|
مع كثرة الزعماء من هو الزعــــــــيــــــــــــــم؟؟ السلام عليكم ورحمة الله وبركاتة ،، تعرفون اليومين هذي صارت الموضة كل نادي له لقب ،، العميد والقلعة وفارس نجد والزعيم والليث وغيرها من الألقاب ،، لما اقول العميد الكل يعرف اني اقصد الإتحاد ،، ولما اقول الليث الكل يعرف اني اقصد الشباب ،، وكذا ،، بس لقب الزعيم صار لقب لأندية كثير ،،:d يمكن الوقت ما يساعدني اذكرها ،، على سبيل المثال لا للحصر عشان ما يزعلون مني الأندية الثانية ،، العين الإماراتي ،، وبعدة الكرامة السوري ،، المصيبة اليوم أقرى في موقع مصري ،، الأهلي المصري صار لقبة الزعيم ،، السؤال هو : ضاقت بهم الألقاب والمسميات عشان يختاورن الزعيم ؟ ولا كل هذا حسد وحقد لهذا النادي الذي يحمل سجل ذهبي ؟؟ انا سمعت من شخص في الرئاسة العامة لرعاية الشباب ،، انه الآن في نادي مقدم على طلب وبإسم رسمي ( الزعيم ) ،، يعني مو لقب ،، واكد لي ان النادي هذا في احد محافظات منطقة الرياض ،، والله وحدة العالم بهذا الشي يعني صدقة من كذبه ،، لكن هذا الشي فتح في راسي فكرة ،، كلنا نعشق هذا الإسم الزعيم ،، والكل يعرف انه ملكنا ومو لغيرنا ،، طيب ليش ما يكون الإسم الرسمي للنادي ،، مثلاً يكون إسم النادي ،، نادي ( الزعيم ) ؟؟؟ مو تقليل في إسم الهلال كلنا عشقنا هالإسم ،، وتولعنا في اللون الأزرق ،، او يدمج الهلال والزعيم بحركة معينة بحيث يصير الإسم الرسمي لنا ،، ولا ننسى ان عندنا موقع اسمة الزعيم وقناة إسمها الزعيم ،، وش رايكم في الفكرة ؟؟ انا عن نفسي ما يهون علي اسم الهلال ،، وفي نفس الوقت ابي الزعيم ،، عشان ما نشوف الأندية الثانية تتفشخر فية ،، ما تتصورون كيف انقهر لما اسمع ان نادي ثاني يلقبونه بـ الزعيم ،، الزعاااااامة لنا مو لــــــغيرنا ،، ولا وش رايكم ؟؟؟؟؟؟؟؟؟؟؟؟؟؟؟؟؟؟ |
الزعيم هذا لقب اطلق على الهلال وبالنسبة لتغيير المسمى ماأتوقع لاننا تعودنا على اسم الهلال |
مافي زعيم غير الهلال ولا ازودك من الشعر بيت السد القطرري يسموونه زعيم ههههههههههه الله يخلف بس والكراامه والعين والحين يمكن الاهلي لااكن لو تسال اي مشجع قالك علطوول بدون تردد الزعيم هو الهلال |
صراحه نفس شعوري انت كل من هب ودب قالوا له زعيم يحبكون باللي هيبه |
هلا بكم يا اخوان ،، احنا عشنا اسم الزعيم ،، ومن حقنا انه يكون ملكنا ،، وما يكون لـ غيرنا ،، وهذا واحد الحين يزيد السد القطري ،، يعني اقول لكم ما تنعد ولا تحصى ،، وبتطلع لكم اندية زيادة ،، بس الكلام اللي اقولة لما يكون الإسم لنا بشكل رسمي ،، نادي ( الزعــــيــــــم ) مافي احد يقدر يسمي نفسة بالإسم هذا ،، واللي عنده فكره ثانيه ،، بحيث يبقى لنا الزعيم والهلال في وقت واحد يا سلام ،، انا ما اقصد اني ما ارغب في اسم الهلال ،، بالعكس ،، ولكن في نفس الوقت ،، ما نبي نسمع احد يقول الزعيم نادي كذا ،، نبي كل واحد يحط لسانة في حلقة ويسكت ،، ويبقى في العالم كلة مو آسيا بس ،، العالم كله زعيم واحد هو الهلااااااااال ،، تحياتي المعروف |
اسم النادي مايتغير والانديه الثانيه الي مسمين انفسهم الزعيم فلقب الـــزعـــيـــم يطلق على الهلال واذا كانو اهم ملقبين انفسهم زعماء بكيفهم لاكن لقب الزعيم هلالي والكل يعرف الشي هاذا تقبل تحياتي |
اذا تبون تغيرونه خلوه الحوت الازرق او الكتيبة الزرقاء او الطوفان الازرق |
مافيه زعيم الى زعيم واحد وهو الهلال والزعامه مو مسمى وبس كل من هب ودب قال انا زعيم |
اخي الكريم اشكر فيك حرصك على ناديك ولكن ما لنا حق اننا نمنع الفرق الثانيه عن اللقب مع العلم ان اللقب غير رسمي واذا قصدك على الاهلي المصري هذا النادي فعلاً زعيم افريقي ومصري ببطولاته الكثيره والمتعدده واذا قصدك على العين الاماراتي هو فعلاً زعيم اماراتي فقط لاغير واذا قصدك على السد القطري فهو زعيم بقطر فقط لاغير واذا نبي نغير اسم النادي عشان اللقب والله فضيحه لان لقب الزعيم هو بتعدد البطولات وتنوعها والهلال هو الفريق الوحيد في قارة آسيا متعدده بطولاته ومتنوعه بالكم والكيف ايضاً ولله الحمد مره اخرى اقول الالقاب ليست حق حصري للهلال ولغيره فـ غالباً ماتكون الالقاب لغير اهلها ولا لها اي اعتبار بل بالعكس تكون موضع للضحك والسخريه من الجميع |
مافيه زعييم غير الهــــلال |
هلا بك يالغالي ,, تختلف الانديه ويبقى زعيهم واحد الا وهو الهلال ,, الهلال اول نادي عربي اطلق عليه هذا اللقب وهذا اللقب لا يطلق الا على من هو بطل حقيقي للقاره التي ينتمي لها ,, شوف الهلال كم بطوله اسيويه حققها عشان تعرف منهو البطل الحقيقي لاسياء ,, الاهلي المصري يستحق من يطلق عليه زعيم افريقيا لانه اكثر نادي افريقي يحقق بطوله كأس افريقيا ,, ايضاً ريال مدريد الاسباني هو الزعيم الحقيقي لا نديه اوربا لانه البطل الحقيقي لكأس الاتحاد الاوربي ,, من من حاول ان يسمي فريقه بالزعيم فقل له اشرب من البحر لكي تصل الى ما وصل اليه الهلال السعودي ,, بأختصار الزعيم واحد لا اثنان شاء من شاء وابى من ابى ,, الهلال هو الزعيم والزعيم هو الهلال ,, كلــ الــــود لكـ يالغلا ,, |
|
الزعامه مالها الأ الهلال ولا يهمكم كلام الحذاله |
مشكووور اخوي على الموضوع بس عندي وقفه بسيطه اذا كانت الانديه الثانيه تبغى تصرق لقب الزعيم من الهلال فالهلال (((((زعيم نصف الارض)))))) وهذا هو لقبه الاصلي وليس فقط الزعيم |
| الوقت المعتمد في المنتدى بتوقيت جرينتش +3.
الوقت الان » 12:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd