&:. الدحمي وأبو شمس وحفل زواج ( توم كروز ) .:& - نادي الهلال السعودي - شبكة الزعيم

أبوشمس · #1 01/12/2006, 04:16 AM

السلام عليكم ورحمة الله

مساكم الله بالخير .. وش أخباركم إن شاء الله (منيحين) .. ووشلون إختباراتكم << والله من الغثا الله يعيننا وياكم بس ..

عموما أحبتي الأفاضل إن مما يجبر الإنسان أن يرتقي بتطلعاته إلى الأنظمة المعلوماتية << أقول لا يكثر بس

المهم يا جماعة أنا صارت لي سالفة ..

في فجأة من الأيام وأنا جالس بالبيت أصورة مع الجدران << كالعادة عاطل باطل

جتني فكرة (جهنمية)

قلت يا ولد ورا ما أروح أشوف البريد وش من رسايل << والله من زين الفكرة كل يوم يشوف البريد هو وخشته

المهم وأنقز على الهوتميل .. هاه ياصندوقي الحبيب وش عندك من رسايل ؟

قال : والله يابو شمس وصلتك بطاقة دعوة لحضور زواج بإيطاليا

وشوووو إيطاليا !! تستهبل أبو هتمل << دلع البريد حقي

لا ما أستهبل شف البطاقة وتعرف ..

اخس يابو شمس يالخطير بطاقة دعوة لحضور حفل زواج (توم كروز) !؟!؟

وقتها ولعت لمبه في مخيلتي << برضو لا يكثر

قلت يا ولد والله فكرة نروح نوسع الصدر ونستانس بدل القعدة بهالبيت ..

طيب يابو شمس يلزم تشوف لك خوي أزين من تروح لحالك تدربي هالدميجه !!

من غيره خويي (الدحمي) .. مثقف ويعرف انجليزي خله يترجم لنا ..

وعلى طول شغل الجاكوار وعلى بيت الدحمي << أشوى إنها ددسن غمارة

وصلنا بيت الدحمي نزلت من الموتر (( عفوا الجرس خربان)) << ما تغير شيء هذا جرس بيت الدحمي من عشر سنين

يعني ما لك الا حصاة وترميها على دريشة الدحمي اللي تطل على الكورنيش << امحق أشوى أنه شارع عشرين

طق الحصاة .. ويفتح الدريشة دحمي : أبو شمس هلا والله وين الناس ..
أبو شمس : أقول لا يكثر انزل بنروح مشوار ..
الدحمي : طيب هذاي جيتك ..

يطلع الدحمي هاه أبو شمس وش عندك ؟
أبو شمس : الدحمي تعرف واحد اسمه توم كروز ؟؟
الدحمي : إيه اللي يلعب مع النصر !!!! << ثقافته ما تتعدى بشير شنان

أبو شمس : والله ما تدري وين الله حاطك المهم أنا بروح لإيطاليا معزوم على حفل زواج (توم) تسان ودك تخاوين ..
الدحمي : قداااام يالسنايدي والله إني ودي أشوف هالتوم ذا ..

المهم ونركب الغمارة وعلى طريق البطحاء العام !؟

الدحمي : خل بدق على أهلي أعلمهم ..
أبو شمس : وش تبي تقولهم ؟؟
الدحمي : بقولهم بروح آخذ عمرة << التصريفة المعتادة للسفر برا

طلع الجوال بيدق .. أبو شمس : هيييه وقف دقيقة الحين نبي نروح إيطاليا بجوالك الكسره هذا !؟!
الدحمي : وش رايك وش أسوي ؟؟
أبو شمس : وش رايك يعني بنروح محل اتصالات نشري لك جوال زي الناس .. إلا وش اسم جوالك هذا ؟؟
الدحمي : العنيد المطور << امحق .. عنيد ومطور بعد

أبو شمس : لا خابر لك جوال جديد يقولون توه نازل نبي نشريه يسمونه (الكتيل)

أقرب محل اتصالات على شارع البطحاء العام ..

