02/11/2006, 03:40 PM
|
 | زعيــم متألــق | | تاريخ التسجيل: 11/07/2005 المكان: نـبـضـي آلـسـعـوديــهـ
مشاركات: 1,119
| |
|
قناة الزعيم راح تتغير ... ؟ لاااايفوتكم
رحت النادي وسويت لهم قلق الإسبوع الماضي عشان قناة الزعيم أبي استفسر عنها شوفو اللي حصل معي .
قام واحد من الشباب اللي في النادي ووصف لي مقر القناة قلت يارجال خربها ورح ادخل عليهم .
والله وروح عند مقر القناة قلت ادخل ماادخل ادخل ماادخل وبالأخير تشجعت ودخلت القناة والله ياهو مقر واااو رووعه المهم دخلت عليهم وسلمت وقلت لهم أنا زعيم وأبي أقترح بعض المقترحات على القناة . تتوقعون من اللي كان مستقبلني هههه ماحد قد مدير القناة .
المهم جلسوني وجابو لي كابتشينوا ورحبوا فيني .
طبعا مدير القناة سعودي لا ومتعصب هلال المهم صرت آخذ وأعطي معه ماخلى لي فرصة أتكلم قال : لي لاتستعجل وبعد شهر تعال للمقر القناة وعلمني رأيك .
اللي ماسك القناة أول مافتحت كانو من لبنان ومصر حتى الكنترول لكن القناة جابوا المدير هذا اللي هو السعودي يقول إن أول الخطوات اللي أتبعها .
تم توظيف 15 موظف سعودي هلاليين ومتعصبين وعندهم معرفه في أمور النادي يعني الكنترول صار طاقم سعودي وتم تدريبه .
قلت : شي حلو .
قال : القناة من اليوم إلى شهر راح يكون نظامها غير غير .
قلت : وشلون .
قال لي : بعد إستلامي للقناة كبرت الشاشه وهاذي أول خطوة واعتقد حجمها مناسب وقال لي باذن الله بعد شهر من الآن راح يكون هناك برامج في القناة .
وهي ستة برامج كل يوم في الإسبوع برنامج والبرامج هي الأول : نقل مبارة قديمه للهلال حسب مايطلبه الجمهور . يوم واحد في الإسبوع يتحدد اليوم .
الثاني : نقل مهارات لنجم هلالي والهلال ملينان نجوم وعرض أهدافه ومهاراته وتسحيباته وبامكانك وضعها في جوالك عن طريق الرسالة واستقابلها في الجوال .
الثالث : عرض بطولات هلالية ولقائات مع اللاعبين يتكلمون عن البطولة يعني مثل البطولة اللي حققها الهلال أمام النصر ثلاثة صفر . يقابلون مع اللاعبين اللي لعبوا المبارة مثل النعيمة البيشي ويتحدثون عن تلك البطولة . بعد نقل المبارة طبعا كاملة . وهذا بعد يوم في الإسبوع
الرابع : مقابلات مع اللاعبين الهلاليين الحاليين ورئيس النادي والأعضاء مقابلات جديده ويبي يصير للجمهور الحق في طلب أي لاعب وطرح الآسئلة عليه . وهم اللي يختارون اللاعب .
الخامس : من تاريخ الهلال . عرض لاهداف قديمة ونجوم قدماء ويتكلمون عبر القناة عن نادي الهلال والأيام الحلوه في النادي .
السادس : برنامج فكاهي على غرار صادوه وحيلهم بينهم يعني مقلب في أحد اللاعبين .
السابع : نقل تدريبات الهلال أولا بأول واستعدادات اللاعبين وكذلك مقابلات مع اللاعبين اللي في غرفة العلاج علشان نطمئن عليهم .
وقال لي برامج كثيره راح يسونها .
طبعا سألته قلت ليش ماتنقلون مباريات الهلال . قال فيه أشياء خارجه عن إرادتنا تمنعنا من نقل المبارة لكن وضعنا شريط خاص بنقل أحداث المباريات غير المنقوله وهذا بدأ من مبارة الهلال والإتفاق
يعني اذا مبارة الهلال والفيصلي ماراح تنقل تقدر تتابع أحداثها أول بأول من خلال القناة .
وانتهت الزياااارة والف الف مبروووك لنا يازعماء وشكر عميق للقائمين على القناة ولرئيس الهلال . |
الوضع العادي
