هل ترضى الخليجيه بالزواج من اجنبي ؟ - نادي الهلال السعودي - شبكة الزعيم

الســـفير · #1 18/11/2006, 02:15 PM

السلام عليكم ورحمة الله وبركاته
كيفكم شباب وبنات , ان شاء الله منيحين
اغيب واشتاق وارجع ثانيه لان فيكم ريحة الحبايب

الموضوع اكيد واضح من عنوانه وانا كتبت هذا الموضوع بعد موقف صار لي شخصيآ
وهو اني كُنت احكي انا مع شاب من دوله عربيه شقيقه وبالتحديد من المغرب
والشاب علاقتي معه علاقة قديمه لانوو جارنا من زمان وكل يوم بجلس معاه ونحكي مع بعض
واعرفه كويس لكن ما كنت اتوقع انه في يوم راح يطلب الزواج من اختي وخاصه ان احنا بنختلف
في الجنسيه وهو مغربي وانا خليجي , صحيح اني من أم مغربيه بس في الجواز احمل الجنسيه السعوديه .
وبالاخير خليجي ومجتمعنا اكيد يرفض كذا زواج ’’

هو سألني وقال اهلك بيوافقوا ولا لا واريح نفس وما اتقدم لكم؟
انا طبعا قلت مستحيل لاني اعرف ان والدي ماراح يوافق بحكم انه الشاب مغربي مع ان العادات
متقاربه بحكم ان احنا في دوله غربيه والامور عادي ..
والشاب كان شاب اخلاقه حلوه و مسلم وملتزم ووظيفته ممتازه وجميل بس الجنسيه هي العائق .

السؤال اللي بسأل فيه اخواتي العضوات هل توافقون لو تقدم لكم عربي مافي اي عيب ؟
والسؤال للخوان الاعضاء هل توافقون لما يتقدم لختكم عربي ماينقصه لادين ولا خلق ؟

واتمنى اعرف المجتمع الخليجي يوافق بالزواج هذا - اتمنى اعرف لان زياراتي للسعوديه ماعرفتني اكثر على المجتمع؟

اتمنى اني اشوف آرائكم مع ان امرنا انتهى ووالدي مثل ماتوقعت رفض بحكم الجنسيه غير .
ووالدتي نفس الشي لانها كانت تتوقع ان مجتمعنا ووالدي يرفضون كذا زواج ,

وان شاء الله ف ياقرب اجازه راح اكون في السعوديه واتعرف اكثر لاني كل ماجيت
ما ادري اروح لايش ولا ايش واعرف ايش ولا ايش ..
وشكرا

هلالي وشقاوي · #2 18/11/2006, 02:26 PM

أخوي شرعا مافيه أي عيب ويوجد الآن في وقتنا الحاضر سعوديات متزوجات غير سعووديين ولكن .

إذا كان في سعودي وتقدم لخطبت احد خواتي سأفضله بصراااحة على الأجنبي .

ولكن ترى عادتنا ماتسمح لنا نوافق على أجنبي لأن اختي أو قريبتي تبي تصير علك على لسان الناس ..

أما اذا كانت عانسة صراحة بزوجها خخخخخخ

هلاليه من الرياض · #3 18/11/2006, 03:43 PM

بصراحه لن أقبل بالزواج من غير السعودي وذلك لإختلاف العادات والتقاليد بيننا وأيضا لأن المجتمع يستنكر زواج الفتاة من غير السعودي ......

G o L d E s T · #4 18/11/2006, 03:47 PM

والله لو انا مكان ابوك ابصير مثله

يعني لو فكرنا فيها بالعقل ما فيها شي

بس العادات ما تسمح

O V E R · #5 18/11/2006, 03:49 PM

ابي اعرف عذرا يعني ..

اشلون ابوك يرفض يزوج بنته لشاب مغربي ..

وابوك نفسه متزوج من مغربيه ؟؟

على حسب كلامك تقول انك سعودي بس من ام مغربيه يعني ابوك سعودي

ومتزوج مغربيه .. طيب وضح لي السبب..!!!

