إقتباس الرسالة الأصلية كتبت بواسطة ماجد مقبل يؤيؤيؤ المستوصفات الحكومية امزح معهم باي شي الا ضرسك انواع التسيب والمواعيد الطويلة المدى :p والحمد لله على سلامت ضروسك هلالي شقاوي دمت بخير وعافية ,,,

أجل لك تجربة يادوب وليه ماقلتي تعرف أنا وقتي من ذهب

والله صحيح الأسنان هاذي مشكلة جدا كبيرة تخيل مستشفى الشميسي عطاني موعد بعد ثلاث شهور من جد والله شي لازم تهتم فيه وزارة الصحة وبعدين حتى الحشو وغيره أسعاره غالية جدا

<<<<<مزبط سنونه و ضروسه قبل ما يسافر في احسن عيادات


والله اذا تبي ترتاح ادفع و انت ما تشوف الدرب

بس اسئل عن العيادات المزبوطه و اللي لها سمعتها

مو توقف عند اي مستوصف و يلله



سلامـ

مالك الى (المدار )نصيحه المدار ممتاز واجد

مره رحت ابي احط تقويم <ترى اسناني حلوه بس بحط زينه هههه
ويم دخلت عندالدكتور قال عندك سن مسوس لازم تحشينه<لازم يطلع بلاوي

المهم رحت اسوي اسناني عند الدكتوره سوتلي اياها باحسن الطرق مايوجع ولاشي دقيقتين وذلف

والله المدار كويس

ولو سمحت لاتدخن عشان مايفتحونلك فتحه في حلقك عشان تتنفس منها بطل احسلك

إقتباس والله اذا تبي ترتاح ادفع و انت ما تشوف الدرب

ممكن أنا يكون ماعندي مشكلة أدفع بس الناس اللي حالها ضعيف ماديا وش يسوي ؟؟؟

إقتباس مره رحت ابي احط تقويم <ترى اسناني حلوه بس بحط زينه هههه

كثري منها زينة قالت ههههههه ياحبك للزبرقة

إقتباس رحت اسوي اسناني عند الدكتوره سوتلي اياها باحسن الطرق مايوجع ولاشي دقيقتين وذلف

الله يخلي البنج وياخوفي مافيه شي بس واستغلوك .


وشكرا على مرروكم

إقتباس بالعربي معك واسطه من بكره يصير موعدك .. مامعكشي واسطه ان الله مع الصابرين

عز الله إنك ماكذبت بس أنا ماعندي واسطة

إقتباس والله كانت فيه شابه مسكينه نظرها مهدد بالعمى اذا ما تداركت الامر .. ولما راحت لاحدى مستشفيات العيون المتخصصه الحكوميه أعطوها موعد بعد ثلاث شهور

الله المستعان والمشكلة ناس أجانب تجي تعالج عندنا وعلى حسابنا ولهم أولوية بعد

عادي متعودين على الفئات هذي
مره رحت لم المركز الصحي اللي عند بيتنا
وشفت الهوايل ضرسي فيه تسوس من الجنب عند اللثه
ويوم اروح ويجيني الدكتور مشمراً عن ساعديه لابس نظارات تلمع <مصدق روحي افلام كرتون
ويقول افتح اثمك وافتحه ويقول اكبر لين سار كنه اثم تمساح
ويجيب الابره الاولى وانا ارتجف ويفظيها على ضرسي
وبعد خمس دقايق يقولي تحس بضرسك واقوله ايه
ويجيبلك الابره الثانيه ونفس القصه
ويجيب الثالثه ونفس القصه
أخر شيء قال ماأقدر اسويلك شي
البنج سار بعضلة الفك
واقعد يومين ماأقدر أكل ولا اتكلم
*خلاصة الكلام اللي ما بغىيخلص انه ماعندك أحد
لاعلاج زين ولا احترام ولاتقدير
إلا إن كنت بتدفع من فلوسك

إقتباس الرسالة الأصلية كتبت بواسطة @واحد مهجول@ عادي متعودين على الفئات هذي

وليه عادي متعودين المفروض نرفع شكاوي لين توصل وزير الصحة أو ولاة الأمر ابو متعب مايقصر مانشوف المشكلة ونسكت عنها ترى هذا الشي هو اللي مضيعنا نشوف الأخطاء ونسكت عليها

مره موظف في أحد القطاعات ياخذ الملفات ويقول راجعني بكرة وقفت بحلقه وقلت ليه أراجعك بكره . قال ماتشوف عندي المعاملات وش كثرها والا تبيني اخلص معاملتك واترك الناس وش حضرتك وقام ينفخ علي .

أنا عارف شغله زين وعارف ان الاوراق يخلصها بثلاث دقائق بس .

رحت وشتكيت لمديره في القسم وقال لي . احنا مظغوطيين وبدأ يصرفني .

طلعت وقلت والله ماخليه ورحت ودخلت على المدير العام وقلت له ياخوي شوف أنا والله ماراح اسكت ومستعد أعلمك بوظيفة الشخص الفلاني اللي يتابع المعاملات أنا معاملتي تخلص في ثلاث دقائق ليه يخرني ويقول تعال بكرة يوم شافني المدير العام فاهم قال يعني وش تبي تسوي . قلت أبدخل على الوزير واكلمه واذا مادخلوني ابو متعب فاتح أبوابه وربي مايردني الا ابو متعب . وشافني الرجال جاد وجاب معاملتي والموظف وقال له يالله خلصها اللحين وجلس يتكلم على الموظف شوي قدامي يسكتني .

يعني مانسكت على الشي لازم نوصل للمسئولين يعني خمسين مليون تصرف على الصحة وين تروووح أبي أعرف هذا اذا كانت فعلا خمسين مليون واتوقع دولتنا تصرف على الصحة أكثر .

وللمعلومية سألت صاحب مستوصف أسنان قلت له كم تكلف الحشوه عليكم قال نجيبها بسعر ثلاثة ريال .

ولكن أنا اعذرهم المستوصفات الأهلية لأن عند رواتب دكاتره واجهزه طبية وغيره لكن الحكومي ليه ليه كذا ...؟

إقتباس الرسالة الأصلية كتبت بواسطة الكناري الأزرق ما دامك تبين ما اعلق خلاص اوكي ريحتن و ريحت نفسك ابسوي اضراب عن الطعام قصدي عن الكلام ..

الكناري شفت وشلون أحبك خليتك ترتاح بس عشان تعرف المعزة وش تبي أكثر من الراحة بس ليش اضراب عن الطعام نويت تختفي

^

^

^

بـدال ما اصير كناري أبصير كتكوت !