#1  
قديم 05/11/2006, 11:00 PM
زعيــم فعــال
تاريخ التسجيل: 03/09/2005
المكان: الشرقية
مشاركات: 434
طرائف لفيلسوف الكرة يوسف الثنيان....




السلام عليييكم يا حلوين يا شاطرين

هذي بعض مقتطفات مدري مقتنطات النمر المرحه والمعروف عنه أنه راعي فللله
تعالو نشووووووف....................


لمعروف عن الثنيان عدم مقدرته على حفظ أسماء زملائه اللاعبين بسهولة وفي البداية ظن زملائه أنه كان ( يستهبل ) لكن مع مرور الوقت أقتنع اللاعبون بأن هذه المسألة حقيقية ولا تقبل الشك .. حتى أثناء المباريات عندما يريد الكرة يضطر أن ينادي زميله بغير اسمه ولم يصدف أن تمر المباراة دون أن ينادي يوسف نصف زملائه بأسماء من بنات أفكاره


والمعروف عن النمر الآسيوي أنه إذا تضايق ولم يتذكر اسم اللاعب ناداه باسم (( أبو عبد المجيد ))
هذا الموقف وقع مع لاعب اهلاوي لأول مره يلعب أساسيا.. ومن سوء حظه أن مدربه كلفه بمراقبة الثنيان ( وأنتم تعرفون حوسة أي واحد يكلف بمراقبة يوسف الثنيان )المهم حاول هذا اللاعب بشتى الطرق القانونية
واللاقانونية الحد من خطورة النمر لكن بلا فائدة وأخذ يتفلت منه يوسف كما الشعر من العجين والجماهير تزداد هياجا.. حاول يوسف أن يهدئ من روع اللاعب ونصحه بعدم استخدام الخشونة ..لكن لا فائدة وفي أحد المرات تجاوز الثنيان هذا اللاعب بحركة ماهرة لا تخطر على البال مما سبب سقوط اللاعب فقام يوسف بتمرير الكرة للاعب هلالي آخر وعاد إلى
اللاعب وهو ساقط على الأرض فقال له أقول أخوي الظاهر إنك أول مرة تشوف الثنيان على الطبيعة.

..............................................

يوسف يكره محاضرات المدربين ويكره أن يعسكر وخصوصا إذا كان المعسكر في مدينة الرياض لأن ( الأهل جنب النادي ) ويوسف لم يقتنع تماما بمسألة الانضباط المفروض بل يجب أن ينضبط اللاعب من شعوره الداخلي وقناعته.

..............................................

المهم الذي حصل أن أبو يعقوب أستغل انشغال النادي بمحاضره المدرب فتسلل هاربا إلى منزله .. ولكن القدر لم يمهله .. ولم يتمكن من الابتعاد عن جدران النادي وبينما هو في طريقه إلى البيت إذا بأحد المتهورين يصدم سيارته فأضطر يوسف للعودة إلى زملائه اللاعبين لطلب الإسعاف ... سلامتك من الآه

..............................................

في أحد مباريات الهلال ضد التعاون كان الظهير الأيسر للتعاون متحمس مررررررررررة وفي إحدى الكور الثنيانية الشهيرة قام الثنيان بتجاوز اللاعب زي السلام عليكم ، وأخينا بالله الظهير الأيسر انسدح على الأرض ورفض القيام.
تدرون ليش ؟
أنشق سرواله.

..............................................

في احد معسكرات المنتخب ( منذ مبطي) كتب يوسف لوحة على باب غرفته يقول فيها ممنوع دخول العبيد.. جاه احمد جميل وقال له : ما يصير يا أبو يعقوب الكلام اللي أنت كاتبه وحنا كلنا عبيد لله .. حس أبو يعقوب إن أبو جميل زعل .. وطبعا يوسف حساااااس قام شال اللوحة وحط بدالها ممنوع دخول العبيد إلا احمد جميل.

..............................................

يوسف الثنيان له صديق قريب غلى قلبه أسمه إبراهيم القصيمي (إداري نادي الرياض السابق ) إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن الجهاز الإداري لنادي الرياض .. وفي أحد مباريات الهلال والرياض مررت كرة ماكرة للثنيان فأحرز منها هدفا جميلا فأنطلق يجري بأتجاه إحتياطي الرياض وبالضبط في أتجاه القصيمي ولم يكذب إبراهيم خبرا.إذ قفز فرحا وأحتضن الثنيان ومن يومهاوإبراهيم
القصيمي خارج نادي الرياض ........

..............................................

كان في مباراة مهمة للمنتخب ولابد من الفوز ولا الخروج من البطولة وللأسف إنهزم المنتخب , وفي غرفة الملابس شاف أبويعقوب خالد مسعد وهو يصيح , قاله قم قم يا خالد حنا السعوديين ما صحنا علشان تصيح أنت وجهك

..............................................

مره كانوا في المنتخب وكان حاتم خيمي معهم والرجال مشتري له ملابس جديده بدل وحركات(اللي هو حاتم خيمي) المهم قبل لا يلبسهم المسكين طلع من الغرفه و دخل الثنيان ولبسهم وطلع للاعبين وشكله يموت من الضحك لانها كبيره عليه كثير.. يوم شافهم يضحكون الا حاتم خيمي مولع من القهر والغضب ضحك الثنيان وقال: هذي الملابس اشتريتها وطلعت
وسيعة وكبيره لذلك قررت اعطيها حاتم خيمي .

..............................................

مباراة الهلال مع النصر ..
كان في فاول للهلال على لاعب النصر خالد الفرحان.. ولما حسب الحكم الفاول كان الفرحان يبحلق في يوسف وقاله يوسف وش تناظر اول مره تشوفني على الطبيعه!!!!!

..............................................

طلع الثنيان من المعسكر ويوم بغى يركب سيارته لقى سيارة الطرير مفتوحة والمفتاح داخلها..المهم اخونا في الله ما صدق خبر..خذ السياره وراح يقضي اشغاله الخاصه..يوم طلع الطرير ما لقا السياره فعرف ان الثنيان هو اللي خذها..ويوم شاف الرجال طول ما جا راح الطرير وبنشر سيارة الثنيان المهم رجع النمر اخر الليل لقا السيارة مبنشره..اول ما دخل لقا
الطرير وباقي اللعيبه يستنونه...و الشرار يتطاير من عيون الطرير وصاح في الثنيان :ليش خذت سيارتي؟؟
فجاوبه الثنيان بسرعة بديهة: والله لقيت سيارتي مبنشره قلت اروح في سيارتك ‍‍.‍

..............................................

( يقولون )
في احد معسكرات المنتحب في الملز ... كان الثنيان اذا أذن الفجر يقّوم اللاعبين لصلاة الفجر ويقولهم : قوموا صلوا ... لا يغضب الله عليكم ويخلي أشكالكم مثل شكل خالد مسعد .

..............................................

يوسف مرة ...
كانت السعوديه فايزه ببطوله وقفهم المذيع هو وماجد .
قال المذيع طبعا بعد ماانتهو من الكلام لمن تهدي هذا الانتصار قال ماجد اهديه لامي
رجع المذيع ليوسف قال لمن تهديه يايوسف قال يوسف اهديه لام ماجد

..............................................

حضر أحد اقاربي أحد تمارين الهلال وعندما صلو كان قريبي يصلي بجنب الثنيان يوم سلم الامام:
ألتفت الثنيان على قريبي وقال له:
أحلى صلى بجنب الثنيان

..............................................

في تصفيات مربع غرب اسيا والي اقيمت في لبنان..
كان تذكرون الملعب الي اقيمت علي التصفيات كان سيء جدا وكله حفر
وحالته حاله وزراعته الله بالخير ... عاد بعد حدى المباريات سأل احد المراسلين ابو يعقوب عن رايه بالملعب ؟
قال ابو يعقوب الصراحه انا اول مره اشوف ملعب مزروع نعناع !!!!!!

