O?°'¨ (وينك تجاوب صرختي بسكرة الموت.. ) ¨'°?o - نادي الهلال السعودي - شبكة الزعيم

قطريه عاشقة الهلال · #1 14/11/2006, 08:46 AM

لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يهديك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك

حسيت بحنان الموت والموت ضامني...
بكيت بمرارة وهو يخفف دموعي...
جلست أشكي وهو إللي فكر يسمعني...
دورت على حبيبي وقلبي ينزف بألامي...
لقيته غارق بدنيا بعيده عني وعن هواي...
مادريت بإني كنت أكبر همه وإنه سعيد بدوني...

خانت الأيام شخص ما يخون
ولا هقيت إنه كذا طبع الزمن
كيف أصبر وأعيش مغبون
كيف أدفا طالما حظي اندفن
بس ليه أشكي وأحسب للظنون
و
رأس مالي تالي الدنيا كفن !!
ذي بداية والنهاية وش تكون ؟؟
هو يزول الهم عني ؟؟

مـا أظــــن !!

وينك تجاوب صرختي بسكرة الموت..
وينك تشيل اطلال خلك بتابوت..
تعال وانقلني على القبر بسكوت..
تعال حقق في مماتي ..
ما ابيك تبكي وترفع الصوت..
لي الشرف لو جيت تحضر وفاتي..

اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته

ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني

ياللي تغرك ضحكتي بعض الأوقات
أحيان بعض الضحك معناه موتي

أوقات تلقاني أحاكيك بسكات
يوم الكلام يموت داخل سكوتي

يوم الحناجر تحتضر فيها الآهات
واعجز عن الشكوى ولو طال صوتي .

ليس من الصعب أن تضحي
من أجل صديق لكن من صعب
أن تجد صديق الذي يستحق
التضحيه

لو ان الصبر تكلم
والقهر مني تعلم
كان الألم ما تألم
والحظ عندي تفهم

عطني وعد أنك تمر
تلقاني أصبر لك عمر
ومهما تغيب تبقي حبيب
وغيرك ابد ما انتظر

ضايق بالحيل محتاج أشتكي
لولا طبع فيني يمديني شكيت
بس أدور عذر عشان البكي
لو يدوسون بطرف ثوبي بكيت
وش بيدي أفعله غير الحكي
قاصره خطوات رجلي لو مشيت
اسرعي يا نفس موتي واهلكي
سرتي همي يوم بالدنيا شقيت ...

عرفت ابكي من الفرحه،، عرفت اضحك من الاحزان،،
عرفت ان الدموع اصدق وارحم من يواسيني،،
عرفت ان الوهم دربي ولابه من يقدرني،،

لكم مني كل الغلا....

اختكم... قطريه

حمـ(الهلالي)ــد · #2 14/11/2006, 09:49 AM

صراحة مسجات روووووووووووووووووووووووووعه واحلى من الروعه

تم لطش بعض المسجات للحاجة الضرورية مع العذر لكاتبة الموضوع
نياهاهاهاهاا

ro7i · #3 14/11/2006, 10:19 AM

إقتباس


	ياللي تغرك ضحكتي بعض الأوقات أحيان بعض الضحك معناه موتي أوقات تلقاني أحاكيك بسكات يوم الكلام يموت داخل سكوتي يوم الحناجر تحتضر فيها الآهات واعجز عن الشكوى ولو طال صوتي .