29/10/2006, 01:50 AM
|
زعيــم متألــق | | تاريخ التسجيل: 16/07/2002 المكان: الرياض
مشاركات: 1,197
| |
والله اني ملزم على اخواني يكونو بالملعب ويا ليتني بالرياض حبايبي الزعماء
يا أهل مدينة الرياض وضواحيها
أنا أبقولكم كلمة
ويمكن تأثر عليكم
انا من اهل الرياض لكن للأسف جت الدوامات والحين انا بابها
صدقوني كل المباريات الي لعبها الهلال في رمضان حضرتها لأني كنت في الرياض
ليش أنتم ما تحضرون
مو بس مباراة بكرا
كل المباريات
20 ريال وساعتين في الملعب بس
يعني كل اسبوع نبغى منك 20 ريال وساعتين من وقتك
صعبة ذي يا ناس
الي يقهر بعد
المقاهي تمتلي كله عشان معسل ويقعد من بعد العشاء الين يسكر المقهى
طيب خلك معي
خذ من وقت المقهى كل اسبوع ساعتين بس
ووفر راس معسل واشتر فيه تذكرة
ومنها تشوف الهلال عن قرب وتبعد لو ساعتين عن أجواء المقاهي البايخة
والله اني عرف نص شباب الرياض متواعدين بكرا يشوفون المباراة في المقهى
طيب اسمع معي هالكلمة
أخوي الصغير زعلان عشان قضت اجازتي تدرون ليش
يقول محد بيوديني الملعب
لكن ابشركم بيحضر لأن ابوي بيوديه وابوي هلالي صميم وتعرفون الكبار ما يحبون الملاعب
يحبون تكوه في البيت وريح بالك
لاحظ ابوي الله يحفظه بيحضر
وانت يا الشاب متعيجز
واسمع معي بعد
عندي اخوين غير الي بيروح مع ابوي
واحد اكبر مني والثاني اصغر مني
والله طلبت منهم يروحون للملعب ويجمعون اخوياهم
وتزهلت لهم بالتذاكر
وعشان تحس على دمك وتروح للملعب
أخواني الاثنين اسم هلاليين
يعني ما لهم في الكوره
وبيحضرون
شلون انت ياللي عاد نفسك هلالي موووووووووووت
ما قل دل وزبدة الهرج نيشان
رح للملعب واحضر وما نبي منك شيء
غير التشجيع
لا تخسر نفسك لا علم ولا شعارات
مجلس الجمهور الهلالي ما يقصر بيوزع عليكم اعلام وشالات
أتمنى كلامي يؤثر في الي يتقاعصون عن مباريات الهلال وروحة الملعب
وكلامي ما يخص مباراة الاتحاد فقط
ويخص فقط جمهور الرياض الي ما يملأ الملعب الا بالنهائيات
همسه في اذن كل هلالي
اذا تبغى ابو سلطان يجلس ولا يستقيل خلك قدامه في الملعب
تحياتي
عين الصقر |