سلام عليكم صديق .. وش نزل عندك آخر شيء ؟
العامل : والله فيه عشان برد هذا فروة سوري مية مية وفيه يجي جديد فنايل علاق دفه

الصورة تتكلم !!

طلعنا من المحل بلا جوال بلا خرابيط وعلى طول على مطار البطحاء العام ونقلع لـ(روما) ..

نزلنا من المطار وعلى طول التكسي عند الباب ..

راعي التكسي : وين تبون أوديكم .؟
الدحمي : لو سمحت نبي قصر ألف ليلة وليلة

أبو شمس : اسكت لا تفضحنا هذا مب هنا هذا بديرتنا .. بالله يالأخو ودنا للفندق اللي بالكروكي هذا ..

دخلنا الفندق وهذا توم كروز حاط يده بيد زوجته وجالسين

ويجيك أبو شمس طاير ويغطي عيون توم بايدينه ..

أبو شمس : هاه يا توم من تتوقع أنا ..
توم : امممممممم ديفيد بيكهام !!
أبو شمس : لا

توم : نيكول كيدمان !!
أبو شمس : لا
توم : اممممم برتني سبيرز << أروح كنافه

أبو شمس : لا

وأنا أنقز بوجهه هاااااااااااااااي

توم : أبو شمس الله يرجك هذا أنت !!

أبو شمس : إيه هذا أنا المهم هاو آر يو << أقوى شيء

توم : (كلينكس) ثانكيو << ينكت هو ووجهه

أبو شمس : وش رايك بي عاد يومني شرفت الحفل << مصدق عمره

توم : والله يو آر كريزي ؟؟

الدحمي تعال بالله وش يقول هالفرنجي ..
الدحمي : يقول والله ماقصرت تعبت روحك .. << امحق مترجم

أبو شمس : الله يسلمك طيب بهالمناسبة وش رايك ناخذ صورة ؟؟
توم : ما في مشكل << صار هندي

قبل لا نكمل السالفة ناخذ فاصل !؟!

فاصل إعلاني
--------------------------------------------------------------------------------------
يا جماعة وش رايكم بهالوجه المزيون
7
7
7
7
7
7
7
7
7
7
7
7
>>>>>>>>>>>>>>>>>>>>>>>>>>>>

<<<<<<<<<<<<<<<<<<<<<<<<<<<<
8
8
8
8
8
8
8
8
8
8
8
8
والله ياهو رهيب أحس إنه عربجي وزاااااااااااااحف
--------------------------------------------------------------------------------------
عدنا

بعد ما أخذنا صورة جلست جنب الرجال وسواليف حول نص ساعة ولا يحتاج أجيب لكم السواليف أدبل تسبودكم يبي لها موضوع ثاني

المهم وأنا أسولف وهو يلمح يبين أقوم يبي زوجته تقعد معه ما فيه فايدة <<< بجيح بقوه

توم : أقول يالأخو ما تلاحظ إنك طولتها ؟؟؟
أبو شمس : أفا وش دعوى ..

توم : الدعوى عامة ياخي غثيتن !! تراي مسوي حفل عشان (المعزبة) مب عشانك أنت وخشتك

أبو شمس : اخس والله هذي آخرته .. شف يالدحمي وش يقول ذا !! لكن الشرهه مب عليك الشرهه على اللي يحضر عرسك مره ثانية << يحسبه كل يوم يعرس

الدحمي : قايلك يابو شمس لا تمشي مع هالعلوج الأمريكان بس ما طعت شوري << متأثر بالصحّاف

أبو شمس : يالله مشينا والله إنك صاز غلطان يومني مشيت مع هالمرتزق قليل الخاتمة << بعد هو متأثر

ونطلع ونشغل الغمارة وعلى الرياض ...

وفي طريق العودة << متعوب عليها

أبو شمس : وش رايك أبو دحم وش أزين البطحاء ولا إيطاليا << والله من زين المقارنة

الدحمي : والله شف الشوراع أحس إن شوارع إيطاليا أزين لكن المحلات أتحداهم يا شيخ يجيبون محل يبيع ملابس واللوحة اتصالات !! << كلام سليم

الدحمي : أبو شمس ياخي أنت غريب الأطوار !!
أبو شمس : أفا وش دعوى قالوا لك أنا جراده !!

الدحمي : لا بس قصدي إني دايم أشوفك مستانس وموسع الصدر وحتى وأنت توك متهاوش أنت وخويك اللي تو !؟

أبو شمس : إييييييييييه يالدحمي لو تدري ؟؟
الدحمي : وشلون ؟؟

أبو شمس :

أضحك وأسولف مع هذا وهـذاك .:. والناس ترقب ضحكتي وتحسدني
قالوا سعيد وعايش أحلام دنياك .:. وأنا سجـيـن وهمي اللي حبـسـني

الدحمي : صح لسانك يابو شمس
لكن :

حلـي دنـيـاك وتـعـيـش بـحـلا
وخـل غـيـرك فـيـهـا يـضـيـق

وإن شفـتـه يـزود فـيـه الـبـلا
تعال شق لك وسطـه طـريـق

مـن طـاع ربـه وكــتـابـه تـلا
يلقى السعـادة يـغـلـى رفـيـق

ويومه يشـوف الـهـم انـجـلا
وغيره يولع بصـدره حـريـق

هـذي وصـاتـي لـكـل الــمــلا
وأصل الصداقة حب الصديق

أبو شمس : صح لسانك يالدحمي والله لا يحرمنا منك

وضحك الجميع وكانت ليلة سعيدة << هذي خابر هذي بكتاب القراءة يقولونه إذا خلصت القصة

هـــنا وصلنا نهاية القصة اللي (ما فيها فايدة) << كعادة (سباحينه) رحمه الله

وأشوفكم إن شاء الله في مواضيع جاية والجاي أحلى من اللي رايح << صارت مسابقة ملكات جمال

وهاي بوسه لأحلى شباب وصبايا

---------------------------------------------

حقوق الطبع والنشر لهذا الموضوع محفوظة وكذلك الأبيات الموجودة بالداخل .. والويل لمن تسول له نفسه سرقة شيء من ذلك

الذئـــ الأزرق ــــب · #2 01/12/2006, 06:06 AM

هههههههههههههههههههههههههههههههههههههههههههه الى باتسر ههههههههههههههه

اجل توم كروز اول ماغطيت عيونه قال ديفيد بيكهام .. هههههههههههههههههههههههههه

الله يرجك ,, بصراحة فاصلن شينن يحوم التسبد مثل وجهك ..

.. احسن مابه العودة ( عدنا ) ..

توقيعك شيي خاصة المشاركات ههههههههههه 555 ناظر توقيعي يمديك عليــه ؟ ;) اجل 555 الناس يطمحون للبعيد وانت 555

إقتباس


	حقوق الطبع والنشر لهذا الموضوع محفوظة وكذلك الأبيات الموجودة بالداخل .. والويل لمن تسول له نفسه سرقة شيء من ذلك

تسول هههههههههههههههههههههههه عضو ظريف طاح بالمجلس العام .. خخخخخخخخخخخخخخخخخخخخ

الكلاسيكي · #3 01/12/2006, 06:08 AM

هلا وغلا فيك ... ابو شمس ..

أسفرت وأنورت بشمسك .. وكيف حال الدحمي بعد السفره ..

..

أنا من شفت توم كروز راز اسمه معكم وانا اقول ان السالفه فيها تحشيش

..

على الطاري .. ما قلت لي وش آخر شي شربته قبل كتابتة السالفه

<يقصد لبن ولا حليب ولا بارد ولا بيره <صرف

عموماً مثل ماقلت العلوج مافيهم فايده وقليلن خاتمه ..

