بسم الله الرحمن الرحيم ...
السلام عليكم ورحمة الله وبركاته .....
مساكم الله بالخير أيها الزعماء ومبروك النقاط الثلاث ولاهيب غريبة على الزعيم فهذا شيء طبيعي .....
السالفة اللي ابقولها لكم وش سوى الهلال اليوم عشان يستحق الفوز .....!

وأجيب بالآتي :
الهلال لعب لعب منظم وجميل وتسيد أكثر فترات المباراة حتى وكأننا نلعب على باب واحد وهذه وحدها كافية لنفوز بالمباراة ....

رأينا لمحات جميله وراقيه ولا زال الزعيم يثبت انه زعيم بلا منازع فهو اليوم خارج أرضه وشفنا المدرجات اكتست باللون الأزرق وكأنها تقول للجميع وين ما لعبت ياهلال ماعليك خوف ....

الفيصلي تقوقع في منتصف ملعبه وما جاله إلا كورة أو كورتين في الشوط الأول ومثلهن في الشوط الثاني ويا ليت المدرب لعب دوره مضبوط يوم شاف الوضع كذا لكن نصبر عليه مثل ما صبرنا على باكيتا من قبله ...!

بصراحه اليوم شكيت في وجود الدعيع بل اني كنت خايف تجيه كورة مباغته ويتحرك فيها وتسبب له شد عضلي لأنه كأنه اليوم في راحة ويا ليت المدرب ريحه ونزل بداله الصويلح بدال ما يطلع نواف اللي كان روح الزعيم في الشوط الأول ....

عموما نجومية المباراة اليوم تجير للعموم بدون استثناء ......

الدعيع : كفيت ووفيت ...

تفاريس والمرشدي : دفاع شرس ومستميت ... هكذا الدفاع وإلا فلا ...

العبدالسلام : نجم رائع والظهير الأيمن لم يعد مشكلة الهلال إن شاء الله ...

الخثران : آآآه منك يا رائع .....

عزيز والغامدي والهليل : ريحتوا الدفاع ماشاء الله عليكم ....

نواف : ما في الحتسي (الكلام) فايده ... صدق من سماك الفتى الذهبي وبس ..

الشلهوب : افتقدناك .... حسبي الله على كيتا جعله ما يربح ....

التايب : انكسر حنتسي (حنكي) من كثر ما أفهي مع لمساتك يا مبدع ...

الصويلح : تحياتي لك يا كبير .....

القحطاني : لاخوف على الزعيم وانت قائد هجومه ......

تحيتي للجميع .....