الغالي : إبراهيم حقوي [ أبوخليل ]

اقول كما قال الأخ الصنطران : كلما زاد نجاحك زاد منتقديك

أنت مبدع والله إنك مبدع لآخر درجة

ولا يهمك اللي يسبون هؤلاء مايعرفون الكرة ،،،

وانت صادق في كلامك

واللي مابيغا الرابطة فيه مقاعد كثييير بالملعب خالية من الرابطة ....

ونسأل الله التوفيق لك والسداد

أخوك ومحبك/ السـ9ـام = أبوعزوز

مشكور يابراهيم

وانا اعرفك شخصيا رجل محترم بكل ماتعنيه الكلمه

واقسم بالله اني تضايقت من الكلام اللي سمعته عنك من بعض الجماهير

وحزنت وحسيت بالقهر من جد فما بالك لو انت تسمعه يابراهيم

الله يلوم اللي يلومك يابراهيم

وانا في احد الاشخاص من خلفي اسمعه يقول العن 000 ياحقوي وش فيك ساكت

وقالها عدة مرات وانا ماسك اعصابي ماودي التفت عليه واسطره على وجهه لاني من جد انقهرت من كلامه

عاد يوم كثرها التفت عليه وقلت اخوي انت هلالي قال ايه وش بفيت يالغالي

قلت ياخي حقوي من اليوم يردد أهازيج وماشفتك رددت معه والحين يوم سكت قلت ليه مايردد

قال بس ياخي هو رئيس الرابطه وهذا من حقه انه يلقي اهازيج

قلت وانت وش قال انا مشجع قلت طيب مو من واجباتك انك تردد معه قال حلقي نشف

وقلت له ليه حلقك ينشف وحلق ابراهيم ماينشف يعني ابراهيم من عالم ثاني

ابراهيم بشر يحس باللي نحس فيه

قلت الله يهديك بس ويصلحك وعيب ترا ذا الكلام لعن وسب وشتم والله عيب

سكت وماعطاني وجهه

عاد صبرت شوي وقلت خلني اساله هو هلالي ولا يستهبل

سالته متى مباراة الهلال الجايه

قال والله مدري متى بالضبط لكن اتوقع انها مع الحزم

قلت له مساك الله بالخير

وسكت عنه وعرفت ان ماعنده ماعند جدتي

ابراهيم نحن نحبك نحبك نحبك

واذا تبوني اصير معك بمجلس الجمهور ماعندي مانع

بس خلني اشوف وشو مسؤلية المجلس وكل واحد وش مطلوب منه واذا حسيت اني اقدر عليه

انا في خدمة الهلال وفي خدمتك

ويعطيك الف مليون عافيه يااسد المدرجات

اخوك بجاد بن بجاد ال بجاد

مشكور يابو خليل ولا عليك من العذال

اخوي ابراهيم مجهووودك واضح وتشكر عليه

والله من حقك تزعل والله الي نشوفه في الملاعب يكره الواحد في الكورة

ناس همج كل همها تسوي مشاكل

والله ما ادري كيف اشكرك على سعة صدرك وانا والله كنت جنبك في مباراة الإتحاد واغانيك ما في الحلا منها ورابطة الهلال افضل رابطة في المملكة وارجوا من البعض البسيط من الجمهور إذا جاي يسب هذا ويلعن هذا أنه يقعد في بيته يناظر المباراة وارجوا من ابو خليل انه يغني بعض الأغاني اللي كان يغنيها في السنة الماضية

والف شكر لك يا بو خليل

توضيحك وصل ولايتهمك احد الا عديم الاخلاص للزعيم ولتشجيعه

للاسف عشنا وشفنا

إقتباس الرسالة الأصلية كتبت بواسطة القناص مرعب الحراس20 شكرا لك يااسد المدرجات نحن نثق بك ونعرف انك تواجه صعوبات مع الجماهير لكن هذه الجماهير قله قليله وباقي جمهور الهلال جمهور واعي نتمنى ان تستمر في قيادة جمهور الزعيم

......................

والله لو تبطلون قرقعه وازعاج يكون احسن . . .
...
..
.
شجعوا مثل الفرق الأوربيه
...
..
.
.
رابطه واغاني كأني في حفله . . وتبون الناس تشارك


نبي تشجيع يرعب الخصوم مثل اليابانين او الأوربين مو تشجيع يطرب الخصم ! ! !

مشكوووووووووووووووور

طيب خللك في نصف المدرج الإمامي


يعني تعال وسط الجمهور الكبير



وليس في زاويه يا حقووي






اما من يشتمك ويسبك فهذا مريض



ورب الكعبه




ما عليك منهم بس تعال بالنص مو في الجنب

ابو خليل والله ما قصرت والله لك الحق في الي تقوله والله ياابراهيم المدرجات صار لها طع وحلاوه يوم جيتها والله صرنا ننطرب من الاعبين ومن اهازيجك الرائعه وحقك علينا اذا احد غلط عليك وبالتوفيق لك يا اسد الملاعب

ابراهـــــــــيم ماقصرت بس اللي نشوفه في التلفاز انه مافيه تنظيم في مدرجات الهلال
وانا كنت اتمنى اني في الرياض والله التمارين ماغيب عنها