اقتراح اتوقع لو يتم تنفيذه بمباراه برشلونه بيكون شكل الملعب مره خطيرررررررر - نادي الهلال السعودي - شبكة الزعيم

nawaf.ksa · #1 21/11/2006, 08:38 PM

السلام عليكم ورحمه الله وبركاته

اخبار الشعب الهلالي ان شاء الله مبسوطين ؟

عندي اقتراح مره حلو وبسيط بالنسبه لمباراه الهلال والبرشا

انا اشوف انه اذا كان سعر التذكره بـ 30 ريال او بـ35 انهم يخلونها بـ 40 ريال

وواحد بيجي بيسالني بيقول ليش الزياده هذي؟

انا اقولك ياصديقي الزياده هذي عشان نكسو المدرجات باللون الابيض والازرق

ببيجي واحد وبيقول شلون نكسيها يعني وليش الزياده ؟

اوكي انا اقولك ياعزيزي نكسي المدرجات عن طريق الايس كاب
يعني يتم وضع على كل مقعد ايس كاب

بحيث يكون كل مدرج لون يعني المدرج الاول ازرق والثاني ابيض وهكذا << متعوب على وهكذا ترى

وسبب الزياده سعر الايس كاب

بيجي واحد ويقولي وش الايس كاب هذا؟

انا اعلمك الايس كاب هذا ياطويل العمر ناس يسمونه طاقيه برد وناس يسمونها برنيطه وقبوع

بيجي واحد ويقول واللي يبي يلبس شماغ؟

اللي يبلس شماغ الله لا يهينه يذب شماغه بسيارته قبل لا يدخل وامنى من الادراه اذا اخذت باقتراحي انها تمنع لبس الشماغ

بيجي واحد ويقول واللي مايقدر يفسخ الشماغ؟

اقولك ياحبيبي هذي مباراه العمر يعني لازم يكون فيها شي مميز وماراح يضرك شي ان فسخت الشماغ وبعدين هالمباراه ماراح تتكرر الى بعد خمسين سنه يعني الله لا يهينك افسخ شماغك

وبهذي الطريقه نقدر نحافظ على شكل المدرجات طول وقت المباراه بحيث يكون مدرج ابيض والثاني ازرق وزي كذا

يعني بنبهر برشلونه بالهركه لانهم هم يسونها بس ببدايه المباراه ونهايه المباراه اما حنا بتكون هالحركه طول فتره المباراه واتوقع مع البرد مافي امل احد يفسخ الايس كاب وكذا بنضمن 100 % يكون شكل المدرجات ثابت يعني راح يكون بالازرق والابيض طوال وقت المباراه

بيجيني واحد ويقول التي شيرتات احسن؟

انا اقولك الفنايل ياعزيزي ماتنفع للجماهير لان فيه الدب وفيها النحيف وكذا يعني ماراح يكون كل الجماهير لابستها بس الايس كاب اضمنلك مليون بالميه انه بيدخل على راس الجميع

وش رايكم باقتراحي

تحياتي

فيراري · #2 21/11/2006, 08:53 PM

والله رووووعة

ان شاء الله يسوونها

الف شكر لك أخوي

9التـــحــليــه9 · #3 21/11/2006, 08:57 PM

اهلا أخوي

بصراحه اقتراااح اكثر من ممتاز
واتمنى من الاداره تطبيق هذا القرار لانه راح يحلي المباراة

وبالتوفيق للزعيم

الزعيم للأبد · #4 21/11/2006, 09:07 PM

اقتراح حلو
لكن احسه شوي صعب

عزالهــلال · #5 21/11/2006, 09:13 PM

الفكرة حلوة
التنفيذ
صعب

abusaud · #6 21/11/2006, 09:24 PM

بصراااااااااحه الفكره حلوووه مره

بس ياليت يكوووون فيه تنفييييييذ

ابوصالح222 · #7 21/11/2006, 09:30 PM

روعة
وا قتراح اكثر من رائع

ابوندى الهلالي · #8 21/11/2006, 09:32 PM

فكرة رائعة
سهلة التنفيذ وليست صعبة
مايبغا لها شي البس كاب وخلاص

Hala Madrid · #9 21/11/2006, 09:35 PM

اقتراااااح جميل
نتمنى تنفيذه

" MOHAMMED " · #10 21/11/2006, 09:35 PM

يعطيك العــافيـه ..

وهذه الطـريقـه موجوده بالتوقيـع ..!

حفظـاً للحقـوق ..

7
7

هلال الدلم · #11 21/11/2006, 09:38 PM

اتمنى ذلك لكن بعض الجماهير ما عجبها زي ها الحركات

أصغر زعيم · #12 21/11/2006, 09:47 PM

والله فكره حلووووووووووووه بكذا راح تقدر تسوي الي تبي لما تحطها على المقاعد

Best Goal · #13 21/11/2006, 09:54 PM

بصراااااااااحه الفكره حلوووه مره

بس ياليت يكوووون فيه تنفييييييذ

nawaf.ksa · #14 21/11/2006, 09:54 PM

إقتباس

الرسالة الأصلية كتبت بواسطة فيراري


	والله رووووعة ان شاء الله يسوونها الف شكر لك أخوي

ان شاء الله يوصل صوتي ونبي اكثر ردود عشان يتم تنفيذ الاقتراح

ومشكور اخوي على مرورك

تحياتي

nawaf.ksa · #15 21/11/2006, 09:56 PM

إقتباس

الرسالة الأصلية كتبت بواسطة 9التـــحــليــه9


	اهلا أخوي بصراحه اقتراااح اكثر من ممتاز واتمنى من الاداره تطبيق هذا القرار لانه راح يحلي المباراة وبالتوفيق للزعيم

يلا شباب همتكم نبي اكثر اصوات نبي الاقتراح هذا يصير لانه بيخلي شكل الملعب خيالي

ومشكور خيو التحليه على المرور