الرسالة الأصلية كتبت بواسطة ولد وايل (مشاركة 4203318) نعطي البلد اللي يبي بس يعطينا حقنا لمن توقف عند اشاره وتلقى سعودي في عز الحر ومعه ددسن 92 وجنبه ابو هنود بكامري ومشغل المكيف هنا الوطن مجرد كلمة لمن تروح للشركات وتلقى اللبنانيين والفلبينيين مالين الشركه في مناصب كبيره والسعودي سكيرتي هنا الوطنية مجرد كلمة لمن تطرح الجوازات 500 وظيفه ويقدم عليها 15 الف هنا الوطنيه مجرد كلمة لمن تروح لاحد المطاعم وتلقى سعودي يشتغل فيه ومع بكالريوس هنا الوطنية مجرد كلمة لمن يصدمك اجنبي وهو الغلطان ويطلع بكفاله وتتسحب على وجهك تطره عشان يدفع وبالاخير يدفع نص الفلوس تبي والا لا والحكومه لا من شاف ولا من دري هنا الوطنية مجرد كلمة لمن تمر من عند بيت فلا وعلان ويخلص بنزين موترك وجداره ماخلص هنا الوطنية مجرد كلمة لمن .......... و...........و............و.وووووووغيرها حدث ولا حرج هنا للوطنية مجرد كلمة ياحبيبي باختصار بالنسبه لي الوطنيه الدين ومكه والمدينه ثم اهلي تحيه لك ;)

ايه ماقلنا شي فيه تسهيلات بس بالنسبه لي ولك وللعالم المقتدره اللي وضعها المعيشي جيد هنا مافي مشاكل

جاوبني بصراحه يرضيك تشوف 300 الف سعودي عاطل والبلد مليان اجانب
ياخي الوطن على كثر ماعطانا وسهل لنا حرمنا من اشياء كثيره
غيرك يمسي ويصبح على قهر وظلم وتجنى والوطن لا سامع ولا شايف
والله ثم والله فيه ناس ماتصدق انهم سعوديين ورب الجلال لو شفت اللي انا شفته بالقرى البعيده عن المدن ان تجيك العبره من الوضع المأساوي
واذا ياخي ماياثر فيك تشوف السعودي يبيع في عز الحر والا بموتره ومافيه مكيف انا ياخي ياثر فيني ولا يرضيني
اذا يرضيك تشوف سعودي مستاجر وراتبه مايوازيه لا هو ولا عياله انا مايرضيني
اذا يرضيك ان الاجنبي يجي ويتحكم بالسعودي انا مايرضيني ولا يرضي الله سبحانه

اذا يرضيك تشوف سعودي ساكن في عزبه هو وعياله انا مايرضيني
ياخي انا موظف في شركة كبيره ونصف الموظفين اجانب والله العظيم ثلاث ارباع هالاجانب رواتبهم
اكثر بكثير من الموظفين السعوديين
ياخي وضع البلد مايسر عدو قبل الصديق
مستشفيات حكوميه كبيره تخرخر باستثناء مستشفى الحرس وبالواسطه بعد
رح شف جامعاتنا والله مافيها ولا جامعه تفتح النفس الا البترول والمعادن
كل الدوائر الحكوميه والشركات تمشي بالمصالح والمجاملات على حساب المساكين والسبب كله من التسيب
رح للجوف تلقا جامعه في بيت مستأجر واذا منت مصدقني انا مستعد اجيب لك صوره
وين الوطن عن الاحياء القديمه وخلنا بالرياض مانبي نروح بعيد وين الوطن عنهم
والا فلوسنا للبنان واخواتها وعيالنا كلن يطق راسه بالجدار
ياخي مانبي نجامل احد واذا حن نبي نشوف الايجابيات ونترك السلبيات ولا نكون صريحين مع بعض عمرنا ماتطورنا وراح تكثر الاخطاء والمشاكل
غيرك ياخي يبكي دم من الحرمان اللي يجيه
نسوي عمليات فصل اجسام عيال الاجانب وبنتنا في الجنوب تموت عشان ابوها مامعه مصاريف علاجها
انت ماانقرصت عشان تعرف الحق وانا اخوك والله لا يجعلك ولا انا ولا اي سعودي يحس بالقهر من جفا الوطن
كلامي هذا والله كله حب في هالبلد ولعيال عم بيني وبينهم دم وعرق وارض انولدنا وعشنا فيها

انا مدري انت قريت ردي زين وهل انا طالبت بهالامور الله يصلحك والا لا

باختصار الوطن له قدر عندنا كبير حتى لو جفا بنظل نحبه غصبن علينا لكن لا يطول الجفا
زرع فينا ان الوطن فوق كل اعتبار بعد الدين لكن هو عليه حق ولازم يوفي به

واخيرا الله لا يحرم هالضعوف من اهل الخير سواءا من الامراء او الشيوخ او غيرهم
والله لا يحرمنا ولا وياهم من رحمته
والعشم كله في ابو متعب