|
عــين النــظافه ’’ تعااالوا شوفوا على سياراتكم مخالفات او لا ,, http://www.alriyadh.gov.sa/Clean/Images/atten.gif السلام عليكم هلااااليين هذي حمله جديده من مدينه الرياض اسمها عين النظافه وبصراحه خدمه ولا اروووع على الأقل ينصكون هاللى مايستحون على وجيههم مخااالفات اللى يرمي قوطي بيبسي من الدريشه واللى يبصق بالشارع ولا همه احد >>>> اقرف منظر صراحه واللى يجمع خماااام السياره من مناديل وقراطيس ويرميهم بالهوااء الطلق وبالطقاق بالناس ,, هذي الخدمه تسجل مخالفه على اي سياره يطلع منها هالشي وكل مخالفه بسعرها ادخلوا الموقع وحطوا لوحه السياره وشوفوا عليكم مخالفات او لا اضغطوا فيذااا |
هلا والله وغلااااا ببنت ديرتي .. :) منوووره المنتدى ... والله هالحمله كانت من كم شهر بدوو فيها وبصراحه حمله حلوووه لهلي مايستحوووون يبلعون همييين علطوول يفتحون دريشة السياره ويرمونها بأي مكان .. يعني مره كنت مع اخوي بالسياره مادرينا الا المووويه اللي غطت السياره .. واثرها واحد شرب من العلبه ورمى الباقي :( وان شاء الله اخواني الاعضاء يستفيدوون من الرابط وان شاء الله ماعليهم مخالفات :) شكرا مره ثانيه خيتوووووو .. :) |
النظافة من الأيمان عبارة نككررها كثيرا باللسان لكن نصيب بعضنا منها الحرمان نتمنى أن تعمم الجهود على جميع المناطق ولاننسى "كورنيش الخبر" الذي يفجع من يزوره فجرا بعد ليالي العطل والاجازات اشكرك على الموضوع،، |
وعليكم السلام ورحمة الله وبركاته حملة ممتازة جدا وأتمنى تطبيقه والله يعطيك العافية |
من شب على شي شاب عليه بس الحمدلله ماطلع علي مخالفة |
شكرا لحفاظك على النظافة لا يوجد اي مخالفات على رقم اللوحة المحدد هذا اللي طلع لي... يعطيك العافية هلالية سدير.... |
وعليـكم السـلام ورحمـة اللـه وبركاتـه كـويـس تحـركـوا شـوي فـي هـ الأمـر الخطيـر .. اللـي أظـن لو كـل هنـود البلديـة ما ينظفـون هـ المخـلفـاااات !! على ماأظن بـ ماليـزيا (دولـة التطـور و التقـدم) اللي يرمي شيء رامـة ماليـة وتوقيـف ..! والحيـن ماليـزيـا أنظـف بـلد بالعالم .. تشكـر أمانـة مديـنة الريـاض اللـي تسعـا دائما للأفضـل ماشاء الله .. ونتمنـى يكـون قرار رسمي وتطبق في كل المدن.. مشكورة هلاليـة |
يعطيكـ العافية ،،، وان شاء الله يطبقونها بالشرقية :) |
تـمــام لايووجــد مـخـالـفـة .. :thumbup: |
ههههههههههههه والله قلق |
الله يعطيك الف عااافيه ع الخدمه الحلووووووه بس هم اصلا ماا يسجلوون على احد خخخخخخخخخخخخخخخخخخخخخخخخخخخخخ |
اول الله يكرمكم يقولون اللي يبصق بالارض عليه غرامة 300 ريال و لا شفنا شي ..! تـُـشكر امانة الرياض على الجهود :) ,, |
امس امي رمت من السياره مناديل انا ابلغ عن سيارتنا <بس الصراحه امي مو من عادتها ترمي الوصلخه من السياره والدليل لمن نرمي شي من الشباك تهزانا كاننا قتلنا واحد وبعض الاحيان تخلينا نجيب الي رميناه السياره هي (جمس 2004 رقم الوحه م ا <لالالالالا منيب قايله حرام |
إقتباس:
هلاااا سنعه المنتدى منور بوجودك والله :razz: على الأقل انتوا ماجاكم الا المويه ,, حنا مره ماشين بخط الرياض ,,وفجأه شي ضرب بالقزازة ,, وش هالشي ,, ماندري :confused: العالم ترمي وبس حيااااتس سنعه ,, نورتي الموضوع |
إقتباس:
امااا كورنيش الخبر حكااااااايه والله يفشل صااير مره ,, اللى يشترون من المطاعم يتركون قراطيسهم ووصاختهم ولا كأن هالشي عقبهم ,, فعلا نااس قذره بكل معنى الكلمه حياك اخوي الجاحظ ومشكور على المرور |
| الوقت المعتمد في المنتدى بتوقيت جرينتش +3.
الوقت الان » 09:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd