بسم الله الرحمن الرحيم

في البداية ارحب فيكم في الموضوع واللي اتمناه منكم هو قرائتكم له ومن ثم التعليق

طرت على بالي فكرة قبل اسبوع تقريبا

وقعدت ادوزنها براسي واقلبها يمين يسار وبالاخير طلعت الفكرة مظبوطة <<<سبحان الله

المهم ماعلينا من التقلبات ونخش في الفكرة على طول

الحقيقة كلنا نعرف ان اي فريق بالعالم لما يهتم بالقاعدة عنده حتعطيه نتائج ممتازة بالمستقبل

لكن تصوروا لو انه تم اهمال لاعبين الشباب والناشئين فما هو مصير الفريق بعد 10 سنوات

ياجماعة الخير حنا لازم نفكر لبكرة مو نفكر كيف ناخذ بطولة وخلاص

لازم تفكيرنا يكون مزدوج مثل تفكير الاوربيين يعني نفكر في البطولات وفي مستقبل النادي بنفس الوقت


اللي ابي اوصله في هالموضوع هو ناشئين وشباب الهلال اللي للاسف ماراح يلقون مكان اذا طلعوا للفريق الاول

لأن وبكل اختصار عندك غير الفريق الاول الاولمبي وهم لايقلوا عن 20 لاعب وهذولي هم قاعدين يستنون دور علشان

الاحتياط مو الاساسي بالفريق الاول

البعض منكم حيقلي بعد 5 سنوات نص الفريق معتزل حقلك صح لكن الاولمبي مو جود وحيتصعدون للفريق الاساسي وحيصير تكدس بالاولمبي الجديد من شباب وناشئين النادي

فانا خطرت على بالي فكرة وهي اختيار 10 لاعبين على مستوى الشباب ومنهم الحراس و10 لاعبين ومنهم الحراس لمستوى الناشئين

وارسالهم على حساب النادي للتدرب واللعب مع عدة فرق اوربية ويتم تدريسهم هناك

يعني انت لما تجي تقول للنادي الاوربي انا اتحمل كافة مصاريف اللاعب من سكن ومترجم وووو .... لكن ابيه يرجعلي بعد سنتين ثلاثة فلة ;) او انه يحترف

صدقوني ماراح يعارضون بالعكس الاوربين يحبون يجربون اللعيبة صغار السن ويحبذون من سن 18 وانت نازل الين 10

وعلى فكرة هالخطوة صارت مع كثير من اللعبين العرب امثال ميدو وكلنا شايفين كيف توتنهام قطع نفسه الين ماضمه

ميدو اول مابدا راح على حسابه الخاص الى بلجيكا وتدرب هناك وحينها اكتشفه مدرب بلجيكي واعجب بلمساته

وهذا هو الحين بالدوري الانجليزي

وفيه غيره كثير زي حسام غالي المصري وزي شريف اكرامي المصري وهو حارس وزي اللعيبة المغاربة اللي بهولندا


وصدقوني هالشي ماراح يكلف النادي كثير يعني لما تصرف مليون للعيبة الشباب ومليون للناشئين تراك مو خسران

والحمدلله الدخل عندنا من الاستثمارات طيب

وهناك نقطة قد يعتبرها البعض عائق وهي اولياء الامور

لكن الحل عندي

يعني خلونا واقعيين كلنا نعرف ان لعيبتنا هنا نصهم كساله بالمدرسة وماهمهم غير الكورة

فأنت لما تجي تقنع الاب وتقله ولدك راح يرجعلك بخبرة اوربية وبشهادة من البلد الفلاني وووو....الخ صدقوني راح يوافقون ومحد مايتمنى لابنه الخير والتوفيق

ويصير اللاعب يرجع للسعودية كل نهاية موسم اوربي يقعد مع اهله فترة الصيف وبعدين يرجع يعني كنه طالب جامعي مبتعث

وتخيلوا في يوم من الايام نشوف اندية عالمية تتنافس على لاعب من عندنا والنادي حيطلع دبل اللي خسره على اللعيبة

واللي ماراح يلقى فرصة يرجع هنا وتكون عنده الخبرة الاوربية وهو لسه عمره ماكمل 25 سنة

الحقيقة هذه الفكرة اللي طرت على بالي وحبيت اطرحها لكم فانتم وش رايكم

للرفع ............

يسلم مخك وتسلم افكارك

السلام عليكم.....

يعطيك العافيه اخوي على الموضوع والفكره الجيده...

انا معاك بكل كلمه من موضوعك بس مهما كان صعب جدا تقنع اولياء امور الطلاب بذهاب ابنائهم للخارج وانت تعرف غربه صعبه حتى على الكبار كيف بصغارنا.

بس ملاحظه اكثر العرب اللي لعبو برا وهم صغار كانو عايشين بنفس البلد على حسب معلوماتي

وشاكر لك على الموضوع مره ثانيه واتمنى تحقيقه رغم صعوباته

تحياتي..

لا شي صعب ع رجال الهلال


الموضوع يستحق الاهتمام هم نجوم الهلال في المستقبل حتى لو خسرنا الوقت والمال

وزي ما قالو ( سمننا في دقيقنا)

الف شكر

آآآآآآآه بس لو اصير لاعب في الهلااال

والله حراام عليــكم ..

ابغى اصير لاااااعب في الهلال .. امووت او اصير لاعب في الهلال ..

عمـري 16 سنه .. وما اطييق شي اسمه دراسه .. ناوي ارسب هذي السنه عشان اصير لاعب

بس للاسف ما عنـدي وااسطـه ..

الواسطه اللي عنـدي تقـدر تتـدخلني الاتحـاد .. لكن الهـلال مستحييل .

كل يوم يطلبوني نادي الاتحاد .. لكن رفضـت عشان خـاطر الزعيـــم :sad:

راسلووني على الخاص .. ومستعـد اجي الريااض اليـووم .. والله العب ببلاش واوقع على بيااض بس تكفوون ردوا عليّ .

<< والله ما حولك احـد .. اللي يرد عليّ بعطيه رياليـن .

تكفوون يا ادراة راسلووني على الخاااص :sad:

فكرة حلوووووووووة

اخوي هلالي في جدة

والله كسرت خاطري

إقتباس اخوي هلالي في جدة والله كسرت خاطري

والله انك ذووق ..

الحمـدلله في احد عبّرنـي ..

ادعوا لي يا زعمـاء وزعيمـات انـي اصيـر لاعب في الهلال تكفوون ..

هذي السنـه بسـوي المستحيل عشان اصير لاعب << تكفـى يا رونالدينيـو

لو ما صــرت لاعـب بـيـتحـطم مستقبـلي يا شباب

و يقـولون ان مستواي زي مستوى كريستيانو رونـالدو


تكفوون يا ادراة راسلووني على الخاااص


<< هـذي عشـان اكسـر خـاطر باقـي الشبـاب والشـابات اللي ما انكسـر خـاطرهـم

اتوقع ان الاداره سبق وان ارسلت لاعبين للخارج

سلملي عليك

إقتباس يسلم مخك وتسلم افكارك

تسلملي حبيبي

إقتباس السلام عليكم..... يعطيك العافيه اخوي على الموضوع والفكره الجيده... انا معاك بكل كلمه من موضوعك بس مهما كان صعب جدا تقنع اولياء امور الطلاب بذهاب ابنائهم للخارج وانت تعرف غربه صعبه حتى على الكبار كيف بصغارنا. بس ملاحظه اكثر العرب اللي لعبو برا وهم صغار كانو عايشين بنفس البلد على حسب معلوماتي وشاكر لك على الموضوع مره ثانيه واتمنى تحقيقه رغم صعوباته تحياتي..

اولا مشكور على طرحك الحلو

ثانيا ياخوي ابائنا قاعدين يرضون يدرسونا بره على حسابهم فكيف اذا كان على حساب النادي ويرجع الولد فلتة

إقتباس آآآآآآآه بس لو اصير لاعب في الهلااال والله حراام عليــكم .. ابغى اصير لاااااعب في الهلال .. امووت او اصير لاعب في الهلال .. عمـري 16 سنه .. وما اطييق شي اسمه دراسه .. ناوي ارسب هذي السنه عشان اصير لاعب بس للاسف ما عنـدي وااسطـه .. الواسطه اللي عنـدي تقـدر تتـدخلني الاتحـاد .. لكن الهـلال مستحييل . كل يوم يطلبوني نادي الاتحاد .. لكن رفضـت عشان خـاطر الزعيـــم راسلووني على الخاص .. ومستعـد اجي الريااض اليـووم .. والله العب ببلاش واوقع على بيااض بس تكفوون ردوا عليّ . << والله ما حولك احـد .. اللي يرد عليّ بعطيه رياليـن

ههههه الله يرجك وش جاب الطاري خخخخخ

إقتباس محنا ناقصين مصاريف..

اجل عاجبك التفريط بالشباب وبالاخير نشتريهم بملايين ؟؟

إقتباس اتوقع ان الاداره سبق وان ارسلت لاعبين للخارج

فعلا الادارة ارسلت الكلثم والفريدي وهذا حنا شايفين كيف الفريدي متالق مع منتخب الشباب ولكن ارسلتهم في الصيف

فمابالك لو ارسلتهم لمدة طويلة

إقتباس سلملي عليك

الله يسلمك بابا

يعطيك الف عافيه


فكره رائعه

لكن من المسؤول عن صغار السن في الخارج ؟؟


ماوزنتها عدل شكلك

لو انت عمرك 15 او 18 اهلك يخلونك ثلاث سنوات بالخارج


خل نقول مو مشكله بيرضون

تقهى يرضون علشان الدراسه

سلام

ياليت ونشوف الاكادميه ان شاء الله تنجح

إقتباس الرسالة الأصلية كتبت بواسطة سور الهلال العظيم يعطيك الف عافيه فكره رائعه لكن من المسؤول عن صغار السن في الخارج ؟؟ ماوزنتها عدل شكلك لو انت عمرك 15 او 18 اهلك يخلونك ثلاث سنوات بالخارج خل نقول مو مشكله بيرضون تقهى يرضون علشان الدراسه سلام

ياخي فيه ناس ثقة متولين عيالك في الخارج
بعدين يعني انت اذا جتك بعثه على حساب الدولة بالخارج اهلك ماراح يوافقون ؟؟؟