ايه افتخر لا قالوا الناس عانس - نادي الهلال السعودي - شبكة الزعيم

سوسوالهلاليه · #1 01/10/2006, 11:52 PM

بسم الله الرحمن الرحيم

هذي قصيده عجبتني مرررررررررررررررررررره وحبيت انقلها لكم,,

يه افتخر لاقالوا الناس عانس ** وافرح إذا مـا جـزت للخاطـب ظـلال

اضحك وانا اسمع سيرتي في المجالس**واعرف عيون الناس ماترحم الحال

حالي مثل من هو على الباب حارس ** يحفظ كنوز مـا تقـدر بالأمـوال

صعبة يجي إنسان ما هو بفارس ** ياخـد بنيـة ينضـرب فيهـا الأمثـال

ولا يجي طايش وجاهل مدارس ** أكبر طموحـه خـط بيجـر وجـوال

صدره من أمراض الدخاخين تارس ** زود على التنبـاك منحـط الآمـال

ولا يدور براسه اليـوم هاجـس ** يبـدأ يغنـي كـل هاجـس ومـوال

النفس في خشمه ودايم يعامس ** يقول أنـا لـي شـارب وألبـس عقـال

خبرني كيف أحيا مع إنسان لاقس ** وشلون أجاري لعبـة إنسـان دجـال

هذا كلام بصوت كل العوانس ** خذها شموخ وعـز مـع روقـة البـال

إيه افتخر لقالوا الناس عانـس ** مـا دام مـا هـو مـن تقـدم برجـال

........

هلاليه من الرياض · #2 02/10/2006, 12:00 AM

القصيده حلوه بس مافيه وحده تتمنى انها تكون عانس

البنت لازم يكون وراها رجاال يسندها

ساقي الـعُطـور · #3 02/10/2006, 12:10 AM

إقتباس

الرسالة الأصلية كتبت بواسطة هلاليه من الرياض


	القصيده حلوه بس مافيه وحده تتمنى انها تكون عانس البنت لازم يكون وراها رجاال يسندها

على قولت أختي مافيه وحده تتمنى انها تكون عانس والقصيدة رائعة وشكرا لك

رعبوبة الزعيم · #4 02/10/2006, 12:16 AM

سوسو الله يقطع سواليفك

وش هالشعر

ايه افتخر لاقالوا الناس عانس ** وافرح إذا مـا جـزت للخاطـب ظـلال

اضحك وانا اسمع سيرتي في المجالس**واعرف عيون الناس ماترحم الحال

قسم بالله ضحكت عليها ضحك :p
قصيده روعه بس ان شالله نفرح فيك هالسنه

مو حلووه العنووسه الله لايقوله ونجربها

تسلم يمناااك على نقل الموضووع

فارس عتيبه · #5 02/10/2006, 12:24 AM

وش ذنبنا حنا يالريجيل لاصرت(ن) تفتخر(ن)بالعنوسه

المجرمه (سوسه) لاتخربين البنات علينا

تحيتي لك

الـساقي · #6 02/10/2006, 12:29 AM

قصيدة راائعـــــة .." سوسو" ,,

لكن مثل ما قاالت "هلالية من الرياض" البنت لا بد ان يكوون لها رجال !؟

يسلمــووو يدينكـ ع النقــل ,,

"سيمو"

Yazeed · #7 02/10/2006, 12:40 AM

إقتباس


	المجرمه (سوسه) لاتخربين البنات علينا

والله انكـ صادز...ولو ياسوسو يبيلتس قرصت اذن
...واذا تفتخرون بالعنوسة قالوها قبلكم يازين حياة العزوبية...

سوسوالهلاليه · #8 02/10/2006, 01:15 AM

ياحبي لكم ياللي رديتم علي
بس هيا الله يعيني ابوقف عند ردود بعض التماسيح الحلوين

إقتباس


	على قولت أختي مافيه وحده تتمنى انها تكون عانس والقصيدة رائعة وشكرا لك

تسلم ع المرور خيو

إقتباس


	وش ذنبنا حنا يالريجيل لاصرت(ن) تفتخر(ن)بالعنوسه المجرمه (سوسه) لاتخربين البنات علينا

خخخخخخخخخ
الله يقطع سوالفك ياعبود
ذنبكم انكم طول الوقت تقولون الله على السوريه!!

إقتباس


	قصيدة راائعـــــة .." سوسو" ,, لكن مثل ما قاالت "هلالية من الرياض" البنت لا بد ان يكوون لها رجال !؟ يسلمــووو يدينكـ ع النقــل ,, "سيمو"

الله يسلمك خيو,,
والرجال مو لازم في ذا الزمن

إقتباس


	والله انكـ صادز...ولو ياسوسو يبيلتس قرصت اذن

طيب ياليت,,
هيا اتحداك تجي تقرصني مع اذني,,

إقتباس


	...واذا تفتخرون بالعنوسة قالوها قبلكم يازين حياة العزوبية...

وحنا قلناها بعدكم
,,
ياحبي لكم بس خلني ذحين امر على ردود حبايب قلبي

إقتباس


	القصيده حلوه بس مافيه وحده تتمنى انها تكون عانس البنت لازم يكون وراها رجاال يسندها

خلاص رديت عليك بالماسنجر

إقتباس


	قسم بالله ضحكت عليها ضحك قصيده روعه بس ان شالله نفرح فيك هالسنه

اعوذ بالله
يارب اجعل عيال عماتي وخالاتي كلهم يتزوجون ذي السنه ويفكونا,,
واصرف عيون الخطابات عنا
ياااااارررررررررب

إقتباس


	مو حلووه العنووسه الله لايقوله ونجربها

الحياه تجارب
وانا ابشرك ابجربها,,

الهلالي النايم · #9 02/10/2006, 03:26 AM

يؤ يؤ يؤ يؤ

سوسو يبيلك جلد انتي باديه تخربطييين

<< كاان معصب وحط حررته فيك

المهم ووش هالقصيده

من اللي يفتخرر وهوو عاانس

<< الجيين بتبلشناا هلاليه وافتخر تقوول قلتوا اسمي

لا اشووفك حااطه قصاايد مثل تسذااا

تسمعييييييييييييييييييييييييييييييييييييييييييييييييييييييين

<< اقوولكم معصب

ومشكوره على النقل

20 ياسر الجابر 9 · #10 02/10/2006, 06:54 AM

إيه افتخر لقالوا الناس عانـس ** مـا دام مـا هـو مـن تقـدم برجـال

&

&

&

في هاذي ممكن تكون معذورهـ

تسلمين يا سوسو على النقل الأكثر من رائع

AMJADG · #11 02/10/2006, 12:18 PM

مااتوقع فيه وحده تبي العنوســـــــه ،،

دمتي بخيــــــــــــــــــــر

الكناري الأزرق · #12 02/10/2006, 03:36 PM

الـسلام عليكم و رحمة الله و بركاتـه ,,

اجـل تفتخرين

؟!

البـنت لازم يصير وراهـا رجـال ,,

اسكـتي الله يرحم والديك لا تخربين البنات علينا

!

الذئـــ الأزرق ــــب · #13 02/10/2006, 04:46 PM

إقتباس


	إيه افتخر لقالوا الناس عانـس ** مـا دام مـا هـو مـن تقـدم برجـال

,, يعنــي اذا ما جـاء رجال بس لاجـاء رجال ..

اما تفتخرين انك عانس ,, والله ياهي صعبة ..

سوسوالهلاليه · #14 02/10/2006, 07:38 PM

عزوز
حياك في موضوعي
اجل تبي تجلدني ؟!
هيا حياك الا اتحداك,,

إقتباس


	<< كاان معصب وحط حررته فيك

خخخخخ
مردودة ان شاء الله

,,
اسومي تسلم ياحلو ع المرور

,,
مجود
ياهلا فيك خيو
تسلم يالغلا ع المرور
,,,
نيوف
انا ما اخرب احد على احد
وكل وحده عقلها براسها تعرف خلاصهااا
يعني اذا البنت براسها تبي تتزوج!!
بتتزوج خاصه بعد بطاقه الاحوال ذحين..
,,,

إقتباس


	,, يعنــي اذا ما جـاء رجال بس لاجـاء رجال ..

اذا عني انا ؟؟
من قال لك انه ماجاء؟؟
خخخخخخخ
بس لا للرجال في هذا الزمان..

إقتباس


	اما تفتخرين انك عانس ,, والله ياهي صعبة ..

يعني اللي يفتخر بالعزوبيه سهله!!
تسلم ياعسل ع المرور

سوسوالهلاليه · #15 02/10/2006, 07:49 PM

اختي كتبت القصيده في واحد من المنتديات ورد عليها واحد
وقال

إقتباس


	كم سكبت الدمع في غرفتك وحيدة غارقة الذهن متخمة الإحساس شريدة تبحثين عن صدر رجل لتكوني عليه شهيدة تموتين غيظاً لو مر ببالك ولم يتوقف يشاهد جمالك ويتعفف أنتِ تحبيه ولكنك مازلت عنيدة

والله رده خطيييييييييييير
تمنيت انه رد علي عشان اعقب عليه