..............................................

كانت فيه مباراة الهلال والنصر وكانت هجمه للهلال ولاعب من لعيبة النصر يقول لاحمد جهوي امسك الثنيان وقال ابو يعقوب( الله ياااااااااااوكككككك )< يعني العطه

..............................................

كانت مباراه للهلال والنصر..
جا فاول للهلال واخذ ابن نصيب الكورة قاله الثنيان..(هات الكوره انت وراسك الي كنة مرتبة سيكل)‍‍.

..............................................

خذوا الموقف هذا من الثنيان .. في كأس آسيا في الأمارات 1996 الي فازفيها المنتخب .. في النهائي مع الأمارات .. بعد ماأنطرد حسين عبدالغني .. جاك اللاعب الي تسبب في طرد حسين .. مسكين ضعيف هذا اللاعب الأماراتي راح لثنيان وقاله ( على باله بيستفزه علشان ينطرد الثنيان ) قال هذا كبرك شايب وتلعب إلى الحين ( الثنيان كان عمره 33 ) المهم قاله الثنيان أحمد ربك أنك شفتني على الطبيعة قبل ماأعتزل .. المهم الضعيف ذاك طاح وجهه معد قرب من يوسف ..

..............................................

يقولون مره كان يوسف الثنيان داخل مطعم كبير في الرياض وكان المطعم مليان ناس وكان فيه واحد يقول يايوسف يا ابوراس كبير ..وكل شوي يوسف يلتفت يدوره..المهم والرجال كل شوي يقول يايوسف يا ابو راس كبير ..المهم طفش الثنيان وقام من مكانه وقال وين هذا الي ينادي بس ابي اشوف راسه..وقام رواد المطعم بالضحك.

..............................................

ذا موقف قاله يوسف بنفسه في مقابله مع مجلة اليمامة في احد ايام العيد , وطلبوا منه ان يذكر لهم موقف يرتبط بالعيد, وقال انه راح يصلي العيد وكان فيه نوم المهم انه قعد يتثاوب بالصلاة وبغى انه يغطي فمه بشماغه فحاول انه ياخذ شماغه ويحطه على فمه لكن لقى شماغه مهوب راضي يجي معه(كنه عالق بشي) ومير يجر الشماغ بقوه ويطيح شماغ اللي بجنبه وعقاله, المهم يوسف يقول انه انحرج وخلصت!!.
اتمنى اني ماأطلت عليكم

..............................................


تحـــــــياتـــــــــي ،،
اضافة رد مع اقتباس
  #2  
قديم 05/11/2006, 11:19 PM
الصورة الرمزية الخاصة بـ juve1897
زعيــم مميــز
تاريخ التسجيل: 09/07/2005
المكان: ظرف مكان منصوب وعلامة نصبه الفتحة الظاهرة على آخره
مشاركات: 7,956
الله على ايام الفيلسوف امنيتي انه يكون محلل رياضي
اضافة رد مع اقتباس
  #3  
قديم 05/11/2006, 11:29 PM
زعيــم مميــز
تاريخ التسجيل: 20/04/2002
المكان: من جِبآل أجـَا وسلمىَ
مشاركات: 1,688
فعلا كانت مواقفه كثيرة الله يذكرك بالخير ياأبو يعقوب
اضافة رد مع اقتباس
  #4  
قديم 05/11/2006, 11:37 PM
زعيــم مميــز
تاريخ التسجيل: 01/10/2006
المكان: هق... هق
مشاركات: 2,947
الله عليك يابو عبد العزيز
اضافة رد مع اقتباس
  #5  
قديم 06/11/2006, 08:02 PM
زعيــم فعــال
تاريخ التسجيل: 03/09/2005
المكان: الشرقية
مشاركات: 434
شكرا على مروركم الغالي