بس حلو محل الاتصالات ويبيع فروه << انلحس مخه

عجز يهضمها ما انهضمت شرب عليها بيره ومانهضمت

...

عموماً الحمد لله على السلامه .. ولا تسافر ثانيه .. يمدحون البطحاء ..

واتمنى انك ماتفتح صندوق الرسايل ثانيه .. المره الجايه لجنوب افريقيا

دمت بخير ..

مالكه السعوديه · #4 01/12/2006, 01:37 PM

توم كروز مستحيل كان سلمتلي عليه

سهل · #5 01/12/2006, 03:56 PM

يقولون ان توم سفهكم بعد ما استنكر الدحمي ان عنده بنت اسمها سوري

ويقول الدحمي لو سموها سوريه كان معليش

وانكم وضعتوا لافته تشجبون وتستنكرون ما حدث
والشرطه يحسبونكم من المعجبين

G o L d E s T · #6 01/12/2006, 03:59 PM

ههههههههههههههههههههههههه

اجل محل اتصالات يبيع فروة

والله كنت ناوي اعزمك بعرسي <<< الله يجيبه

بس يوم شفتك نشبه هونت

M e T o O o · #7 01/12/2006, 04:07 PM

ههههههههههههههههههههههههه

والله انك منتهي يبو شمس

..

طيب مدآم انك رآيح ورا ما علمتني ؟؟ بدآل الدحمي خوييك .. أقل شئ أنا رزهـ وشآب كووول :p .. ولا بدآل ما تقوول أنا ابو شمس .. قله أنا ميتوو يا شيخ يحطك فووق رآسه

> > مآخذ مقلب بنفسه :p
تصدق عآد تووم كروز مرسلي دعووهـ .. بسس اني رفضتها ..
كنت معزووم ع زوآج برآد بيت و انجيلا جولي .. :p ..
وتعرف انا صديق برآد الشخصي < < ايه احترني

.. ومللزم اني أحضر زوآجه

هلااالي الماااسي · #8 01/12/2006, 06:32 PM

هههههههههههههههههههههههههههههه

هلا بكـ أبو شمس

أجــلـ أخربتوها معاهـ في الآخــر هاهـ عوايدكم يالسعوديين خخخخخخخخخ .. بس يطلعـــون يشرهونا ويردون والله أنتم مثل ربعنـــا اللي طلعــــوا ألمانيا خخخخخخخخ .. نفس الشي بس اللي يختلف أنهم ردوا في طيارهـ وكشخه وحركات وأنتم بالددسن حق أبو شمس خخخخخخخخخ

لا تحــــرمنا من طرافتـــــك .. يا ع س ل منقـــــــــط هع هع لا تصــــــــــدق

سامي موجود · #9 05/12/2006, 05:51 AM

والله انك فنااااااااااان

رهـيـف · #10 05/12/2006, 06:03 AM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههه

روووووعة روووووعة روووووعة

يا أبو شمس

سندريلا الهلال · #11 05/12/2006, 07:04 AM

ماشاء الله عليكم راعييين واجب..

واصلين حتى في اوروبا ..

ماشاء الله عليك حفلة قمة اما رجعتكم شيء ثاني الله يحفظكم

ننتظر حفلاتك القادمة

أبوشمس · #12 06/12/2006, 11:31 PM

الذيب الأزرق ..

هلا بالزكرنت كلهم << احلق عيني إلى فهمت

وبعدين هذا التوقيع صدق بس كان يوزر قديم لي وسرق مني << قهرررر
ومشكور على هيك مرور << سجع خطير

الكلاسيكي

هلا بك والدحمي يسلم عليك .. بعدين وش دعوى ما شربت شيء اللهم موية اديتر خضراء وأنت جاي

ومشكور على هيك مرور

مالكة السعودية

هلا والله صح تصدقين نسيت قالي سلم لي على مالكة السعودية وقلها يقولك توم لك وحشه << والله ما درى عنها

ومشكوره على هيك مرور

سهل

هلا بك عاد تصدق شكلك جاي معنا وش دراك الدحمي بغى يجلد توم كروز أنت ما شفت شكله وشلون يوحش

ومشكور على هيك مرور

مجنون الزعيم

هلا بك .. عاد تراي منب نشبة بالحيل يعني بس حقنه شوي << أردى

ومشكور على هيك مرور

ميتووو

هلا بك .. وين يا شيخ تنكت الدحمي ماله مثيل << خصوصا بالترجمة

ومشكور على هيك مرور

هلالي الماسي

ما شفت شيء يالحبيب هذا وحنا مستحين

ومشكور على هيك مرور يا ع س ل منقط

سامي موجود

هلا بك .. والله ياخي ما جربت صوتي بالفن ولا يمكن أنجح << فاهم فنان غلط

ومشكور على هيك مرور

رهيفوووه

منك الروعه بس حرام عليك وش ذا الضحكه طلع ضرسك الذهبي اللي بآخر اثمك

ومشكور على هيك مرور

سندريلا الهلال

هلا بك وما يحتاج أي حفلة بأي مكان بالعالم بس يجي معي الدحمني قدام ما عندنا مشكلة والجاي أخبل من اللي رايح
ومشكوره على هيك مرور ..

مالكه السعوديه · #13 08/12/2006, 12:29 PM

خخخخ عليك وعليه السلام
بس توم كروز كافر مايقول ذا الكلام اهههه ياليته يعرفني

حبيبي توتي · #14 08/12/2006, 01:13 PM

ههههههههههههههههههههه
الله يرجك

اجل رايح لزواج توم بالددسن الله يرجك

إقتباس


	مساكم الله بالخير .. وش أخباركم إن شاء الله (منيحين) .. ووشلون إختباراتكم

هههههههههه تسلم عليك ولا تسير هالاختبارات الا يوم الخميس

تصدق ماعرفت الا ممنوع اصطحاب الاطفال >>>شكل فيه عرق سعوديين

إقتباس


	من غيره خويي (الدحمي) .. مثقف ويعرف انجليزي خله يترجم لنا ..

خخخخخخخخخخخخخ اجل يعرف انقليزي

حظه ياشيخ اجل انت ثقافتك هولنديه

إقتباس


	طق الحصاة .. ويفتح الدريشة دحمي : أبو شمس هلا والله وين الناس ..

:p احس بيتهم جنبه براحه ولا كان قضى الحصى

إقتباس


	أبو شمس : لا خابر لك جوال جديد يقولون توه نازل نبي نشريه يسمونه (الكتيل)

هههههههههه ماشاء الله مواكب التقنيه :p

إقتباس

خخخخخخخخخخخخخخخخخخخخخخ وشذا المحل ياشيخ ولاااا حاط شعار شركة الاتصالات بعد

إقتباس


	توم : نيكول كيدمان !! أبو شمس : لا توم : اممممم برتني سبيرز << أروح كنافه أبو شمس : لا

خخخخخخخخخخخخ اجل ماعرف الصوت :p الناعم

إقتباس


	وضحك الجميع وكانت ليلة سعيدة << هذي خابر هذي بكتاب القراءة يقولونه إذا خلصت القصة

ماشاء الله تذكرها الى الحين >>

للي وده يرجع لها تراها في صفحة 34

إقتباس


	وأشوفكم إن شاء الله في مواضيع جاية والجاي أحلى من اللي رايح << صارت مسابقة ملكات جمال

بانتظارك يابطل

يعطيك العافيه

>>>>هذا خويك

والله انه بطل

سلآآآآآآآآآم

البالون · #15 08/12/2006, 02:51 PM

لي عـودة باذن اللـه