ومثل ما قالو الاخوان .. الشرع ما يمنع ولا فيها شي

لكن المشكله اذا اختلفت العادات والتقاليد بيكون صعب

على المتزوجين انهم يتأقلمو مع بعض

الا في حالات نادره

والله يتمم على خير ®

كان هنا · #6 18/11/2006, 04:07 PM

اخوي O V E R اذا كان الرجل سعودي فصدقني يقدر يتزج من أي جنسية كانت فقط لانه (سعودي) أما السعوديات فلا يقبلن بالزواج الا من (سعودي) وبالكاد من دول الخليج ....

______________________________________________________________________________________
الاخ سفير الزعيم

شرعاً ما في أي إشكال ...لكن ما دام ان الولد راعي دين واخلاق ومن نفس جنسية والدتك ...فأعتقد أن الشعب السعودي راح يمررها (لان والدك كان متخوف من المجتمع السعودي) هذا رأيي ...

الهلالي دائماً · #7 18/11/2006, 04:08 PM

السلام عليكم ورحمة الله وبركاته ...

هلا بالغالي الحبيب سفير الزعيم ...

من ناحية الشرع حنا متفقين انه جائز وهذا اهم شي ...

لكن المجتمع فرض علينا عادات وتقاليد ما انزل الله بها من سلطان

فلو أن احدنا زوج ابنته من غير سعودي اقموا عليه القيامة

وقالو فيه الاقاويل بل قد يرون انه من الافضل ان تبقى عانس

ولا تتزوج غير سعودي !! وهذا عين الخطأ ...

من ناحيتي ارى ان الامر كله يرجع للبنت حتى لو قبلت برجل من المريخ

فعلي ان أضعها في الصورة واخبرها بالاحتمالات التي قد تحدث ؟؟

ومن ثم هي التي تقرر الموافقة من عدمها ...

والشيء بالشيء يذكر ...

قبل شهور اعلن ان ابنة الدكتور طارق السويدان ( كويتي ) تزوجت شابا امريكيا مسلما ...

اعتذر سفيرنا الغالي عن الاطالة ودمت بحفظ الله ,,,

الكناري الأزرق · #8 18/11/2006, 04:09 PM

[ السلام عليكم و رحمة الله و بركاتهـ ] ,,

هلا بالسفيــر السعودي !

الرسول صلى الله عليه و سلم يقول على فهم الحديث ..

" اذا جائكم من ترضون دينه و خـُــلقه فزوجوه " !

كلامي لا يؤيد تزويج الاجنبي و لا يقول لا تزوجوه !

القرار لكم !

و انا مالي دخل ..

بس لو انا كان ما ازوجـه أختي ,,

و تعرف حكي الناس هالايـام ,,

و الله ما يخلون الواحد بحالهـ ,,

[ الحين تــرد علي و تقول و حنا وش علينا من كلام الناس و نقلبه مسلسل خليجي

] .. !

سـلام ,,

الكلاسيكي · #9 18/11/2006, 11:07 PM

هـــلا فيك اخوي سفير الزعيم ..
مــا أحب أضيف على كــلام الأخوان شي ..
فالدين لا يرفض أبدا ولا فيه أي اشكال او اختلاف ..
بس العادات والتقاليد ترفض ها الزواج خوفاً من كلام الناس ..
ولو أن دليل الرسول صلى الله عليه وسلم يسمح لنا كثير بزواج فتياتنا من الاجنبي المتدين ..
بس مثل ماقلت المجتمع يرفض وبشده ..

والله يوفق ..
وان شاء الله ترجع لنا بالسلامه ..

هلاليه سنعه · #10 19/11/2006, 02:19 AM

هلا اخوي سفير الزعيــم ..

إقتباس


	السؤال اللي بسأل فيه اخواتي العضوات هل توافقون لو تقدم لكم عربي مافي اي عيب ؟

بصراحه اخووي اقووولك مستحيــل اتزوج غير سعودي ..
مثل ماقلت العادات والتقاليد .. والبيئه اللي عشنا وتربينا عليها كيف بين يوم وليله
بتختلف واصير في مجتمع ثاني واصير غريبه ...
احلامنابفارس الاحلام اللي نعيشها كلها تنبع من مجتمعناوقيمنا ...
صحيح ان مافيها شئ بالدين بس هذا يرجع للشخص نفسه ومدى اقتناعه ...
مشكوور اخوي على الموضوع ..

بنت الزعيـــــم · #11 19/11/2006, 03:14 AM

مستحييييييييييييييييييل اي وحدة سعودية تقبل تتزوج اجنبي

يعني خليجي ممكن لكن غير كذا لاااااااااااااااااااا

عاداتهم تختلف عن عاداتنا وحكيهم غير حكينا بالذات المغرب العربي صراحة ماافهم عليهم

بعدين بصراحة البنت الخليجية دلووووووووووووعة ماتقدر تحتمل انها تتغرب بعيدعن اهلها

الفيروسه الزرقاء · #12 19/11/2006, 03:15 AM

وعليكم السلام ورحمة الله وبركاته ،،،

بـ النسبه لـ وضعكم ، المفروض الوالد يوافق ع خويك ، لأنه اولاً خويك وتعرف اخلاقه زين ثانياً لأنكم فـ بلد غربة ثالثاً : ابوك ماخذ من ديرتهم

يعني خوالكم مغربيين ، رابعاً :----->> بس بس علقتي

إقتباس


	السؤال اللي بسأل فيه اخواتي العضوات هل توافقون لو تقدم لكم عربي مافي اي عيب ؟ والسؤال للخوان الاعضاء هل توافقون لما يتقدم لختكم عربي ماينقصه لادين ولا خلق ؟

شف والله ع حسب

، إذا كان اللي جايني ياباني فـ هلاً و مسهلاً

أما ان كان جايني واحد من الدول العربية لأ والفو لأ

:p .. أنا من اللي يفضل الأجنبي ع العربي

.
واااااااااااو فله اخذ واحد ماتفاهم انا وياه إلا بـ E

، صحيح أني بخبص واضيع وبـ لخبط ياباني ع اللي يبي مع الانجليش

، وبتخذ أخر شي لغة الإشارة

..

:
:
:
:
:
:
:

أقول اها بس ، مـ راح نتزوج لا منتج وطني

ولا عربي

أنا من النوع اللي يأيد عدم الزواج للابد

برايفت لـ هلالي وشقاوي

إقتباس


	أما اذا كانت عانسة صراحة بزوجها خخخخخخ

الحمدلله أني مانيب أختك

:p .

الفيروسه الزرقاء

Turki(الرايق)Turk · #13 19/11/2006, 05:18 AM

شف حسب الناس يعني فيه الحجز اتوقع انهم ايه يزوجون بناتهم اجانب

اما اهل نجد لا

واهل الشرقية مدري عنهم بصراحة

والبحرين ايه يمكن

وعمان وقطر لا

والامارات ايه

وبس

سندريلا الهلال · #14 19/11/2006, 05:43 AM

سفــير الزعـيم..

الله يعطيك العافية .. وان شاء الله ترجع للسعـودية وتعيش فيها وتعرف عاداتها وتقاليدها الرائعة بروعة أهلها ..

الزواج من أجنبي من ناحية الشرع مافيه شيء ..ولكن من ناحية التكافؤ ينقصه الكثـير ...

الآن لما يكون فيه زواج باختلاف المنطقه لكل منهم يكوون .. مافيه تفاهم بين الطرفين بالشكل الي يرضي الطرفين ..

فكيف باختلاف الجنسية .. يعني كيف اكون بجنسية وابنائي من جنسية أخرى هذي بحد ذاتها بصراحة معضلة شديده .. !!!!

ودعواتنا للجميع بالتوفيق ان شاء الله

alhawey · #15 19/11/2006, 08:35 AM

الصراحه ما عندي مشاركه بس ودي اضحك

على اللي تبي ياباني

والخطه لاتعرسون

العرس يوجع الضرس سواء من مغربي ولا من الحَفر..

في اعتقادي الداج نسبياً أن أنسب عمر للزواج بعد الـ 30 وحينها ماعند الخليجية مشكلة بالجنسية والاشارة باللبيب يبخص

تشكرااات أخوي،،