السلام عليكم ورحمة الله و بركاااتوووه مرصعه بكم كورت ثلج من عندي
<<والله البرد يشكي عنده
الله يصلحك يا الهنووف طيرتي النوم من راسي
<<<توه قايم عشان يتسحر
العيد والله له نكه خاصه مع الاهل بس هذا اول عيد لي من دون اهلي :sad: بس اهم شي ان امي مرتاحه من هذا السفره مو زي الاول للي يعرفوون
ندخل في الموضوع ككل
الزحمة قبل العيد
اكره ما لي اذا قالت لي امي او اختي يالله على السوق
صح اني اسلك طرق مختصره و طرق غير نظاميه
بس الزحمة ناشبه فيني ما اقدر افرقها
يعني وين ما تروح فيه زحمة
الله يهني اللي معهم جيب او جمس
نجي للموضوع الثاني
العيديه
يا زين عيديات زمان
<<اخس يا الشايب
بس على الاقل اذا رحت مع ابوي اسلم على عماني و عماتي و خالات ابوي و جدتي يجينا رزق
مو زي الحين يالله نحصل 50 ريال
بس على الاقل نعمة كانت تعبي بنزين للسياره
اللي بعدوووووووه
ملابس العيد
والله كان نظامي انه ما تخلص العشر الاولى الا و انا مفصل ثياب العيد عن المشغل
الشماغ في دقيقتين و انت خالص منه
بس البلاء في الجزم او النعال و انتم بكرامه
اقعد احوووس لي 10 ايام ادور على جزمه اكشخ بها بس من كثر المحلات الزينه عاد اللي في الرياض
بس الحين اكتشفت واحد اووكيه
شريت من عنده جزمه العيد اللي راح و الى الحين تقوم بالواجب اللي عليها
وش فيه اشياء نتكلم عنها بعد
الطلعات اللي في العيد
والله انا و عيال عمي او اخوياي حقين تكيه في البيت لا نروح و لا نجي
قاعدين في الملحق حق بيت جدي و لا روحه و لاطلعه
ان طلعنا رحنا جبنا العشا ورجعنا
حتى العشا ما نطلع و نتعشا برا في المطاعم الا قليل او نادراً ((حلوه حركة التنوين
))
و اذا طلعنا نطلع للمزرعه يا نلعب كوره و الا نتكي فيها و نغير جو هيناك
و في الاخير
اشوفك يا الهنووف طالبه صور احفالات بالعيد في مناطق المملكه
ما ينفع صور احتفالات العيد في امريكا مع شويت ثلج
و بعد الاخير
تقبلوا تحياتي و كل عام و انتم بخير قبل الزحمة او لو ارسلها من امريكا ما ادري متى بتوصل عندكم
و عيدكم مبارك قبل الزحمة
من العايدين قبل الزحمة
من الفايزين قبل الزحمة
و
سلامـ