.::: احــداث يوم العيــد ::.
 

السلام عليكم

هذا الموضوع حطيته لتضعون ماحدث لكم ايام العيد المبارك

من افراح واتراح وضحكات والخ

وكل عام وانتم بخير

محبكم عنفوان الابداع

هذا آخر رد لي واقولك الهنووف حاطه موضوع .. <=== قبل السفر بدقايق
بدون الوان من العجل

فكره حلوه اتمنى الكل يشارك







تحياتي

والله الفكره خطيره
أول ما أرجع من عيدنااا قلت لكــــــــــــــــــــــــــــم وش صار
مع اني ما أتوقع بيصيــــــر شي

اول شي كل عام وانت بخير وتروح وترجع لنا بالسلامه

ثانيا انا ادري ان الهنوف نزلت موضوع لكن موضوعها شامل لكل شي من تهنئه واالاحتفالات الخ

لكن موضوعي هو عن وش صار يوم العيد من احداث<<< فهمتو شي

وانا الحين بروح اصلي العيد

سي يو

وش صاااااااااااار.....

شف انا اول واحد بقولك ...

صليت الفجر وانا سهرااااااااااااان..

رجعت البيت تكيت شوي ع النت ..
لبست ارجع ابغسل.. مدري بسوي نفسي.. طاح العقال .. وابتل بالماء هههههههه

عادي .. مسحته ... وانشفه >> الحمدلله مو القطيفي والا كان راح فيها <<
المهم اخوك مصر ع هالعقال.. واشيله واصلي انا واخوي.. ونزر من جماعتنا... ثمن الخطبة .. ثمن وزعنا بوسات على من عرفت ومن لم تعرف..

ادهرنا على الجيران ... رحت المخيم .. تمقلت فيه .. مااعجبني الحر... جيت وتكيت هنا...

شوي بنام .. ثمن اذا قمت بشغل الموتر.. وبعايد البقية الباااااقيه.. خارج نطاق حينا .. هع..

تحياتي يالغالي..في انتظار البقية ..

هلا وغلا أخوي ..

أكتب لك ما حدث معي والنوم قد داعب جفوني وأتعبها ..

الساعه 4:10 الآن ..

طبعًا يومنا كان لم يخرج من الأيام الرمضانيه من حيث الجلسه والطلعه و... و... و...

الساعه 9 مساءً نمت .. سويت فيها ذكي عشان أقوم الفجر مصحصح ومتجهز للعيد ..

الساعه 2 ما قدرت أكمل نومي .. خلص النوم .. 2 بالليل .. وأجلس إلى الفجر ..

صليت الفجر .. العيد .. وجلست على النت أهني وأبارك ..

شوي ومشينا إجتماعنا حنا وعماني عند جدتي ..

عايدنا بعض وتقهوينا وسولفنا و....

الساعه كانت 7 ونصف تقريبًا ..

حطوا فطور خفيف كان أغلب محتوياته حلاوة طحينيه بـ أنواعها .. إمتزجت بـ ذكريات حي الضباط في الرياض والعيد أيام الصِغر .. والضحك على دكاترة الجامعات الـ غير سعوديين من حيث نطقهم وغيرها وغيرها <<<<يقدم أخبار :d

وجدتي ماشاء الله تبارك الله جالسه في مقدمة السفرة ومعها جوالين .. مايمديها تخلص من هذا الا ويدق هذا ..

ماشاء الله عليها أميمتي .. طلعت مهمه وحنا ماندري ..

خلصنا من الفطور الخفيف والسواليف ورحنا كل واحد لـ بيته ..

الساعه 11:30 رحت المطار عشان أحط سيارة واحد يقرب لي هناك على أساس يجي اليوم لـ جدهـ وياخذها ..

معه سبير طبعًا ..

رجعت البيت وكنت قد أعددت العدهـ للعيد الأساسي واللي يجمع العائلة كلها في بيت العمه الكبيرة ..

الساعه 1 لازم نمشي الوالد جاء قال لأخوي يالله نبي نمشي لا نتأخر .. قلت يالله أنا جاهز ..

قال لا أنت أجلس !! ليش وشلون وكيف ولماذا .؟!.؟!

لأنك أنت اللي تبي تجيب أمك وخواتك لبيت العمه ..

