السلام عليكم ورحمة الله وبركاته


المعروف ان الانسان لا جا يمسي على احد جاب احسن ماعنده, ناس تقول مساء الخير ناس تقول مساء الفل ناس تقول مساء الياسمين ...ووالخ, وبناءً عليه بمسي عليكم بأحسن ماعندي

مساء التاريخ الذهبي الازرق

مساء الرئيس الظاهرة محمد بن فيصل

مساء الرجال الكرام اعضاء الشرف

مساء الاساطير الزرقاء نجوم الهلال

مساء ملك الملاعب سامي

مساكم غير .. مساكم هلال


ندخل في الموضوع, لأني متحمس ,,

كلكم عارفين الأزمة المالية اللي يمر فيها ناديكم نادينا نادي الهلال, وكلكم برضه عارفين ان هذا آخر موسم لحبيبكم حبيبنا محمد بن فيصل. وكلكم برضه تعرفون وش قدم للهلال خلال الموسم الأول والثاني وكيف قدرنا نحصد بطولاتهم بطولاتهم, وخلينا لهم وحدة يفرحون بها.


طالبتوا وطالبتوا وطالبتوا وتنفذت اغلب طلباتكم .. ماقصر عليكم هلالكم بشي ..
والحين جا دوركم تردون الجميل ,, وهذا طبع الكرام وانتم منهم ياجمهور الزعيم ..


عندكم مجالات كثيرة تدعمون النادي من خلالها .. جوال الزعيم / قناة الزعيم / الحضور الحضور الحضور

كلها اشياء لو تقلبونها في روسكم ماتكلفكم شي ولكنها تنفع هلالكم !!


وشي 12 ريال في الشهر على فريق يجيب لي خمس بطولات في موسمين ؟؟

وشي 25 ريال ادفعها واحضر بين جمهور الزعيم, واستمتع بفريق بحجم الهلال !؟

وشي رسايل القناة اللي بتدفعونها على نادي تصبحون وهو موسع صدوركم وتمسون وهو موسع صدوركم ؟؟


افرضووا انه دخل للنادي من قناة الزعيم يومياً 3 ريال من 10 الاف زعيم بس واحسبوها
يصير 3 * 10000 = 30 الف ريال يومياً // 30000 * 30 = 900 الف ريال خلال شهر !!


يا زعماء هالموسم يحتفل هلالكم بمرور 50 عام, وبرضه هو آخر موسم لسامي ولمحمد بن فيصل.

هالموسم من جد موسم استثنائي, طالبكم نبغى نشوف جمهور استثنائي .


هاه وش قلتوا .. بتدعمون هلالكم والا شلون ؟؟؟


انا عن نفسي بدعمه باقصى مااقدر عليه ان شاء الله


واعتذر عن الإطالة ..


سلامي,,