الأحداث الأخيرة ..... توضيح ...... أهلآ بالزعماء@ - صفحة رقم 8 - نادي الهلال السعودي - شبكة الزعيم

ssaale7 · #106 01/11/2006, 07:41 PM

:لتتحامل على الجمهور قلنالك 1000000000000000000مره تبي ناس يشجعون تعال الدرجه الثانيه ولا حط مكرفونات وشف الفرق بالتشجيع والدليل باستاد الملك تكون مع الجمهور والكل يشجع

الحزين&&& · #107 01/11/2006, 07:50 PM

شاكرين لك ياأخ إبراهيم حقوي

لكن صدقني ياإبراهيم ألي يسب امك وابوك صدقني هذا مو جمهور الهلال

هذولي يريدون يشتتون رابطة الهلال

وأتمنى لك التوفيق والسعاده

شــاهــيــن · #108 01/11/2006, 07:57 PM

بصراحة أنا ماتخيل إن فيه ناس يسوون كذا في مدرجات الهلال !!!!!!!!!

من جد ما أتخيل والمفروض إن أقرب واحد للي سوى الحركة يشيله ويقطه من فوق لين مايطبح إلا على وجهه في الشبك تحت ...

من جد ماااا أتخيل إن فيه ناس بيننا كذا

نعنبو حيكم أخاف نصير مثل جماهير النثر بكرة والإتحاد !!

من الآن أقول للجمهور اللي تشوفونه يفتح فمه شيلوه شيل ولا تنزلونه إلا برى الملعب من شان إذا نوى يحضر مره ثانية يحضر بأدب وأنا متأكد إنهم كم بزر وما يجون ثلاثه أربعه

الكناري الأزرق · #109 01/11/2006, 07:59 PM

الله يعينك يا ابو خـلـيـل ,, الله يعينك يا ابو خـليـل ,,

لمبارد · #110 01/11/2006, 08:13 PM

هلا وغلا باسد المدرجات ماعليك من هذولي القله من الجمهور الهلالي واصل ابداعتك

blue grana · #111 01/11/2006, 08:13 PM

اخوي ابراهيم

في مقوله مدري ايش اسمها المهم اتذكر اني اخذتها في احد الصفوف

للجاخظ يقول

الحسد ابقاك الله داء ينهك الجسد .....

ونحن دائم نعرف بأنك قائد للجماهير

شفت وشلون خليتك مثل سامي خخخخخخخخخخخخخ

فأتمنى ان الكلام اللي سمعته تنساه وما كانه في شي وعارفين انه قلبك كبير

واللي ما يبي ازعاج يجلس يتفرج في البيت

وش يبون الملعب صف عزاء ولا ايش

استمر يا ابو خليل ونحن ورائك

تحياتي للجميع ...

واحد عاقل · #112 01/11/2006, 08:16 PM

والله انا شفت الردود وهي متباينه

لكن يابو حقوي انت شف السلبيات وتفاداها وشف الايجابيات وطورها

بس تأكد هاذي اختلافات وجة نظر وفي النهاية تصب لمصلحة نادينا يعني اختلاف وجهة النظر لايفسد للود قضية

ابراهيم انت مخلص والجميع معك بأذن الله لكن نبي تطور افضل نبي متعه تكون سهره كرويه ممتعه

اما الي يسب ويشتم هاذي ترجع لتربيته

ولك خالص تحياتي

قسوة الزعيم · #113 01/11/2006, 09:45 PM

الله يعطيك العافية اخي إبراهيم على توضيح هذه الحقائق الهامة بخصوص المباراة مع الأتحاد...

امام ما يخصك انت فلا عليك من اصوات تعالت وتكالبت عليك وهي لاتعرف من هو ابراهيم لانها جاهلة بك وهي جماهير
خارجة عن قاعدة الزعيم وجماهيرة.... فأستمر ياخي على ما انت عليه ولاهمك منهم فانت سيد الكل وعلى رؤسنا،،،

تشك البلوز · #114 01/11/2006, 10:02 PM

مشكور يا حقوي

القافلة تسير والكلاب تنبح
والى الامام ياحقوي الاسد

مارد البطولات · #115 01/11/2006, 10:21 PM

ويلوموني فيك ياحقوي

الله يعينك

لو واحد غيرك اعتزل

تحدوهـ البشر · #116 02/11/2006, 12:45 AM

يعطيك العافية ابو خليل

وكلام جميل ولكن بودي ان اسئلك من هم اعضاء مجلس الجمهور الهلالي وماهي اسمائهم

ومن يكون فهد العجمي وهل فواز الدوخي هو الي كان يردد كلمة يهلال عزك عزنا

ارجو التوضيح لانة بصراحة التبس علي الامر كل مرة يخرج علينا واحد ويقول انة مجلس الجماهير الهلالية

بارك الله فيك والله يعطيك العافية

hamd · #117 02/11/2006, 12:49 AM

إقتباس

الرسالة الأصلية كتبت بواسطة هلالي من ميلادي


	اسد المدرجات شكر ا لك لحرصك على سمعة الجمهور الهلالي والله لايحرمنا من امثالك وسنكون كاليد الواحدة ورى نادينا وستمر ياحقوي في اهازيجك ونحن معك والله يوفق الجميع

..

الكنكورد انا · #118 02/11/2006, 01:26 AM

شكرا لك يااسد المدرجات
نحن نثق بك ونعرف انك تواجه صعوبات مع الجماهير
لكن هذه الجماهير قله قليله
وباقي جمهور الهلال جمهور واعي
نتمنى ان تستمر في قيادة جمهور الزعيم

أبو زاحـم · #119 02/11/2006, 01:30 AM

توضيحك.. وصل...وان شاءالله يتم القضاء على هذه الفئة التي تسب وتشتم ...

ابو وليد الحمزي · #120 02/11/2006, 01:31 AM

مشكور أخوي إبراهيم

وبصراحه أنا قابلتك في مدرجات ملعب حائل في مباراة :

الهلال X الطائي

وبصراحه أنت شخص مبدع ومجتهد ومتواضع وتستمع لآراء الجمهور.

وأغلب الحاضرين يستمتعون بأهازيجك الرائعه.

وإن شاءالله نشوفك في مباراة الهلال بحائل.

ومازلنا نطمع بالمزيد والجديد من هذه الرابطة الرائعه.

وأعلم أخوي إبراهيم إن الناجح دائما ً محارب.

وتقبل تحياتي ،