السواق مسافر ومحمد بيقعدبها ..

طلعنا من البيت الساعه 3 إلا ربع .. يعني بعد ساعتين الا ربع من طلعة الوالد وأخوي .. حريم وش توقعون منهن يعني ..

وصلت هناك وكانوا الرجال قد (قلطوا) على الغداء .. وجلست وسولفت مع عيال عماني ووسعنا صدورنا ..

أذن العصر رحنا نصلي .. بعد الصلاة أخوكم دايخ وطافي وودهـ يروح البيت ..

جت منهم .. جاني أخوي قال تروح للبيت قلت ليش ؟ ووضح الأسباب ..

قلت الحمد لله انها جت منك .. أروح لو مشي .. وها أنا وصلت البيت وفي رأسي كومة نوم ..

لكن أنتظر بعض الناس يجون لأنهم ما معهم مفتاح .. بعدين سـ أغط في نوم عمييييق قد لا أستيقظ منه إلا في صباح اليوم التالي ..

...

أعتذر عن الإطاله ..

تحيتي ،،

والله انا يومي عادي جدا جدا جدا :rolleyes:



صليت الفجر ورجعت قعدت العب بلاستيشن



قبل صلاة العيد بنص ساعة بديت اتلبس واتضبط :clapping:



رحت صليت العيد بجامع الراجحي وتحديدا بالقبو ( البدروم ) <<< مت من الكتمة :no:



رجعت دقيت على ابوي وعايدته بما انه بمكة :yes:



وبعدين جاء اخوي من الجامع وقال مشتهي اندومي <<< وش هالمزاج :d



وانا قلت الاندومي مب شينة :d



وصلحت اندومي واكلنا وبعدين دخلت النت الى الساعة 10:20



وبعدين نوووووووووووووووووووووووووووووووم :sleep:

هذا هو العيد خلــــــص بالنسبه لي
عاد اننا يخلص العيد عندناا الساعه 12 الضهر
يعني حسووفه الكشخه تخلص بسرعه

والله تصدقوون يووم رجعت البيت وخلللص كل شي
قلت يا حسااافه دوراني بأسواااق الرياااض
يااا حسافه تقطـع رجليني
واللي بغيت أنهبل تخيلوو يووم وصلنا نص الطريق * بنرووح مقر العيد*
اكتشفت اني ناسيه ألبس عدساتي ...... بغيت أصيح مدري صحت .. عاد انا عيوني الله بالخير ياللــــــه ياللــــــــه أشوووف ما أشووف الا اذا كبست بعيووني ..يوم قلت لأمي اني ناسيتها .. قالت أختي ورى ماتسويــــن ليزك قلت فاضيتن لك انا ألحين
أقووولكـ نسيتها تقولين ليزكـ ........ إلخ الحديث

عاااد يووم وصلت الإستراحه
جلسنا نحووس في البدااايه أنا وخواتي
ويووم جاا وقت الجلسه حنيت للهنوف الشينه .. تخيلوا يوم جيت أسلم على أم الهنوووف قالت بدري توكـ تشوفينا والا يعني الهنووف مو فيه ماتسلمين .. طاح وجهي بصراحه عاد ما قلت اني مالبست عدسات بصراحه فشيله بتقوول وش ذا الفاهيه

المهم نرجع لمحور حديثنا يووم ذكرت الهنوووف خنقتني العبره
حبيت أسلي عمري ببنات خوالي الموجودين بس ماحد فيهم عطااااني وجهه
قلت يالله الشكوى لله بأقعد أدوور لعلني ( أبطت اللغه العربيه ) أشووووف أحد أعرفه أجلس أسوولف معه

ثم جلست أدووور الا لمحت شيئا ذهبيا عاد رحت لهاا الا هي أختي جلست معها شوي
المهم وبإختصار ماله داعي أشرح حالتي بس كانت صعبه جدااا بس أدوور

ايــــــه يوم رجعت البيت هنا تخنقني العبره وانا اذكر عيد العااام
عيد العام يووم جينا بنرجع كانت معي أختي وهنوووف واختهاا ..... هالسنه أرجع لحاااااالي ياعمري يا انااااااااااااااااااااااا

عااااد جلسنا نخربط يوم رجعنا بس ما حشينا أبد اصلا مانحب نحش
بس حشينا في المشرفــــه جعلها الي مانيب قايله <<<<< حاقده

