اكتب لكم هذا الموضوع .. على نغمـات الصواريخ والطراطيع
وسيمفونيــات عزووز .. وألحان الفيصليه << نوع جديد من الصواريخ
كــل سنه يطلع لنا انواع جديده .. طبعا لتواكب العصر .. والبعض يكتفوون بتغيير اسمائه
أما هذا عزووز النكبه >> مهوب عزوز الازرق ..
عزووز هذا نوع من انواع الصواريخ وله اسامي كثيره ..
انا وحده احب الصواريخ الهاديه .. واللي تطلّع ألوان <<بازووكا واخواتها
>>اخاف تحسبون لي بسطه بام الحمام
في احد الليالي وكانت ليلة عيد جا اخووي المصون وكان جاي من ام الحمام يشتري صواريخ
وقال : اختي سنعه .. قلت : يالبيه
قال : عندي لتس هديه .. قلت: ياحبييله اخيي عسى مايخليني جايب لي عيديه
وقال هذا الصاروخ مايغلى عليتس تووه نوع جديد .. واقوول بنفسي : احسبها شئ يسوى
والله القهر تشترى بفلووس همين اطيّر الفلوس بالهوا .. وقلت : يابنت اعقلي الهديه مهيب بقيمتها
الهديه بمعناها << تذكرت موضوع السندريلا
وتجيكم السنعه مسوويه ابضايه وانادي اخواني واخواتي وهو راح لإجتماعه مع حقين الامم المتحده تخبرون انتم يالعيال دايم مشغولين وعندكم صفقات .. واثاريها مقلب من مقالبه
وانا ياغفلين لكم الله واجيكم واشب الفتيله وعلطوووول بووووووووووووووووو
انفقعت بثواني .. صوووتها مهوب صاااحي .. احس فقعتها بطلبة اذني وطلع يمكن فيني 3 شيبات من الرووعه .. وقلبي مدري وينه .. من جد احس البيت اهتز .. واروح لأمي ورى وجهي اصفر من الروعه .. واقوولها تزين لي عصفر <<افلقوني ان عرفتووه مشكله وجهي اصفر وبكره العيد ..
وياكثر المواقف مع الصواريخ والشروخه .. مره اختي وزوجة عمي بغو يروحون فيها
بس الحمدلله ربي فكهم .. وحده بغت تروح عينها وصار الحرق بشعرها .. والثانيه برجلها وكلها حرووق
كله بسبة هالعياليين يطلقونها ولا ينتبهوون الله يصلحهم ..وعاد المستشفيات يوم العيد ملياانه من ضحاياها ..
والزبــــده .. انا هذي الطراطيع معها وبنفس الوقت ضدها ..
هي صنعت كوسيله ترفيه للأطفال والكبار معا للتعبير عن الفرح والبهجه والسروور بالعيد ..
ولكــن ينتج عنها بعض المصايب ..والروعات ..والإصابات
لســوء الإستعمال .. او تشغيلها بأوضــاع خطره .. كمسكها باليد او استخدامها للعب بالتراشق فيها بينهم
او اعطائها للاطفال وتشوويه برائتهم بها ..
وياما سمعنا بقصص كثيـــره .. واصابـــات بالغه .. اضرار بالعين .. جرح باليد .. حرق الشعر .. وبعضهم سببت لهم عاهه مستديمه..
وكيف نعرف ان العيال مفقعين صواريخ ..>> العلااامه الفارقه <<..
تلاحظون ان ثيابهم فيها شق وحرااق << ياسفــاب التفصيل وزحمة الخياطين ..
انا بصــراحه احمّل الأهل مسؤؤليــه كبيــره في اللي يحصل لأنهم خلوو الحبــل على الغارب بالعامي ( خلو الدرعا ترعا ) يعني من تدليلهم لابنائهم في تلبية طلباتهم في شراء الألعاب الناريه ..
مايعرفووون مدى خطورتها ومدى مناسبتها لسنهم .. وهم في اعتقادهم انها بتسعدهم ولكن في بعض الاحيان تكون وبال والنهايه تألمهم لاسمح الله ..
وطبعــاً .. تبدا بالانتشار غالباً ليلة رمضان احتفال بالشهر الفضيل ..
وطوال ليالي شهر رمضان ماشاء الله مدّهرين هاالعيالين ..اللي يبيعهن واللي يشتري ويفرقع
ومن الحلووول لهذي المشكله .. قامت امانة مدينة الريــاض وعلى مدى سنوات اطلاق االألعاب الناريه
على ايدي مختصين من اماكن معينه ثلاثة ايام العيد .. ولكن يالييييت زيادة اماكن اطلاقها وزيادة الوقت يخلونها على الاقل نص ساعه .. واشكرها على هذي الفعاليات الجميله والعرووض الرائعه ..
والشرطه تصادرهن وتمنعهن وهن بازدياد مثل ماهو معروف كل ممنوع مرغوب ..
هذا رأيي في الالعاب الناريــه .. <<<<<
>>>>>>> ابي رايكم بالالعاب الناريه ..؟؟ وكيف نجعل الاطفال تبعد عن االعاب الخطيره
ونستبدلها بالامنه ..؟؟ واللي عنده مواقف مع االالعاب الناريه يذكرهن ..
وبمناسبة قرب العيد السعيد ... احب اهنيكم قبل الزحمـــه في الشبكه << ماشاء الله واصله
واقوولكم.. كل عـــــام وانتم بخيـــــر .. وعيــدكم مبارك
والله يتقبل منا ومنكم صالح الأعمــال والله يجعل خير اعمالنا خواتيمها .. والله يعيده علينا سنوات
وانتم بصحـــه وعافيـــه وفــرح وســروور ..
وهذا ورد لكم بهذي المناسبه
وهذي حلاوة العيـــد كاشخه لكم جايبه شوكلاته زينه
على طاري العيد.. حنا عيدنا فيه مسابقات وحركات .. والمسابقات علينا حنا وعمتي
فلذالك الله يعافييكم ولا يهينكم ابي فزعتــكم تعطوني اقتراحات للمسابقات وتكون حركيه
للحريم والاطفال .... ولكم مني جزيل الشكر .. وانا عارفه انكم قدها الله يجزاكم خير.. واسفه علىالاطاله
.. دمتم في رعايــة الله ..
أختكم .. هلاليه سنعه ..
كل عـــــام وانتم بخيـــــر .. وعيــدكم مبارك
والله يتقبل منا ومنكم صالح الأعمــال والله يجعل خير اعمالنا خواتيمها .. والله يعيده علينا سنوات
وانتم بصحـــه وعافيـــه وفــرح وســروور ..
من نحاية الاليعاب الناري اعتقد أنها مشكل من الصعب ايجاد حل لها ..
وخاصه انها في كل مكان وتباع في جميع الامكان والاطفال يشترونها
بكميات كبيره وصايره مستهلكه عندنا .. ومن الصعب انهم يوقفوها
الا بوجود بدائع للناس .. وامانة الرياض تشكر على اللي تقوم ولكنه
لا يكفي لاطفال ابدا ..
واتفق معك في خطورتها انا ما امانع في استخدامها للتسليه وتغير الجو
والتعبير عن المناسبه ولكن بحدود ولازم تكون في اوقات الناس صاحيه
ولازم يكون اللي يشعلها شخص متمكن مو طفل ..
لكن الحين صاروا الاطفال في كل مكان بالعابهم الناري .. والكثير تأذوا منها
والكثير احترقت بيوتهم والسبب الالعاب الناري .. اذا ماحذرنا منها ماراح تكفينا شرها ..
والمواقف منها كثيره .. وكنت انا من الناس اللي عندي بالعيد شراء الطراطيع اهم
من شراء الملابس الجديده .. وكانت لي مواقف كثيره منها .. ومضحكه ,, ومبكيه احياناً ..
اكتشفت اه مو حنا بس اللي نسوي المسابقات .. صار العيد عندنا له طابع خاص
بالمسابقات لان فيها حماس وبعضها فيه حركه .. ولو كنت مروق ومخمخ كان جبت لك افكار ..
بس خبرك صايم ..
مشكوره اختي على الموضوع اللطيف الرائع ..
ودمتي لنا مبدعه ..
بداية كل عام وانتي بخير ,, اعاده الله علينا وعلى الامة الاسلاميه باليمن والبركات ,, ذكرتي امرا .. يبدو ان الاباء والامهات يحملون على عاتقهم من هذه اللحظه مسؤلية اي ضرر واي مكروه لا سمح الله لـ اولادهم جراء استخدام والعبث في مثل هذه الالعاب الناريه ,, حقيقة الامر ليس بـ الهين .. واصبح المعتاد وللاسف اننا نسمع في عيد حادثة تحصل لـ احد الاطفال .. احدهم فقط عينه ,, والاخر جـرح في رأسه ,, اما احدهم فـ نُقل للمستشفى لـ جرح عميق افقده احدى اصابعه ,, وهذا للاسف يكمن في السبيل الاوحد في الحصول على مثل هذه الالعاب الناريه ,, بـ الامس القريب كنا نحصل عليها من احدِ النساء وكانت عجوزا ذاكـَ الحين ,, ولكن لا اعلم ماالذي حلَ بها .. ان كنتي تذكرين كان اسمها ( نويـر ) وكان الامر يحصل في السر ,, وكان من الصعب الحصول على الالعاب الناريه ,, وكانت اسعارها ضعف مما هي عليه الان ,, اما في وقتنا الحالي .. فـ امام الجميع وفي المجمعات التجاريه ,, والامر بات اعتياديا لـ الكثير ,, وكأن الرقابه ضاعت هنا ,, لذا مسؤلية الجميع ومراعاة خطورة الالعاب الناريه ,, ومن وجهة نظري ان ماتقدمه الامانه في العيد يعتبر كافيا من اقتناء مثل هذه الالعاب الناريه ,,
لكـِ تحيتي على هذه الاسطر ,, وحقيقة هي امنيتي ان اقدم يد المساعده في مسالة المسابقه ,, وسـ يكون البحث باذن الله عن ذلكـ ,, وبكل تاكيد الاحبه لن يواتيهم التقصير في ذلكـ ,, فـ لكِـ الشكر على هذه الاسطر الرائعه ,, وهذا الاسلوب الجميل ,,
امرها غريب الصواريخ ذكرتيني اول اشتري واخسر دراهمي واخليهم يشغلونها لي بلاني خوافه
قبل كم اسبوع كنت باستراحه والا نسمع هالصوت الي كنه قنبله عاد على طول يجي في بالنا ارهاب الا نشوف هالنوافير وهالالوان اصواتها مزعجه تروع خووف ياربيه بس
وبخصوص المسابقات مافي احلى من تجيبين لك شي تحطين فيها موية وتحطين تفاحتين والا خيارتين وتخلينهم يطلعونا باسنانهم بدون يديهم تراهي اقدم لعبه على وجة التاريخ بس ممتعه
وجيبي مثل فعاليات الصيف حبل طويل وثنتين ماسكينه من الطرف ويمرون على الي صافين بسرعه والي يطيح والي يتكسر تراها حلوة وومتعه بعد بس ماقد فزت فيها وترى الي لابسه او لابس اسود دايم تفوز بهاللعبه
والمحاورات الشعريه تراها حلوة بس الله يهديهم يدخلون لك يامكة وياطيبة يقول شعر
واذا تذكرت قلت لكـ
والله اني صائمه اتقي الله يافتاة بس شكلة مهوب زين مره احس ان داخله شي ابيض >>>تلعب على نفسها
أنا ماجرني في الموضوع وحمسني الا الشيب اللي طلع برأسك ياحرام يعني صرتي عجوز اعرف حلاق بنقالي يصبغ كويس ههههههههه " امزح معاك يادوبه "
بعدين انتبهي لاتدري عنك ام نوير اكبر تاجرة شروخ وصواريخ وطراطيع والله ان تعدمك اعدام لأن معها خمس سنوات مصارعه حره
أما انا أويد وجود الألعاب النارية علشان الناس تجي تفصل ثياب عندي هههههه " الاخ خياط "
لا فعلا انا اويد الالعاب النارية بس ماأيدها بعد " ياخي انثبر وقل تؤيد والا لا "
اؤيدها اذا كانت تحت مراقبة أولياء الأمور
وماأويدها اذا كانت تحت مراقبة هلالية سنعة
الصراحة إني عجاز اليوم ماابي اتكلم " واحد طاقك وقال تكلم "
أما هذا عزووز النكبه >> مهوب عزوز الازرق ..
عزووز هذا نوع من انواع الصواريخ وله اسامي كثيره ..
انا وحده احب الصواريخ الهاديه .. واللي تطلّع ألوان <<بازووكا واخواتها
>>اخاف تحسبون لي بسطه بام الحمام
والله شكلك خبرة
بس يعني ماتوصلين لبسطة بسوق الحمام خل نقول بسطة بالعويس
إقتباس
وياكثر المواقف مع الصواريخ والشروخه .. مره اختي وزوجة عمي بغو يروحون فيها
بس الحمدلله ربي فكهم .. وحده بغت تروح عينها وصار الحرق بشعرها .. والثانيه برجلها وكلها حرووق
كله بسبة هالعياليين يطلقونها ولا ينتبهوون الله يصلحهم ..وعاد المستشفيات يوم العيد ملياانه من ضحاياها
هذه المشكلة وهذه المصيبة ياما سمعنا عن ناس حدثت لهم اصابات وتشوهات بسبب هالموضوع
لذلك ليش الواحد يجازف ويقرب هالاشياء ممكن تتحول فرحة العيد بسببها لاحزان وماسي ماتسوى على واحد لحظة وناسة ممكن تتحول لايام من العذاب :sad:
إقتباس
انا هذي الطراطيع معها وبنفس الوقت ضدها ..
هي صنعت كوسيله ترفيه للأطفال والكبار معا للتعبير عن الفرح والبهجه والسروور بالعيد ..
ولكــن ينتج عنها بعض المصايب ..والروعات ..والإصابات
حددي موقفك ;) :p
إقتباس
انا بصــراحه احمّل الأهل مسؤؤليــه كبيــره في اللي يحصل لأنهم خلوو الحبــل على الغارب بالعامي ( خلو الدرعا ترعا ) يعني من تدليلهم لابنائهم في تلبية طلباتهم في شراء الألعاب الناريه ..
مايعرفووون مدى خطورتها ومدى مناسبتها لسنهم .. وهم في اعتقادهم انها بتسعدهم ولكن في بعض الاحيان تكون وبال والنهايه تألمهم لاسمح الله
صحيح انا معك في هالنقطة
إقتباس
قامت امانة مدينة الريــاض وعلى مدى سنوات اطلاق االألعاب الناريه
على ايدي مختصين من اماكن معينه ثلاثة ايام العيد .. ولكن يالييييت زيادة اماكن اطلاقها وزيادة الوقت يخلونها على الاقل نص ساعه .. واشكرها على هذي الفعاليات الجميله والعرووض الرائعه ..
نتمنى ان هالفكرة الجميلة تتطور في المستقبل القريب
وكل عام وانتي والجميع بخير والله يعيده علينا واحنا بخير ونعمة يااااارب
الف شكر يالسنعة على موضوعك المهم واللي جاء في وقته
*الي مايعرف الثوم هذاك الي يجي بكرتون صغير
فيه شي صغير ابيض ترميه على اللارض مايقول بووم لالا يقول طع
وللعجازين الي مافيهم حيل يحطونه بالارض بشوويش ويدعسونه بالجزمه وبرضو حيقول طع
كــان ودي اذكر مواقف كثيـرة , لكن بخليه لموضوعي اللي أظاهر انه مهب نازل ,, (( ياشين العجز )) ..
انا من زمـــان لارحت لســووق الحمام ما تقضى بأقل من 500 أو 700 ريال .. !!
لأنــه بصراحة العيد بلا طرطعان ما يسوى .. !! ..
المهم :
انه كل ابو دايم نشري طرطعان ويحترق ثوب العـيـد ..
والشبـاب هناك يسمونن " ............. " من كثر ما أشري وأجي وأوزع ..
لكن خلاااااص ما أظن فيه طرطعان بعد الآن .. :sad: ..
ايييييييه اذكر لا أقبلنا على سوق الحمام الكشره واصله الأذان ,,
اللي قاهرن انه اللي يبسطن عند الأسواق " المجد " يدبلن دبل الدبلات السـعـر عن سوق الحمام ..