يعطيك العافيه |
إقتباس:
هذاا يالغاالي لان فييه مشترركين قبلك احمد رربك فيه نااس ينتظروون 45 دقيقه |
كلامك صحيح 100% |
والله لو فيه 300 قناة في جوال الهلال كان أشتركت فيها ,, ترى هذا الهلال ,, والا انت ما تدري وش الهلال ,, |
مشترك مشترك الله لا يعوق بشر لان هدفي دعم النادي وغيره ما يهم |
الصراحة أن واخواني نؤيد المخلص الغيور والصريح كاتب الموضوع وبصراحة تعددت القنوات وتراجع مستوى الرسائل والخدمة الشاملة كما كانت بدأت خلال العام الماضي يعني اختلفت الخدمات والحماس السابق فالغيت اشتراكي وكذلك اخواني في بداية هذا العام وليس للمادة أبدا دور في ذلك وبالتأكيد هذا هو السبب الواضح لانسحاب الكثيرين صدقونا جميعا يامشرفي الجوال عودوا كما كنتم وحافظوا على البقية والمجال ليس محل الثقة حتى تستقطبوا مشتركين جدد بالنسبة لبعض الردود المتحمسة دون تمعن لما نريده بعيدا عن المادة أقول الآن الخيارات متعددة وتتنافس على التجديد والتميز واشباع المتلقي واقول للجميع بصراحة وارجوا ان يعيها المعنيون بالرد وتبريرات مشرفي الجوال القديمة اقول في العام الماضي قارب المشتركون 300 ألف وكانت الرسائل غنية وثرية وتصل في وقت قياسي متقارب فكيف من يبرر بأقل من النصف الآن فكروا بهدوء وعقلانية واسمعوا من يعنيهم الأمر ويخصهم وهم المشتركون وتحركوا بمنطق التفكير والواقع لان نجاح الجوال وتنامي اعداد المشتركين من مصلحة الزعيم ومستقبله صارحوا انفسكم وتجاهلوا بصدق ايجاد المبررات |
أخوي في القائم وأخوي الخبير الأزرق حقيقة كفيتوا ووفيتوا وما بعد كلامكم كلام ينقال أمثالكم يرتاح أي كاتب على تفاعلهم لأنه يتأكد من وصول فكرته بالطريقة التي يريدها |
بأتكلم بصراحة واضحة أعرف أحد اللي ردوا والله معرفة شخصية العجيب إنه أحد اللي إشتركوا في موبايلي أيام عرض كأس العالم ولا عمره إشترك في جوال الهلال بس يقرأ رسايل جوال الهلال من أخوياه وحقيقة تعجبت لأنه الوحيد من أخوياي اللي توقعت يرد علي برد عجيب قال إيش قال هذا دعم للهلال وهو لا عمره إشترك في الخدمة ولا عمره حط يده على خده ينتظر رسالة من الزعيم ولا عمره توسد الجوال ( جاه النوم ولا جته رسالة) ولا عمره قعد يرسل لأخوياه يسألهم جتهم رسالة من الزعيم وإلا لا(يحسب إنهم ألغو عنه الخدمة بدون لايدري ) اللي أقصده إنه لايرد إلا إللي قد جرب عيوب جوال الهلال أو قد جرب جوال الهلال على الأقل إما إني أرد وأمدح الجوال وأنا لا إشتركت ولا هم ولا يحزنون فأقول لا يتعب نفسه و يخفف ذنوب أبرك له |
الشباب اللي يقولون هذا دعم لو النادي يبغى الدعم يفتح حساب للدعم من الجماهير ويبشرون بالخير وأنا أول من يدعم لكن يقولون جوال الزعيم للأخبار ولخدمة المشترك ويجعلون أكبر همهم جمع المال هذا اللي دمرهم كلنا نذكر أول ما فتح جوال الزعيم كيف كان البحث عن التميز ووقت كأس العالم هي أفضل قناة جوال على الاطلاق ولكن من بعد كاس العالم وهم مدحدرين والخدمه من ردي لأردى من يوم جعلو همهم الفلوس وأعيد كلامي اذا فتحو حساب أو وضعو رقم لدعم النادي فأنا أول من يدعم لكن قناة لجمع المال والضحك على الجمهور لا وتذكرون يوم يقولون يوسف بيعلق على المباريات يبغون جمع اكبر عدد من الجماهير بينما يوسف علق على كم مباراة ولا شفنا رسايله بعدها وترا نص الفلوس للاتصالات يعني انتم تدعمون الاتصالات اكثر من الهلال واللي عندهم كرم زايد أبكتب رقم حسابي وتكفون لا تخلوننا من الدعم:d واتمنى تحسين الخدمه من جوال الزعيم وان هاللي نكتب يكون وصل للمسئولين |
كلامك عين الصواب ولابد من تطوير جوال الهلال |
بصراحه انا الغيت اشتراكي بسبب بعض الرسائل اللي مالها سنع وانا مستعد اعيد اشتراكي وادفع بدل سعر الاشتراك ضعفين بس بشرط لا يجيني رسايل اتمنى فيه ذا الخدمه لأني مليت من بعض الرسائل اللي ما تهمنا |
لاتعليق سوا ان الجمهور مزاجي يوم يشترك واليوم الثاني يلغي الاشتراك |
عجيب بدلا من تصحيح الأوضاع سيصدر 3 قنوات جديدة قيمة الإشتراك الشعري لكل قناة 20 ريال يعني طمع x طمع وأسمحولي على هالكلمة |
الوقت المعتمد في المنتدى بتوقيت جرينتش +3.
الوقت الان » 02:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd