السلام عليكم
وش إخباركم؟ وش علومكم؟؟
بقول لكم ثلاث :p مواقف صارت لي في المدرسه والسبب الهلال

الموقف الأول:
يوم كنت في ثاني متوسط كان عندنا حصة تدبير
قالت المعلمه تعالي اشرحي لهم تطبيق الدرس كان عن تجميل مناديل طاوله الطعام
لأنه الماده الوحيده اللي فالحه به و الا الباقي ما عندك احد
وكان في نفس اليوم مباراة الهلال والاتحاد وكنت جالسه أفكر في المباراة وتحديد
كان يوم الاثنين مستحيل انسى ذاك اليوم المهم وانا اشرح لهم ابقول نقلب المنديل
على الوجه الثاني قلت لهم نقلب المنديل على الشوط الثاني:p البنات ماتوا من الضحك
والمعلمة جالسه تكتب على السبوره ولا انتبهت وش قلت الحمد لله
بس هاوشت البنات ليش يضحكون علي
أنا صار وجي احمر من الفشيله البنات يقلون صرتي طماطه...انواع تلقيط
الوجه وتبت بعده اشرح لأحد :sad:

الموقف الثاني :
كان ثاني يوم لي في أول ثانوي وكانت حصة E وأنا مافيه أمل افهم هالماده
طبعآ كالعاده سرحانه سمعت المعلمة تقول مثل الهلال شهقت ونزيت ورفعت أيدي
من غير شعور وقالت قومي وش معنى الكلمة قلت نادي ضحكت وقالت لا فريق
طااااااااااااااااح وجهي وصار أنواع الألوان ...............:p

الموقف الثالث :
أيام ثالث متوسط كان عندنا في التاريخ عن الدوله السعوديه تحديد صفحة 60 واحد اسمه محمد بن فيصل :p
وكانت المعلمه كل ما قومتن أقول محمد بن فيصل حتى لو ماله دخل وهي تحسبنا غلطانه تقول لا انتبهي
ما تدري اني قاصده وشكله من كثر ما اقول له تعقدت وجابت في الاختبار النهائي اشرحي ماذا فعل محمد بن فيصل.......الخ؟ طبعا مااحد جواب إلا أنا لان ما احد توقع انه تجيبه

عقب هذي المواقف تبت أروح للمدرسه قبل والا بعد المباراة وأخرها مباراة الهلال
والاتحاد غبت قبل وبعد المباراة

اللي عنده موقف يكتبه ;) لان اليوم مثل ماقلت أخر يوم لي في المنتدى
وأبيها تصير ذكريات بيننا وأبي اضحك لان بكرى عندي اختبارات الله يعين
انتظر الردود وش اكثرموقف عجبكم ؟؟ والى اللقاء
اختكم
زعيمة آسيا

اقول الله يوفقك فى اختباراتك

أذكر في مباراة للهلال مع النصر اللي سجل فيها ابويعقوب الله يذكره بالخير
المهم اللي سجل في هدف ونه نزل ماجد يسنتر
كنت موجود بالملعب من العصر ويوم بقى نصف ساعة المباراة وبدأ الحماس جتني الله يعزكم جزمه مع الرأس من جماهير النصر
قمت ورديتها لهم إلا العسكري جاي يمشي ألفين ويتلني مع كتفي وإلى السجن اللي بإستاد الملك أو غرفة المهم قبل المباراة تنتهي بربع ساعة سحبو أول أربعة طبعاً أنا منهم قلت زين أشوف الشباب وأرجع للديرة بدون مباراة الله أقوى
مادريت إلا الجيب واقف مفتوح بابه وينقلونا إلى شرطة الروضة وخذ جلسة بالسجن مع حشاشين وأفغان وووووو لإلى 12 بالليل
الله لايعيدها من ذكريات


يسلمووووووووو وآسف على الإطالة

الوجه الثاني قلت لهم نقلب المنديل على الشوط الثاني:p
هههههههههههههههههه حلوة هالمواقف

وبالتوفيق لج انشالله بامتحاناتج
ودمتي بود

يعطيك العافيه..

مع ان الموضوع تافه..

يعطيك العافية

مواقف حلووووووووووووووه يعطيكم العافيه

اقـووووووووووووووووووووووووووووووووووووووووووووول

كــــــيــــــــــف الـــــــحــــــــــــال