قال لا ابشركم كل شي كويس واللحين بثبت لكم " احنا قبل نصحناه مايتزوج وهي تبي ماركات وحركات نص كم " المهم اتصل عليها من عندنا وقال له وش تبين اجيب لك عشاء قالت له أبي خبز وفول يابعد تسبدي واذا تقدر على كراث اوكي او ماله داعي تكلف على نفسك.....
سبحان من غير البنت فعلا تغيرت مع محمد وقال لنا الخلطة السريه محمد اللي تنفع مع الزوجات وهي
1- خلها تتكلم على راحتها ولاتسوي اللي تبي .
2- اذا شفت بنات وهي معك قل الحمدلله اللي رزقني الزوجه والا البقر اللي قدامي وعععع من يبغاهم
3- اذا سوت حركه وأخذت رأيك فيها قل أنتي احسن وحده والشي اللي سويته ماحد يقدر يسويه غيرك من الحريم
4- عطها من كلام الدلال والغزل خلها تصدق نفسها انها ملكة جمال العالم ولاتفكر تحطمها
5- اذا غيرت لبسها قل لها ترى إنتي هبلتي فيني كل واحد أحسن من الثاني . وامدح اهتماماتها الشخصيه
6- بعد ماتتعلق فيها وتعرف إنها حبتك افرض شخصيتك عليها واحسسها انه انت رجل البيت فكثير من النساء لايحبذن الرجل اللذي لايملك شخصيه
7- حاول انك في المواقف المختلفه مره تكون أب ومره زوج ومره أخ ومره صديق ومره طفل لها .
8- المرأه أذكى من الرجل بثلاث مرات ولكنها أغبى منه بالف مره حينما تفكر بعاطفتها