01/11/2006, 06:03 PM
|
زعيــم مميــز | | تاريخ التسجيل: 27/04/2005 المكان: الرياض
مشاركات: 1,929
| |
| إقتباس | | | | |
الرسالة الأصلية كتبت بواسطة كاكاو | | | | | | | |
حيا الله ابو محمد
والله دائما تسبقني بالافكار وبطرحك الجميل
انا معك في كل اللي قلته خاصة طريقة التشجيع اللي سووها تشلسي
تصدق اول ما سوو الحركة جتني رساله من صديق عزيز يقول لي (ادري وش تفكر فيه يا الهلالي)
ووالله انه صادق اي شي اشوفه على طول اتخيله في المدرجات الهلالية
بس يا سلمان انا حتى الحين ما طابت نفسي من حركة تلوين المدرجات
احس اننا ما بعد عطيناها وقتها الكافي
جربناها مرتين وبعدها نسينا
الكل الحين تعرف على الحركة وعرف كيف يتفاعل معها
فيا ليت نستغل الفرصة ونرجع نحاول نسويها بمساعدة مجلس الجمهور الهلالي
وبالحديث عن مجلس الجمهور الهلالي بعاتبهم من قلب محب وبقولهم وش غيركم
الحماس تغير
التفاعل مع الافكار تغير
المواضيع المطروحة في المنتدى ما تقارن بالمواضيع اللي كانوا يطرحونها في الموسمين اللي راحو
حتى الرابطة بعيده عن الجمهور والكل يشتكي من بعدهم ومن مكانهم البعيد
نبيهم يرجعون للواجهة
صدقني مستوى التشجيع في الموسم هذا اقل بكثير من المواسم اللي راحت
اسف على الاطالة
ولا تبطي علينا بمواضيعك | | | | | | هلااااااااا شيخ كاكاو
هلا باللي يدخل مسنجر مرتين في السنة
مرة يسولف والثانية يكون مشغول
وش اخبارك عساك طيب ؟
شكرا على المداخلة
وفعلا حركة المدرجات الملونة طبقناها في مباراة او ثنتين ولازم نسويها لين نشبع منها
عاد ان شاء الله المباريات الجاية الملعب يمتلي لان جمهور الهلال في الرياض حااااقد عقب القرار الظالم بنقل مبارياته
وأتوقع اقرب مباراة للهلال في الرياض العالم بيجتاحون المدرجات
وبالفعل مستوى التشجيع نزل بقوة ولازم نسوي له عملية انعاش قبل ما يرجع الجمهور زي أول تقشيم حب
ألف شكر لك |