عاد شوي قلت لأمي تراني جايعه بعدين اكتشفنا ان كلنا جايعين
قالت أمي وش تبوون عااد رسينا على اندووومي <<<<<<< عاشوا الشغالات بديت أشكـ اننا أندونيسات مو سعوديات

جلسنا ناكل قليلا بعدين رحت أناااااااام عاااد ذكرت ان تعبي خلااص .. انتهىى
عاااد يووم قمت من النوووم الا والدنيا ضلمه
رحت أصلي ...... جلسنا شوي جا خالي وعياله وخالتي وبنتهااا

عاد سواليف وانتقادااات على العيد .. والصندوووق وما الصندوووق والتبرعات ومن تبرع والمجله وكل شي في العيد

عاد ثم قالوا ضفي وجهــــــــــكـ بيجوون عيال خالي يسلموون على أمي وخالتي
وضفيته وجيـــــت أكتب الرد ..<<<<< تحب تستغل أوقات الفراغ


وماقبل ذلكـ
يوم قبل صلاه الفجر ليله العيد
كنت جالسه عالنت ومتحمســــــــــه مررره ما دريت الا اختي تطق الباب بكل ما أوتيت من قوووه تقوول يالله جالسين سنه نحتريك بنرووح المشغول ..
انهبلت طيرت عيوني :| وقلت طيــــــــــب جالسه أحتريكم أنااا
قالت يالله
يووم نزلت بسررررعه كانت الساعه 2 ونص
ولبست عبايتي يووم طلعت بالشارع صارت تلعب علي
مافيه أحد أنا الوحيده الي بالشارع شوي طلعت اختي وبنت خالي
ورحنا للمشغل وكااان شويه عليه كلمه زحمه
عاد اننا حاجزين من المغرب بس ما جا دورنا الا 6 وانا ابي أروووح لللمسجد بأي طريقه
قلت بأمشي عمري عند اي وحده مو لازم الي انا حاجزه عندهااا
رحت لوحده واستشورت شعري أهم شي الأخلاااق بس أهم شي أرووح للمسجد
دقيت على أمي قلت لها اني جهزت وانتوا طالعين مروووني عشان برووح معكم
يوم رحنا لمسجد الأميره العنود ( بن جبرين ) وصلنا على وقت الصلاه وطلعنا على بعد الخطبه على طوول مافيه أحداااث بارزه في المسجد كااان الجو مرره نايم

تراني جالسه أكتب كل شي في بالي تضيعه وقت ...... بصراحه طفشت من الجلسه برووحي
واللي تحت مالت عليهم ما فكروا فيني ياعمري يا انا رحمتني ....
من الطفش جالسه أسمع سواليفهم بأكتبهااا
موقع رويال مول غلط في العيد وفااضي ما يجوونه نااس
العويس موقعه زين ومخيس بس عشان موقعه حلو مليان
يمه بنرووح للمملكـــــــه
لحضه بأقرب جازتلي فكره تكتيب السواليف
أقوول طفشت وعيــب التصنت مو زين
وبعدين دخلوو ناس بالماسنجر
إذا طفشت جيت أكتب فيذااا :d


عاد أقروووووووووه ولا تفشلوووني

مشكورين ع التفاعل الرائع

ــــــــــــــــــــــــــــــــــــــــــــــــ

والان سوف اسرد لكم يومي السعيد والكئيب في ان واحد:d

طبعا كنت مواصل كالعاده وبعد صلاة الفجر قمت اتجهز والبس الثوب والشماغ اللي ماانكوى زين :no:

وبعد صلاة العيد بشوي تعيدنا عند عمي وتخبرونه السلام والترحيب بالناس يمصع الرقبه

بعدها انطلقنا الى بيت جدي لامي وسلمنا عليه وقعدنا عنده ساعه الين اذن الظهر بعدين
رجعنا للبيت ونمت نوم عميق :sleep: الى اذان العشاء

ثمين قمت ورحت مع اخوياي نتمشى في الرياض يابعد حيي ورحنا لمسرحية (شنتر بن عداد)

وقفه

- تصدقون ان اليوم اول يوم نتغدى فيه والله شعرت بالحزن على رمضان والصيام