قطعوا رزقها : ( - نادي الهلال السعودي - شبكة الزعيم

LBa your heart · #1 24/10/2006, 07:58 AM

السسلام عليكم ;)

كل عام وأنتم بخير

المهم

تخيل أو تخيلي أنك محتاج ومالقيت(ي) وظيفهـ والحاله الماديه صعبه..

وتسترزق من ورى هالالعاب الناريه يعني تبيع فيها..

وأنت جالس أو باسسط بسووق وتبيع العاب ناريه ..

:sad:
ويجيك العسكري اللي مايخاف ربه بليلة العيد..

ويسحب البسطه من قدامك وياخذها ويحطها بسيارة الشرطه وينثر الباقي على الارض

والناس يطالعون فيكـ وأنت تشيل الباقي من الارض

وتسمع واحد يقول ياحرام قطعوا رزقه واللي يقول العسكري مايستحي على وجهه
..

وش راح تسوي؟؟

..

شرايكم هالموقف صار قدامي بسوق طيبهـ بليلة العيد !!!!!!!!!!!!

العسكر تجمعو على عجوز وخذو منها الالعاب الناريه والباقي رموها بالارض..

بالله موب بعض العسكر همج

والله أني أعرف عسكر يقولون نصادر الالعاب الناريه وناخذها لعيالنا

واللي قهرني زياده فيه واحد معه ولده الصغير يصور العجوز بجواله ويضحك وولدهـ جنبهـ

ما أقول الا الله يصبرنا

برب

الكناري الأزرق · #2 24/10/2006, 10:25 AM

السلام عليكم و رحمة الله و بركاته ..

تيت

..

لا حـول و لا قـوة الا بـالله ..

الله يسـاعدهـم ..و حسبي الله على الهمج ذولا ..!

لو ان اخـوي الصغير فـيه كان لقنهم درسـًـا لن ينسوه

..

موب عشان العجوز .. لكن عشان الطراطيع

..

و اللي صور بالجوال ودي اجـلده ,, زي الشرطي همجي !

سندريلا الهلال · #3 24/10/2006, 10:28 AM

بصراحة شيء مؤســف اللي ذكــرت ..

تقـدر تقضــي على كل المخالفات ولكن بوعــي مو بالهمجية هذي !!

هذا رزق فعلاً ..صحيح أخطئوا لكن ما يحاسبون .. لأنهم فعلاً هذا مكان رزقهم .. وفـّر لهم وسيلة لكسب الرزق ومكان وحماية .. وبعد ذلك ان شاهدتهم على الأرصفه تبــيع أي شي مخــالف حاسبهم وعاقبهم .. !!

أما أني أستــلم راتب ضخم نهاية كل شهــر ؟! وأقضــي على بسطــة لعجوز ترعى أبنائها!!!

قمـــة الظــلم والجبروووت!!! وانعدام الحــس الأنســااني لدى هؤلاء الأفراد ..!!

لا تقضــي على مشكلة.. فتخــرج لك مشاكل ... عــالج هذه المشكلة حتى تقضي عليها .. مو تنهيها والحل مفقود..

حتماً ستعود وبمتاعب أكثــر!!!

الله لا يولينا من لايخـــــــــــــــــــــاف ولا يرحـــــــــــم ...

الله يعطيك العافية..

ممدوح مساعد · #4 24/10/2006, 05:05 PM

لا تعليق

الذئب الهلالي999 · #5 24/10/2006, 07:59 PM

انا شفتهم بعيني داخل بين اسواق العويس وطيبه الى ذيك العجوز الي قاطعه الشارع ركض ...

بغيت اصدمها بس ربي ستر..

<<<متنح الرجال
شوي الى شلتها وراها منحاشين ماتشوفهم الى بين المواتر والله ياهم سريعين...

وين نواف بن محمد عنهم ..

والعسكر حاطين حرتهم فيهم ..

الله يعينهم ويرزقهم ان شاء الله

عنفوان الابـ 15 ـداع · #6 24/10/2006, 10:09 PM

الامفروض وضع سوق خاص لهم لممارسة البيع

مشكور ع الطرح الرائع ولاعدمناكم اخي

الكلاسيكي · #7 24/10/2006, 10:19 PM

الله يعوضها بخير منها ..
ومو القوه بالهمج .. القوه بالاسلوب ..
دمت بخير

مون الفتى الذهبي · #8 24/10/2006, 10:43 PM

هم معاهم حق بس مو بالأسلوب هذا

بس هم عبيد مأمورين

ويمكن جاي معصب يقول ماخلوني اداوم الا عشانهم

ويحط الحره فيهم

وترى أزعاج وأذيه الألعاب الناريه هذي

حتى سمعت أن في شيوخ حرموها

ماعدا بالمهرجانات

أنا أحب الألعاب الناريه واحب أشوف

الأطفال يطرطعون بها

في الشوارع

بس للصالح العام فيها أذيه

LBa your heart · #9 25/10/2006, 05:35 AM

^
^
^
وأنت مصدق أنهم بيصادرونهاا

لا لا

كل عسكري يأخذها ويعطيها لعيالهـ

...

برب

نـــــــ15ــــــمر · #10 25/10/2006, 08:48 AM

ادو واجبهم العسكر

وترى الاعاب الناريه خطره ويام اوادم فقدو اعينهم او احد اعضائهم

تشـــــــــاو

LBa your heart · #11 25/10/2006, 09:54 AM

أخوي نمر هناك فيه شي أسمه أسلوب وأحترام

فيه عسكر ماعندهم أحترام همج..مو الكل ..البعض

موب اذا صار عسكري خلاص يهين الشخص اللي يدور على رزقه بليلة العيد

ياخي لو أنك بمكاني وتشوف الي أنا شفته وربي تنقهر

المشكله اللي صار لها كذا عجوز

ياخي شلون تقول أدو واجبهم وهم باسلوبهم هذا اهانوا عجوز