وهذا بو يعقوووووووووووووب
اضافة رد مع اقتباس
  #6  
قديم 06/11/2006, 08:37 PM
الصورة الرمزية الخاصة بـ ابوفي
زعيــم مميــز
تاريخ التسجيل: 01/05/2005
المكان: تبوك+مكه
مشاركات: 2,854
مشكوووووووووووووور
اضافة رد مع اقتباس
  #7  
قديم 06/11/2006, 08:56 PM
زعيــم مميــز
تاريخ التسجيل: 23/08/2006
مشاركات: 2,175
فعلا كانت مواقفه كثيرة الله يذكرك بالخير ياأبو يعقوب
اضافة رد مع اقتباس
  #8  
قديم 06/11/2006, 09:13 PM
زعيــم متألــق
تاريخ التسجيل: 12/02/2006
مشاركات: 1,401
أجـــل مــزروع بنــعناع .. الله يرجــك ياشيخ ..يابو يعـقــوب ..


هذا موقف قاله لنا الثنيان .. كنا مجتمعين أنا والعيال وأبو يعقوب هي كانت مره وأعتقد آخر مرة ...

المهــم الثنيان سأل واحد وين تداوم قال الشخــص في المكان الفلاني ( المكان بعيد ) تقريباً يبعد عن بيته قرابة الساعه ..

فضحك الثنيان وقال أكيــد يعطونــكم بدلات ( بدل زيت وسيفون )
اضافة رد مع اقتباس
  #9  
قديم 06/11/2006, 09:16 PM
زعيــم مميــز
تاريخ التسجيل: 27/06/2004
المكان: قـال إقـــامــه قـال
مشاركات: 1,891
خفيف دم يا ابو يعقوب .. !!
اضافة رد مع اقتباس
  #10  
قديم 06/11/2006, 09:48 PM
زعيــم نشيــط
تاريخ التسجيل: 24/08/2005
المكان: بااااااريس
مشاركات: 767
الله يذكرك بالخير يابو يعقوب
اضافة رد مع اقتباس
  #11  
قديم 06/11/2006, 10:40 PM
زعيــم متألــق
تاريخ التسجيل: 23/12/2004
مشاركات: 1,211
هههههههههههههههههههههههههههههه الا احمد جميل

ههههههههههههههههههههههههههههههههههه
وربي على نياااته

هههههههههههههههههههههههههههههههههههههههههههههههه
اضافة رد مع اقتباس
  #12  
قديم 06/11/2006, 10:53 PM
زعيــم متألــق
تاريخ التسجيل: 31/12/2004
المكان: عاصمة التمور
مشاركات: 1,207
هههههههههههههههههههههههههههههههههههههههههههههه
اضافة رد مع اقتباس
  #13  
قديم 06/11/2006, 10:54 PM
الصورة الرمزية الخاصة بـ << كبرياء هلالي >>
زعيــم مميــز
تاريخ التسجيل: 26/10/2006
المكان: الرياض
مشاركات: 2,477
آآآه بس يابو يعقوب
أما من بنات أفكاره حلووووه هذي أجل الله يعين اللاعبين خخخخ

مشكور اخوي الزعيم نت على الموضوع وماقصرت
اضافة رد مع اقتباس
  #14  
قديم 06/11/2006, 11:28 PM
زعيــم مميــز
تاريخ التسجيل: 27/08/2005
المكان: ها هنا
مشاركات: 4,398
الله على ايام الفيلسوف امنيتي انه يكون محلل رياضي
اضافة رد مع اقتباس
  #15  
قديم 07/11/2006, 12:09 AM
زعيــم مميــز
تاريخ التسجيل: 01/05/2006
المكان: الهوى ** شرقــآآآوي **
مشاركات: 13,283
اااااااااااااااخ ياابو يعقوووووب ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:52 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube