نادي الهلال السعودي - شبكة الزعيم - الموقع الرسمي - يخرب بيوتكو ياالصعوديين والكوايته

مساكم الله باالخير يااعضاء منتدى الزعيم :) بصراحه هذي اول مشاركه لي معكم ومن زود الحيا عاضن طرف ثوبي وخدودي محمره :)
حبيت اول موضوع لي انشره عندكم هو واحد من المواضيع اللي قد نشرتها في ساحة الاقلاع :) على العموم ماودي اطول عليكم وان شاء الله نسلك مع بعض ( ابوووك ياالفصحى ) :)
سلخييييير عليكم كل ابوكم .. بصراحه فاضت قريحتي بهذا الموضوع من حر ماأوجس ( تعلمو وشلون تكتبون مقدمه لموضوعكم ياالتماسيح.. تعلمو البلاغه ) معروف ان الدببه نوعين : دب يجي فضيخ شد بلد http://www.eqla3.com/file/ubb/icons/icon35.gif يعني من يوم ولدته امه وهو منفضخ من السمنه .. هذا ماأقول فيه شي لأانه خلقة ربي :) ودب يجي من النوع اللي غداه وعشاه همبرقر وشاورما ( الله يذكر كبدة سعيد باالخير.. راحت ايامها :cwm14: ) يعني النوع الاخير بدا ينتشر بكثره واذا منتب مصدقين روحو في يوم اربعاء للتميمي اللي في شارع الثلاثين بعد طلعة المدارس وشوفو الدببه هناك متجمعين في المواقف :cwm13: تسألوني ليه باالذات مواقف التميمي اللي في الثلاثين ابقولكم انا نفسي ماادري بس دايم اشوف دببه هناك واجدين :cwm20: :cwm29:
انا عارف اني ابنجلد لو ابقولكم ان المقدمه اللي فوق مال امها دخل في موضوعي بس من زود نجاستي حبيت افضح الدببه وخاصة دببة الثانوي اللي يلبسون الطواقي اللي تاصل فوق الاذن وبكت الدخان ناشف له خمسة ايام من الاربعاء اللي قبله :D ارجع لموضوعي بريوس ماقد شفت مثله :cwm29: من منا لايعرف مصر ام الدنيا ؟
من منا لايعرف ابو الهول هو وخشمه اللي منجطل ؟؟
هل هناك احد منكم لم يزر الاهرامات الثلاثه اللي مدري وش تبي ؟؟
من منكم راح لمصر ولا انزرف او انلعب عليه ؟؟
طيب سؤال صريح ماقد شفت مثله : وراكم ياالسعوديين تفشلونا لين رحتو هناك
:cwm13: ماقد شفتو خير ولعنه ؟؟
شفاحه وعيون طايره ( على الجمله هذي سفطت نزار قباني على جنب :cwm11: )
خمسة تماسيح مجتمعين في شقه ولا استراحه ويعزمون انهم يسافرون بس مايدرون وين .. ويطمر واحد منهم لابس طاقية زري :cwm5: ويقول : مصر .. كوه لمصر يمدحونها .
ويتفقون التماسيح على قطه ( المشكله قطه وحالتهم حاله وآخرتها تصفي على 3 ) المهم يتفقون على مصر ويقطون ويسافرون :cwm5: اول ماياصلون هناك وش تتوقعون اول شي يبدونه
:eek:
خطأ انت وياه مهوب اللي في بالكم .. اول ماياصلون يطمر اثنين منهم للبقاله ويشترون خبز وجبن وان كانهم كاش فهم اشترو قوطيين تونه ودستة بيض :rolleyes: :cwm5:
ويصير هذا غداهم وعشاهم وفطورهم .. حسبي الله عليكم اذا انتم مطفرين تقاطو في خيمه وماطور وانثبرو في ديرتكم في الحماده والا شعيب حريملا وتراهم يمدحون شعيب اللحيسيه بس ماقد شفته صراحه :cwm20: المهم يطلعون العصر على اساس يبي يتمشون .. ويلقون لم قهوه ويقعدون فيها واللي يطلب شاهي واللي يطلب معسل واللي يقعد يقزقز في سنيه ومنى :D وتلقى وحيده اسمها ميرفت جالسه هي وخطيبها يشربون عصير ليمون ويقزقزون لب ولا طاعون .. وتلتفت البنت باالغلط وتناظر السعودي :cwm5: على طوووووووووول يقول بس البنت هذي اكيد معجبه فيني :rolleyes: حسبي الله عليك وش تناظر فيك ياالتمساح .. اذان شاتره وعيون فالخه وجبهه من كبرها ودك من يلعب عليها صكة بلوت :D خلصنا من التمشيه ويبي يروحون يريحون قبل لايبدا مشوار الليل .. اللي يريح واللي يقعد عند التلفزيون واللي يقعد يحسب القطه ويهاوش خويه علشانه طلب كاسين شاهي وهم حاسبين لكل يوم كاس واحد بس علشان ماتتأثر الميزانيه :cwm5: جا الليل وكلن بدا يلبس خمامه وهو عنده انه محدن قده وان البنات في الشارع يبي يخطفونه من زود ملحه الله يخلف على اميمته بس .. وكل واحد في جيبه ثلاث بكتات دخان وحالتهم حاله وانتبه للولاعه لاتضيع ( عاد انا اللي استغربه ليش الولاعات في السفر تضيع دايم ولا نلقاها :D ) ويدخلون لهم مرقص ولا طاعون يضفهم .. عاد اللي اول مره يسافر تلقاه اول شي خامد لاهوب ينفس ومسوي فيها مستحي بس لين استوى يبدا يتنافض ويصقع راسه في الجدار من زود الطرب :cwm29: انتصفت السهره والشباب استوو ولا عاد يحسون باالدنيا حولهم واللي ينثر فلوسه واللي يحاسب عن طاولة اللي جنبهم واللي يجي يبي يبخشش حق الحمام وانتم بكرامه ويعطيه خمسمية جنيه بدال خمسة قروش من زود الحوله . عاد اللي انقهر منه ليش العالم لين استوو يبدون السعوديين يتناتفون مع الكويتيين :cwm11: :cwm14: خلصت السهره.. الصاحي فيهم يبدا يلقط اخوياه : اللي يلقاه نايم تحت الطاوله :cwm29: واللي يلقاه قاعد يغازل جرسونه وحاجرها في ربعه ويقولها : انا احبتس من اول مره شفتس فيها .. خذي هذا رقم بيجري في الرياض بس تراه بتحويله .. لين دقيتي ارعصي رقم التحويله علشان مايرد عليتس ابوي بعدين اذا درى اني اكلم بنت يفرشني :cwm11: واللي يلقاه يسولف مع الطاوله اللي جنبهم ومسكت على قبايل وانساب :rolleyes: واللي يلقاه عند باب المرقص قاعد مبوبز على العتبه وهو يصيح علشانها مسكت غلط على احزان :cwm14: :cwm13: ويبدون الجرسونات شغل التلصق : والنبي يابيه اديني حاقه اصل العيال بيعيطو في البيت ..ماكلوش حاقه من تلات ايام :cwm14: واللي بخمسه جنيه بقدرة قادر يندبل لعشرين .. وأديني يايبه عشره جنيه وأركبك تاكسي ( المشكله التاكسي واقف جنبه بس ماعندك احد من ربعك :cwm20: :cwm29: ) جا الصبح وبدو يصحون الشباب من النوم وتجمعو وبدت المشاكل : واحد يقول قطتنا خلصت ياشباب
:cwm14: ولعنه وين راحت القطه !
:cwm13: ويبدون يحسبون وش اللي صرفوه : ربع القطه راحت على الدخوليه والطلبات ..وربع القطه الثاني راح على محاسبة طاولات اللي جنبهم . عاد النص الباقي من القطه جابو له ورقه وقلم وبدو يتحاسبون : سعيدان ياالتمساح انت منقط الرقاصه ام شعر اصفر
:cwm32:
والدحمي منقط ذيك الدبا اللي كن رقبتها بازخن عليها مكيف صحراوي :cwm8: عاد اذا جا الدور على صويلح مايقولون شي لأنه مهجدهم ويعرف يتكلم مصري وولد جيرانه عنده لكزس
:cwm11: وكلن يبدا يدق على ربعه واخوياه في الرياض ويبدا شغل الحوالات . فلذلك انصح جميع اخوياي ومن يعز علي ومن لا اعرفهم ان لا يذهبو لمصر ام الدنيا .. كش عليها مصر مهيب حلوه وكش على لبنان وكش على سوريا ومن كان بيه حاجه لاباس عليه ويعرب سويعات http://www.eqla3.com/file/ubb/icons/icon35.gif ( بس انتبهو لاتنسحرون وتنقلبون ضفادع .. اعرف ثلاثه راحو لها واحد منهم لابس نظارات ويوم رجعو والقاهم ثنين وفي يدهم ضفدع عرفت بعدين انه خويي ابو نظارات :cwm29: :cwm20: عاد انا قلت اجيب طاري الدببه في اول الموضوع لأنه الدببه دايم يجونك منسمين وخالصين :D ونادر ماتلقا دب مهوب منسم ولا لا :cwm29: بس المشكله لين جاك دب وثقيل طينه .. هذا ودك تجوعه وتحط قدامه هريفي صغير ولا عشرطعش شاورما زياده كتشب وبطاطس وتربطه مع رجله في حبل وتاكل قدامه :D ( اتحدى دب يقدر يناظر بطنه وسره :)
: