جلد(ن) مب جلدك مر به على الشوك ..! - نادي الهلال السعودي - شبكة الزعيم

هلالي القرعاء · #1 30/10/2006, 01:28 PM

بسم الله الرحمن الرحيم

السلام عليكم ورحمة الله وبركاته ..

كما هي العادة .. المقدمات تشكل حاجزًا لـ البعض وأنا منهم ..

ندخل دووووغري بالموضوع ..

العاميه أنسب لي ..

يوم الأمس ( الأحد ) طبعًا هطلت علينا أمطار قويه مع صلاة الفجر تقريبًا ..

آخر الليل كانت ترش وبعد الصلاة جت أمطار قويه ..

إرتوت الأرض من بعد جفااااااااف .. الحمد لله .. اللهم إجعله صيبًا نافعًا ..

صلينا الفجر طبعًا وجت الساعه 6:30 موعد المدارس ..

طبعًا السواق مسافر وما في الا محمد يودي اخوانه للمدارس ويجيبهم ..

عمومًا تقفيت (بمعنى إستعجلتهم) اخواني وطلعتهم مغمضي الأعين .. بينما أنا مصحصح لأني نايم كـ الدجاج من 9 بالليل ..

وأنا في الطريق كانت الأرض غرقانه بالماء .. وطريق الأمير سلطان تحوم فيه المياهـ ..

يعني الواحد لازم يهدي ويمشي 40 او 50 او ان كثـّـر 60 .. منعًا للإنزلاق .. :p

كل هذا مادخلنا في الموضوع اللي أنا أبي أتكلم فيه ..

السواقين أو مثل مايقول البعض (سواويق) ..

أمشي في الشوارع المليئه بالمياهـ وأشوف ذيك السيارة اللي تمشي بـ سرعه في الأمطار ..

اللي يسوق السيارة سواق أجنبي !

السيارة الثانية تمشي في الحفر بدون ماتهدي ..

اللي يسوق السيارة سواق أجنبي !

السيارة الثالثه ينط المطب بدون ما يهدي ..

اللي يسوق السيارة سواق أجنبي أيضـًا !!

حسبي الله عليهم .. السيارة مب لهم .. ما يهتمون فيها ولا يفكرون يهتمون فيها ..

وبعدين يجي عند الكفيل (بابا سيارة كربان) جعلك للخراب اللي يهيدك .. طاعوووون

والله مهازل من السواقين .. تشوفهم يمشون بالسيارة بـ دون مايهدي عند المطب ولا عند الحفرة ولا أي إهتمام ..

سيارات موديلات الـ 2004 والـ 2005 والسواق ماشي طاير ..

وإذا وداها الوكالة أو الورشة طلعت البلاوي .. حسبي الله عليهم ..

طبعًا رجعت البيت أفكر في السواقين وتعاملهم مع السيارات ..

هم يطبقون ما سمعته على لسان داود حسين .. يوم ما قال "حلال عمك لا يهمك" يوم كان في دور السواق ..

طبعًا ماأقول كل السواقين لـكن الأغلبيه ..

رجعت البيت وجت الساعه 12 موعد الخروج من المدارس أو الإنصراف ومثل ماتقولون أنتم (الطلعه) ..

أختي الصغيرة .. راعية الفيمتو وقشطة المراعي

مدرستهم الشارع اللي قدامها غرقااااان بالماء ..

يعني لازم نلزق بالرصيف ولا ما تقدر تاصل للسيارة ..

ومعاناة مع المناقز .. أشوف بنات الإبتدائي تقل ضفادع يلزق السواق بالرصيف وهي تنط ..

لأنه الماء يغطي الأقدام ..

وأنا جالس أنتظر فاتح الطاقة الجو حليو ..

ويجي ذاك السواق بالسيارة ماشي يمكن 40 جنبي .. يا*****

ويوقف وأقعد أصارخ عليه مأليش مأليش ويروح .. الشرهـة على اللي عطاك السيارة ..

المهم مرت على خير وأخذت الأخت وسرينا ..

عاد طبعًا جدهـ مابها ملح هي والحفر .. حتى في أرقى الأحياء حفر وجفر ..

وكل شوي طايحين بـ حفرة .. مانشوف من الماء .. لأنه مغطي على الحفر ..

يعني لازم الواحد يمشي بـ هدوء ..

طبعًا رجعت البيت وجالس أتشكى لـ أهلي من الحفر اللي تخرب السيارة ..

يقول الوالد أنه سافر للحبشه .. هو وزملائه في شغل من زمااااان ..

يقول في الحبشة مع دخلتنا جاء مطر قوي .. والأمطار تضرب لكن الشوارع مافيها ماء ..

إذن يعرفون وشلون يشفطون الماء من الأرض بـ طرقهم ..

وحنا في السعودية أكثر دولة فيها نفط ..

ماعندنا تصريف ولا عندنا شوارعـ(ن) زينه ..

....

هذرة وسواليف ..

المبتغى انتبهوا من السوااااقين .. وياليت لو تخصصون يوم كذا تراقبون سواقينكم تشوفون وشلون يمشي بالسيارة ..

طبعًا معك يمشي تمام بس إذا صار لـ حاله مايترك مطب ماينطه ولا حفرهـ الا وياكلها ..

ويجيكم سيارة كربان ..

بالمناسبة .. الأجواء الحين غيوم والشمس مختفية وترش مطر .. وبرق ورعد .. حقها طلعه على البحر ..

بس الإختبارات ماتسمح (وجه مبرطم) ..
لحد يسأل عن التنسيق

هذا وصلى الله وسلم على نبينا محمد ..