امس عقب المباراه دق علي نصراوي دايم انا وياه هواش
بدون مقدمات
هو: بالله هذا رئيس نادي
دحيم: الله يبارك فيك وحنا متعودين ع الفوز
هو: خل المباراه لاحقين بالله هذا رئيس نادي يطلع عقب المباراه وبالاسلوب هذا
دحيم: هد..هد يركدون وش السالفه وش قال!
هو: يتكلم عن لجنه الانضباط وانهم ما عاقبو الدوخي
دحيم: طيب الرجال معه حق
(يحاول انه يتكلم بدون عصبيه) هو: دحيم بالله انا قبل كذا قد كلمتك عن رئيسكم
دحيم: والله ما ادري انتم ما خليتو هلالي ما تكلمتو عليه
هو: ياخي وين راح الشريده وين راح تفاريس ما تذكر وش سوو حرام عليك
دحيم: يوء يوء كل هذا عشان تفاريس
هو: ايـــه
دحيم: طيب اولا هو لو يغلط الين بكره عادي دام جاب لنا بطولات
ثانيا كلامه عين العقل انا معك الرجال متنرفز بس الرجال مظلوم جاه لفت نظر وقطعو رزق النادي من دخل المباراه
وحرمونا حنا الجمهور من حضورها
ثالثا هو يوم قال عاقبو الدوخي قالها لنفس اللجنه الي عاقبت الجمهور في نفس المباراه يعني ما طلع كذا بدون سبب
وقالو عاقبو الدوخي يعني ياللجنه تبون تمشون النظام طبقوه ع الجميع موب الهلال بس
هو: يقاطعني بالله هذي تسميها عقوبه رح شف روما وانتر ميلان وش سوولهم
دحيم: وشلون يعني العقوبه شويه!
هو: ايه
دحيم: زين... نظام الفيفا بدررري عليك وعلى الاتحاد السعودي يطبقه عندنا
اما العقوبه حقتهم في ملاعبنا عقوبه كبيره لانها ما صارت قبل وعشان هاللجنه النايمه وينها من زمان
انتم تكلمتم ع جماهير الهلال وتقولون نيفيا هذي وش تسميها دعايه!!
هو: يحاول يصرف لا هذي عشان ازرق وابيض
دحيم: بدون سخافه واعذار بايخه انت تعرف معناها وبعدين جمهوركم يتكلم ع الاتحاد بعد وجمهور الاتحاد يتكلم ع الحكم
بكلام شوارع ما يرضاه لا دين ولا ناس يعني وقفت ع الهلال ليش الهلال بس
هو: يعني وشلون نبتل ياالجماهير ع الخطا ولا يعاقبون احد ...( طبعا الحين هو مقتنع ان جمهور الهلال ليس الوحيد)
دحيم: والله ياصديقي انكان هاللجنه النايمه ما صحت الا عقب هزيمه الاتحاد مهوب ذنبنا.. عاد احلفك بالله قد سمعت
باللجنه هذي ؟
هو: لا
دحيم: يبون يطبقون القانون حقهم اللي مدري من وين ماخذينه ولا احد يدري عنه مثلك ومثلي !
هذي مشكلتهم.. يعلونه عنها فالجرايد قبل المباريات يحذرون منها يسوون اللي يبون بس موب عالطول تجي من السماء!
وفيوم وليله وهم عند ادراه النادي حتى ما ادري متى لقو وقت يكتبون العقوبه يمكن قبل المباراه
..ولا تبي محمد بن فيصل يعصب ويقول هالكلام والله انه شويه عليهم وصراحه احسده انه مسك اعصابه
.......... طبعا هو هدا شوي ويقاله ما يبغا يصير غلطان قالي:
اصلن الاتحاد السعودي هو نفسه نادي الاتحاد
تذكر يوم النصر يجي من العالميه محد استقبلهم والهلال يوم يلعبون
الاسيويه الاخيره اخذو لاعبينكم لمعسكر المنتخب وطلعتو من البطوله والاتحاد وفرولهم كل شي في بطوله الانديه
العالميه واستقبلهم نواف بن فيصل وسو صجه عشانهم
دحيم: يعني الهلال ما له دخل طيب ليش معصب ع الهلال ولا تبينا ندور انا وياك اتحادي ونتهاوش معه
ابو الشباب توهق قال لا الهلال مخذ حقه بعد هو
دحيم: هماك تقول الاتحاد السعودي هو نفسه نادي الاتحاد ولا تبي تقولي الحكام يشجعون الهلال والاتحاد السعودي
نادي الاتحاد وانتم مساكين:p
هو: حس انه شطح بالموضوع قال اما الحكام حدث ولا حرج
دحيم: ههههه ضحكت هلالي واثق من نفسه
هماني اقولك الحكام هم سالفتكم يالضعوف
هو: (الحين هو يذكرني بالتحكيم الين وصلنا للحكم بلقوله)
دحيم: يانصراوي يا معفن قلتو جوبو اجانب جابولكم اجانب وش يسوون ما بقى الا المريخ واخاف انهم هلاليين بعد
هو : الهلال يشتري البطولات بفلوسه بعد
دحيم:
وش بقى ما خليتو شي طيب ليش انتم بدل ما فلوس دنيلسون وفلوس البلوي تشتترون بطوله وتريحون
انفسكم
طبعا السالفه ما خلصت مده المكالمه 45 دقيقه وانا طفشت قلت يا ولد هذا نصراوي ما ينفع معه الكلام
مالها الا الحل الاخير
دحيم : تدري انت ما تفهم وترى للمعلوميتك سامـــــي عبداللـه الجـابــــــــر
افضل لاعب سعودي مر عالتاريخ الكره السعوديه
هو: جاه الصمرقع
( انا اشهد انك ياســــــامي قاهرهم)
اسف عالسالفه اللي مالها سنع بس شسوي ابغى اكتب موضوع
واسف عالاطاله <<< صارت تمارين
صراحه انا اتوقع
ما فيه فائده من الموضوع لسبب واحد وهو بحسب نظري وجيه<<هي جت كذا
هو انك تكلم فـقــــــــــــــــــراوي ,,,,,,,,,,,وشكرا