نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى المجلس العام (http://vb.alhilal.com/f1/)
-   -   &:. إيه أفتخر لا قالوا الناس (عـانـس) .:& (http://vb.alhilal.com/t346290.html)

أبوشمس 16/11/2006 06:42 AM

&:. إيه أفتخر لا قالوا الناس (عـانـس) .:&
 
السلام عليكم ورحمة الله وبركاته



مساء الخير لجميع الموجودين في هالمنتدى الغالي على قلوبنا بوجود هالأعضاء المميزين



مشاركتي اليوم معكم هي عبارة عن قصيدة تتكلم عن العوانس والعوانس للي ما يعرف هم البنات اللي لم يكتب لهم التوفيق ولم يتزوجوا وطبعا تختلف وجهات النظر في مسألة كم العمر اللي يقال فيه للبنت عانس لكن ما أبغى أتعمق في ذا المسأله لكني ألاحظ بعض الناس يقولون للبنات اللي في عمر 26 و 27 عانس وهذا مو صحيح أتوقع .. خصوصا في ذا الوقت اللي البنت تبي تخلص دراستها والولد بيخلص دراسته ومن هالخرابيط !!



نرجع للقصيدة .. القصيدة من معانيها تدل على أنه بنت تقدم لها شاب ورفضته فقالوا لها لو ما تزوجتيه بيقولون عنك الناس عانس ومن ذا الكلام .. فقيلت ذا القصيدة .. وفيها عزاء للبنات اللي وصلوا لهذا الأمر ..



وبالنسبة للشاعر أنا جبت لكم القصيدة من أحد الأشرطة ولا أدري هو شاعر قايلها على لسان حال ذا البنت أو شاعرة اللي قايلتها ..




تقول القصيدة ::



أضحك وأنا أسمع سيرتي بالمجالس
وأعرف عيون الناس ما ترحم الحال

حالي مثل منهو على الباب حارس
يحفظ كنوز(ن) ما تقدر بالأموال

صعبة يجي إنسان ماهوب فارس
وياخذ بنيّة ينضرب فيها الأمثال

ولا يجي طايش وجاهل مدارس
أكبر طموحه خط بيجر وجوال

صدره من أمراض الدخاخين تارس
زود(ن) على التنباك منحط الآمال

النفس في خشمه ودايم يعاكس
يقول أنا لي شارب(ن) وألبس عقال

خبرني كيف أحيا مع إنسان لاقس
وشلون أجاري لعبة إنسان دجال

إيه أفتخر لا قالوا الناس عانس
ما دام من يطلبن ماهوب رجال




أتمنى تكون مشاركتي أعجبتكم .. تهمني ردودكم .. وألقاكم في مواضيع أخرى إن شاء الله

تحياتي ،،،

O V E R 16/11/2006 06:58 AM

أبو شمس والله قصيدة رائــعه جـــد

إيه أفتخر لا قالوا الناس عانس </B>
ما دام من يطلبن ماهوب رجال


ههههههههههههه صح لسانهااا والله الشاعره

وهي صادقة والله ما تنلام .


يعطيك ألف عــافية أخوي :thumbup: </B>

د.هدف 16/11/2006 11:57 AM

شـــ ك ـــل الشااااااااااااااااااااعرة عاااااااااااااااانسه ... خخخخ

مشكور اخووووي عالقصيدة

ღهلابوليღ 16/11/2006 12:05 PM

يعطيك الف عــــافية

هلالي وشقاوي 16/11/2006 12:29 PM

[QUOTEخبرني كيف أحيا مع إنسان لاقس</B>
وشلون أجاري لعبة إنسان دجال][/quote]


من البيت هذا يتضح لنا إن الشاعرة عندها عقدة من الرجال أما انها قد تعرضت لخيانة أو من القصص التي تسمعها عن الرجال وطبعا أصابع اليد ليست سواء .


إقتباس:

صعبة يجي إنسان ماهوب فارس</B>
وياخذ بنيّة ينضرب فيها الأمثال
في هاذا البيت صدقت والبيت اللي بعده الله يخلف على شباب الوقت تعالوا شفوهم في العليا والا شباب جده بسم الله عليهم من جد ماعاد نفرق بين البنت والولد في الوقت هذا الا من رحم ربي أنا مادري ليه التمساح الخشن الا يبي يطلع سحلية .


إقتباس:

صدره من أمراض الدخاخين تارس</B>
زود(ن) على التنباك منحط الآمال
وهل الرجال الذين يدخنون لايحملون شيئا من معنى الرجولة ....؟ لا لا :nono: :nono:


الرجل بعد الزواج هو من يستطيع تغير زوجته فمن خلال الرجل تجد الزوجة تحترم أب الزوج ووالدته لأنه قد جعلها تعرف قيمتهم .

وكذلك الزوجة تستطيع تغير زوجها من حال الى حال واقرب مثال أنا مدخن وخطبت أكثر من 20 وحده وكان شرطهم أترك الدخان وأنا اقولها عناد والله " معصي "

والآن بعد ماتزوجت وكانت عارفه إني ادخن وموافقة الله يخليها لي خلتني أترك الدخان بدون أي تردد خلال اسبوعين فقط . لأنها عرفت من أين تؤكل الكتف .

مالكه السعوديه 16/11/2006 01:15 PM

صعبه انسان ماهوب فارس
وياخذ بنيه ينضرب فيها الامثال

^^^^^^^^^^^^^يمكن فهمتك

وفها العصر العانس تكون في سن الخمسه وثلاثين موالعشرين

ومشكوريييين

راشــد 16/11/2006 02:07 PM

إقتباس:

إيه أفتخر لا قالوا الناس عانس
ما دام من يطلبن ماهوب رجال
هالبيت مسكت بصراحة ,,
والعنوسة يمكن تكون أرحم من بعض الإرتباطات الفاشلة ,,

الماسه الزرقاء 16/11/2006 03:45 PM

إقتباس:

إيه أفتخر لا قالوا الناس عانس
ما دام من يطلبن ماهوب رجال
صح لسان قايلها .. s60s ,,

وأتفق مع راشد في كلامه :

إقتباس:

والعنوسة يمكن تكون أرحم من بعض الإرتباطات الفاشلة ,,
s60s s60s ,,

تذكرت سالفة بنت الله يستر على بنات المسلمين ,, تزوجت على عمر 23 من شاب,وكانت البنت أخلاااااااق وحافظة القرآن ما شاء الله ,, وكانوا يقولون إنه يصلي الفجر بالمسجد , وهذا إلي خلاها توافق , لأن إذا كان محافظ على صلاة الفجر جماعة فدليل على إنه شاب جيد ,,
لكن في اليوم الثاني لزواجها تركها عند اهلها ولا رجع لها إلا 7 الصبح :no: ,,
البنت مسكينة تفشلت من اهلها وشكت بنفسها إنها ما اعجبته ,, على إنه شافها شوفة شرعية ,,
جاها سبع وقالها إني كنت تعبان ورحت للمستشفى ونمت ولا حسيت بنفسي ,, مشت السالفة وسافرت معه شهر العسل ,, ولاحظت إنه ما يصلي :no: ,, ولا يقولها إني آخر مرة صليت ذاك الأسبوع العصر ,, يعني حتى ما استحى إنه ما يصلي :upset: وقاعد يجاهر بمعصيته ,, البنت استمرت معه لكن كان سيئ جداً جداً لا أخلاق ولا تعامل لا كرم يغطي عيوبه غير وقاحته وقلة أدبه ,, عانت منه البنت أشد المعاناة واستمرت معه يمكن حول السنة ولا كانت تعلم اهلها :( ,,
وهو كان راعي بلاوي غير القنوات الإباحية إلي في بيته ,, ويطلع ولا تدري وين يروح ,, وصار عنده شقة ويا اخوياه للحرام :no: ,, عندك الحلال تروح للحرام ؟!! ,:no: ,,,, حتى يوم يخليها أول مرة عند اهلها في بداية زواجهم كان مواعد له وحدة :upset: ,,

المهم البنت كانت صابرة ما شاء الله عليها تقول ما ابي أتركه إلا وأنا كرهته جداً جداً جداً.. ما أبي أتندم بعدين :upset: ,,بس بصراحه تفكيرها هذا خاطئ جداً , يعني لو مكانها ما قعدت معه اكثر من الشهر إذا اتضحت لي اخلاقياته الزفت من البداية وإذا شفت ما فيه أمل يتعدل :upset: ,, احسن من أني اتورط ببزر :no: ,,
قعدت معه سنة , بعدين قالت لاهلها ولا كانت تبي مشاكل :( ,, فبدل من يطلقها هي إلي خلعت نفسها منه على إنه المفروض يطلقها ولا ياخذ منها شي :upset: ,,

البنت تعقدت من مسألة الرجال حالياً غير حالتها النفسية إلي ساءت وغير البلاوي إلي سواها فيها وقاعدة تعالج منها :( ,, وتقول ما افكر اتزوج إلا لما اطق الثلاثين يمكن أوافق ,, لانها تشوف مستحيل إنها تتزوج واحد ما تزوج فتتوقع إنها تكون ثانية عشان كذا تبي توسع صدرها عند اهلها أول ,, :(

يعني بصراحة .. العنوسة أفضل من إن البنت تتزوج واحد مثل هذا :no: ,, يكفي إنها بتعيش عند أهلها معززة ومدللة :yes: ,




LBa your heart 16/11/2006 03:49 PM

ماتلاحظون ان أكثر شي يمر علينا


مشكلة العوانس وزواج المسيار وقيادة المرأه :d

موب كأن هالمشاكل تميل للمرأه :(

ياحراااااام :p

الـــوردة الزرقاء 16/11/2006 05:46 PM

إقتباس:

ولا يجي طايش وجاهل مدارس</B>
أكبر طموحه خط بيجر وجوال</B>



صدره من أمراض الدخاخين تارس</B>
زود(ن) على التنباك منحط الآمال</B>



النفس في خشمه ودايم يعاكس</B>
يقول أنا لي شارب(ن) وألبس عقال

حلووووووووووووه
:laugh: :p .. :D.. :p :laugh:

تقريبا نص الشباب كذا.. :p
والله صح لسان وصدق من قالها ,,
وناقلها :)

</B>

سامر جده 16/11/2006 09:15 PM

الابيت الاخير قوي قوي جدا

بريماكس 16/11/2006 11:54 PM

صح لسانك ... ابيات معبرة ورائعه

أبوشمس 17/11/2006 12:56 AM

مشكورين عالمرور ولي عوده مع تعليقاتكم

سوسوالهلاليه 17/11/2006 03:08 AM

هههههههههههههههههههههه

اي والله اني افتخر اذا صرت عانس

لان اصلا مافي رجال بهالزمن

واذا كنتو بتقولو لي فيه رجال
من هو الرجال؟؟
عساه مو هذا اللي همه جوال وسياره وجل وشات وجنز وعطور؟؟

اجل خليكم ساكتين احسن لي ولكم!!

الزعيمتهم 17/11/2006 07:45 PM

مشكور اخوي ع القصيده

تضل عانس ولا تتزوج مثل اللي في القصه


الوقت المعتمد في المنتدى بتوقيت جرينتش +3.
الوقت الان » 03:58 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd