|
حداء الخيــــــــل السلام عليكم ورحمة الله وبركاته ماهو حداء الخيــل الحداء .. في الشعر العامي لتطريب الخيل ام الإبل فيكون بألحان الهجيني وهذه أمثلة من حداء الخيـــل ------------------ للملك عبدالعزيز 1- ياهجر يازين البنات ........ لا تحسبينا هاربين انطول الله بالحــياة .......... جينا اليك راجعين ..................... 2- مهبول ياقايل قضت ....... توه عمر دخانها يلحق بها ورع صغير....... خيل بقطي حصانها ..................... 3- ياسابقي حــرم عـلــيك ...... شبو الحصان اللي غريب بالبر انا بارهي عليك ....... مادام ابو متعب حريب ...................... 4- عيوا يطيعون النصايح ...... وأنا عن البوق اتدرا ياللي تريدون النصايح ..... ماخير الا عقب شرا ........................... 5- يانيم تحت العريشه ...... ياناسف فوقه ذرا لا تحسبن النوم عيشه ..... الحرب زيزومه سرا ______________________________________ محمد العبدالله ال رشيد انا احمد الله طاب نومي ..... والماء على كبدي قراح لومي على الدنيا ولومي ..... ربعي مروين ارماح __________________________________________ عبدالعزيز المتعب العبدالله ال رشيد 1- شقح توديهن غرب ...... شبن بقلبي نارهن يلفنفياض بالحجر...... متخالف نوارهن ........................... 2- راع الـجـمل دلآ يـــصيح ...... واللي على راسه رماه ياأهل الرمك مالي نطيح ....... وعجزت من باقي الحياه ........................... 3- وين انت ياديار منيره ..... دونه مزاريق الرماح مادام راسي دايم له ........ والله ماتشرب سماح ............................. 4- لي مهرة قفوا بها ....... ياحسين وآخده يلوح ان اقبلت ودي بها ....... وان عاضبت خله تروح ___________________________________________ عبدالله العلي ال رشيد 1- ياعبيد عيني حاربت النوم ...... من يوم واوي جاب علم الجيش ماحسب ذروة ياخذونه قوم ....... وراسي على الدنيا يــــعيش ........................... 2- ياعبيد ماهناني نـــــوم ....... والقلب به شي حداه ماحسب ذروه ياخذونه قوم ........ وأنا على قيد الحياه _____________________________________________ سعود العبدالعزيز المتعب ال رشيد قولوا لنزال الحدود ...... عن حــدنا ينزح وراه عاداتنا جدع العامود ..... والطامح نلحقها هواه ______________________________________________ ماجد الحمود العبيد ال رشيد هــنيت قلب لاعـليه ولا لــه ...... ولا همه الطارد ولاالمطرود ولا حضر ركب الخيل والخياله....... ولاهمه لا سعدي ولا مسعود _____________________________________________________ راكان بن حثلين 1_ الفاطر اللي ماعليها سوم ........ ترعى الربيع ونيها تبنيه عطت بريح كنه الـــــشموم......... من فوق غرس طولوا حاميه ماني بسباب الرفيق رخــوم.......... سب العرب مايرتفع راعيه ياوي شلفا حدها مـــسموم ......... ياويل من تـضوي عـــليه .............................. 2- سلام يامني وأنا لـه ...... ليا عوى ذيب لـــذيب ليا صفا جالي وجاله ...... ما عندنا باللي حريب ___________________________________________ محمد بن هندي الله يلومك يالذليـل .... ماشفت بالدنيا طراه مايحشم الا من يعيل .... والعمرياصل منتهاه ياشيخناشيخ كبير ...... والشيخ نمشي بهواه _______________________________________ برجس بن مجلاد ياهيه يارع القعود ..... ريض قعودك يمنا من عقب ماحنابعيد ..... انا احمداللي لمنا وليا تلاقن بالسماح..... نرضيك ونزعل عمنا ____________________________________________ لأحد رجال قبيلة حرب يرعون من عبله الى حليت .... وشبيرمه يردونها لعيون نوره بنت بن نحيت .... اللي غشانا نورها _____________________________________________ تركي بن محيا ان كان شجعي مارمت عبدالله .... والا مع الساير تروح ارمي عشيرك ياظبي الخله...... لو كان حماي اللدوح __________________________________________ سطام بن شعلان بنت اخو قطنه يانواف ...... تركيه لا تجونها لا تــلاقن بالــسماح ....... اقلطك لعيونها ________________________________________ نواف بن قعيشيش بنت اخو قطنه ياسطام ..... شقحا يعوزك لونها تــسعة جموع غــربت ...... ماظنتي يــعطونها ______________________________________ واتمنى ان تنال اعجابكم |
الحمد لله على السلامه ما قصرت موضوع اصيل. |
السلام عليكم ورحمة الله وبركاته اولا الحمدلله علي السلامه . وفعلا من طول الغيبات جاب الغنايم . تحياتي . |
هلا والله الله يسعد ايامك ((هالدعوة الحلوة تعلمتها منك)) ما شاء الله عليك موضوع اكثر من رائع |
الحمدلله على السلامه مجهود ليس غريب على عميد الكتاب... مشكور وماقصرت |
روعة ابو سليمان الله يعطيك العافية .. لكن انت وينك متغبي من مده ماشفنا لك مشاركات .. |
الحمد لله على السلامه وين الناس مشكور على الشعر الحلو مع اني ما افهم بالشعر |
هــــــلا والله بـأبو سلــيمان شـــيخ المنتدى العـام;) . بالــنسبه لــي أول مــره أعــرف شــيء اســمه حــداء,,, تحــياتي لك ولســـوالف الأولين :) اللي دايم تمتعنا بـذكـرها,, وعــوداً حميـــداً,,, |
هلا وغلا والله ...ابو سليمان ... تسلم يمينك وما قصرت على هذا الموضوع ويعطيك ربي الف عافيه... لك كل الشكر ... |
ياهلا بك يالعميد وبرجعتك اللي بصراحة طولت وأقلقتنا ... عودآحميد ... يالعميد. ترى ما أسمح لك بالوعد أذا تخطى شهر رمضان المبارك . وأذا كان بالشهر الكريم خير وبركة . يا أنا محضر لك مفاجئة كبيرة يسعد بها قلبك وقلب كل من حضر . وبيكون فيها أعضاء ما أحبهم وماودي فيهم ( بس ملاقيف... بيجون يعني بيجون غصب علي ) تقول رادارات عندهم:( ياهلا بك وياهلا بهم وبكل الأعضاء الغاليين . |
أنا رديت علشان أرحب بعودتك بعد غيابط الطويل عنا :( .... هذا أولا ,,, ثانيا يابو سليمان شايفك مركز على حداء آل رشيد , هذي وش نفهم منها ;) ,,, الله يعطيك العافيه ... وتحياتي لك ,,, |
هلاء وغلاء بحر ومشكور على تواصـلك يالغالي ابو صبحي الغالي الخير بوجهك وأبشر بفالك الله يسلمك ابو متعب ويسعدني ان الموضوع جازلك تسلم عصويد والله لايهينك يالغالي حبي تيماوي الغالي قريب ( قربت بدو) الله يسعد ايامك هلابك سعود كفايه كلاماتك الحلوه يالغالي هلاء وغلاء يانايف وأبشر باللي يوسع صدرك الله يسلمك ويرعاك ياصدى ألأمس الغالي J.A.J بك المهلاء والمسهلاء وأبشر باللي يتشرف بزيارتك يالغالي الخير كله بوجهك يالغالي وتراني ماني متفاجى لأني عند سنافي الله يعزك يالغالي هلاء وغلاء ابو الخل أولآ اما بالنسبه لسؤالك وش رايك انت ؟ رجال مايجهلهم الا جاهل وبعدين انا منهم وهم مني اي (( ضياغم)) ضيغمي لسناعيس أنتسب .... لابة طلنابها عرش كبير ولا حقران بالباقين ولكن حاولت ان أجمع ما أستطيع وهل تراء ان الباقين مثل راكان وابن هندي وابن شعلان وبرجس وغيرهم لم أعطيهم حقهم نعم لو نكتب عن ماضي أجدادنا مانكتب لانوفيهم حقهم من شجاعه وأكرام الضيف ونصرة الملهوف وووووووو لين تتعب اين نحن منها؟؟ على العموم يهلاء وغلاء بمشاركتك ..وأرجو ان أكون قد أشبعت فضولك |
هلا أبو سليمان , هلا والله بخالي والله والسبعة أنعام ,,, اللي كنت أبعرفه وصلني ;) ,,, تحياتي ,,, |
| الوقت المعتمد في المنتدى بتوقيت جرينتش +3.
الوقت الان » 04:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd