#1  
قديم 21/11/2006, 01:00 AM
زعيــم نشيــط
تاريخ التسجيل: 01/11/2006
المكان: الرياض
مشاركات: 553
ماهذا ياعبدالرحمن بن مساعد

اعجبتني القصيده وحبيت اتحفكم بالقصيده
من روائع
الشاعر الامير
عبدالرحمن بن مساعد ال سعود

عادي....طاح الحطب...وانت الحطب

المشهد الاول
وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة

المشهد الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
و عنده دش.......و يكذب كثير
و اذا صحى الصبح .....مشط اللحية
عادي........طاح الحطب.......... و حلوة الحياة

المشهد الثالث
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة

المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة

المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك .....سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة

المشهد السادس
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة

المشهد السابع
سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
عادي........طاح الحطب.......... و حلوة الحياة

المشهد الثامن
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة

المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
عادي........طاح الحطب.......... و حلوة الحياة

المشهد العاشر
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة

المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب.......... و حلوة الحياة

المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة
ـــــــــــــــــــــــــــــــــــــــــــــــــــــــــ
أنا ارفع القبعه لهذا الشاعر
اضافة رد مع اقتباس
  #2  
قديم 21/11/2006, 01:52 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
قليل بحقه ذوق واحساس مرهف وسلس ....

عبدالرحمن بن مساعد اسم انحفر بقلوبنا حبه ....

مع أن مالي ميول شعريه بس عبدالرحمن بن مساعد غير ;) ....


يعطيك العافيه هلالي ونبضي سامي على هالأختيار الذوق ....
اضافة رد مع اقتباس
  #3  
قديم 21/11/2006, 02:02 AM
زعيــم مميــز
تاريخ التسجيل: 01/01/2005
مشاركات: 2,439
عبد الرحمن بن مساعد قامة شعرية لايعلى عليها

دائما يطلع لنا تحفة..تعجز عن الوصف

ويكفي إنه هلالي

مشكوووووووووووور
اضافة رد مع اقتباس
  #4  
قديم 21/11/2006, 04:33 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
..عبدالرحمن بن مساعد ..

شاعر الشعب ..
شاعر الكلمه الصادقه ..
شاعر البساطه ..
شاعر الرقه ..
الكلام مايووفيه حقه ..
مشكور اخوي على القصيده الرووووووعه..
اضافة رد مع اقتباس
  #5  
قديم 21/11/2006, 07:40 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
عبد الرحمن بن مساعد ..

اسم ارتبط بجمال الكلمة

وسهولة المعنى

ورقي الهدف ..!!

شاعر يشعر بمشاعر كل الفئات من الناس .. فعلا شاعر جميع المشاعر ..
اضافة رد مع اقتباس
  #6  
قديم 21/11/2006, 08:33 AM
زعيــم مميــز
تاريخ التسجيل: 01/10/2006
المكان: هق... هق
مشاركات: 2,947
الله ياعبد الرحمن بن مساعد والله والله والله ما نوفيك حقك لو جلسنا نكتب عنك ايام وايام.. وبعدين وش تتوقعون واحد أبوه مساعد بن عبد العزيز الرجل النقي التقي أبو المساكين والأيتام وش راح يكون ......!!

والله ياجماعه صارلي موقف مع عبد الرحمن بن مساعد بإحدى الدول في مكان عام فأقسم بالله العظيم أنه أمير بكل شي بدينه وأخلاقه وعلمه ورجاحة عقلة وسرعة بديهته مهب أمير بالأسم بس...

وأنا من أشد المعجبين والمتابعين بما تسطره أنامل هذا الشاعر الكبير
اضافة رد مع اقتباس
  #7  
قديم 22/11/2006, 12:10 AM
زعيــم نشيــط
تاريخ التسجيل: 01/11/2006
المكان: الرياض
مشاركات: 553
العفو العفو
اضافة رد مع اقتباس
  #8  
قديم 22/11/2006, 12:12 AM
الصورة الرمزية الخاصة بـ زعيم الاوطان
زعيــم مميــز
تاريخ التسجيل: 02/09/2006
المكان: في بلاد الحرمين
مشاركات: 4,508
والله عبدالرحمن مبدع وانت مبدع

بس انا معجب اعجاب شديد بشعره
اضافة رد مع اقتباس
  #9  
قديم 02/12/2006, 10:40 AM
زعيــم متواصــل
تاريخ التسجيل: 02/08/2005
مشاركات: 196
والله ابداع بنقل القصيده وابداع في كتابت القصيده منالشاعر المبدع
ومشكور
اضافة رد مع اقتباس
  #10  
قديم 02/12/2006, 11:20 PM
موقوف
تاريخ التسجيل: 27/01/2006
المكان: من العارض ليا الحره
مشاركات: 750
صح السان ناقلها وقايلها

والامير /عبدالرحمن بن مساعد شاعر معروف وقصيده كله جزل

ولاهنت على الموضوع وماقصرت

تحيتي لك
اضافة رد مع اقتباس
  #11  
قديم 03/12/2006, 12:45 AM
زعيــم نشيــط
تاريخ التسجيل: 01/11/2006
المكان: الرياض
مشاركات: 553
ياهلا والله يافارس عتيبه ولا ندمت ومشكور على المرور
اضافة رد مع اقتباس
  #12  
قديم 11/12/2006, 01:15 AM
زعيــم مميــز
تاريخ التسجيل: 20/04/2002
المكان: من جِبآل أجـَا وسلمىَ
مشاركات: 1,688
مهما قلنا فلن نوفيك حقك فعلا كلمات ولا أروع من شاعري المفضل

شاعر النبض شاعر الحقيقة


مشكور اخوي على النقل
اضافة رد مع اقتباس
  #13  
قديم 11/12/2006, 03:31 AM
الصورة الرمزية الخاصة بـ ~~~لؤلؤة الزعيم~~~
زعيــم مميــز
تاريخ التسجيل: 07/10/2005
المكان: الدمام
مشاركات: 1,544
مشكور اخوي على نقلك لنا هالقصيده الرائعه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:00 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube